حمد إنت فين يا حبيبي المحامي كلمني وقال إنك لغيت البيع ليه يا ابني
قلت لها
علشان لقيت منى عايشة
سكتت
كان سكوتها أطول من أي إجابة ممكن تقولها
وبعدها قالت بصوت مرتبك
إنت بتقول إيه يا أحمد
قلت لها
بقول إني لقيت مراتي اللي حضرتك قولتيلي إنها ماتت من 19 سنة ولقيت ابني اللي حضرتك حرمتيني منه
صوتها اتغير فجأة
إنت لازم ترجع القاهرة حالا
قلت لها
لأ يا أمي إنتي اللي لازم تيجي هنا
قالت بعصبية
إنت مش فاهم حاجة الست دي كذابة وعايزة فلوسك
ضحكت بمرارة وقلت
غريبة يا أمي دي نفس الجملة اللي كنتي بتقوليها عن أي حد يحاول يقرب مني غيرك
وبعدين قفلت المكالمة
منى كانت واقفة بعيد وبتبصلي بحذر
يمكن كانت خايفة إني أصدق كلام أمي وأمشي
لكن المرة دي مكنتش ناوي أهرب
طلبت من المحامي يبعثلي كل المستندات القديمة المتعلقة باختفاء منى والبلاغ اللي اتعمل وقتها
وبعد ساعات رجعلي باتصال خلاني أكتشف إن الموضوع أكبر من مجرد رسايل مزورة
قاللي إن مفيش شهادة وفاة باسم منى وإن البلاغ الوحيد المسجل وقتها كان بلاغ فقدان قدمته أمي بنفسها
يعني أمي ما كانش معاها أي دليل إن منى ماتت
هي بس قالتلي إنها ماتت وأنا صدقتها
تاني يوم الصبح وصلت أمي للمزرعة
نزلت من عربيتها وهي لابسة هدوم غالية وبتبص للبيت باحتقار
أول ما شافت منى قالت
إنتي لسه قاعدة هنا
منى مسكت إيد يوسف ووقفت جنبه
وقالت
روايات_مشيره_محمد
أيوه ولسه عايشة كمان
أمي بصتلي وقالت
أحمد تعالى نتكلم لوحدنا
قلت لها
مفيش حاجة هنتكلم فيها لوحدنا كل اللي عندنا هيتقال قدام منى ويوسف
أمي بصت ليوسف من فوق لتحت وقالت
الولد ده ملوش دعوة باللي حصل زمان
يوسف رد عليها بهدوء
أنا ليا دعوة يا حاجة لأن اللي حصل زمان هو اللي خلاني أكبر من غير أب
أمي اتعصبت وقالت
إنت متعرفش أنا عملت إيه علشان أحمي أحمد
قلت لها
تحميني من إيه يا أمي من مراتي ومن ابني
صرخت وقالت
أيوه من مراته اللي كانت هتخليه يضيع عمره في الفقر ومن طفل كان هيخليه يفضل مربوط بمسؤولية طول حياته
أنا اتجمدت مكاني
حتى وهي متحاصرة بالحقيقة كانت لسه شايفة إن اللي عملته كان صح
قلت لها
يعني إنتي كنتي عارفة إنها حامل
قالت
أيوه كنت عارفة
وكنت عارفة إنها هتخليك تسيب شغلك علشانها وإنك مش هتعرف تبني مستقبلك لو فضلت معاها
قلت لها
أنا كنت شغال علشان أرجع لها يا أمي كنت بجمع فلوس علشان أجيبها تعيش معايا في بيت أحسن
بصتلي ببرود وقالت
وأنا كنت شايفة إنك تستحق واحدة أحسن منها
في اللحظة دي حسيت إن الست اللي قدامي مش أمي اللي كنت أعرفها
دي إنسانة اختارت تتحكم في حياتي حتى لو كان تمن ده إني أخسر مراتي وابني
لكن لسه كان فيه سر أخير
المحامي وصل للمزرعة ومعاه ملف قديم بعد ما طلبت منه يدور على أي مستندات تخص الفلوس اللي اتبعتت لمنى
فتح الملف وقال
يا أستاذ أحمد في تحويلات مالية اتعملت باسم حضرتك في الفترة دي لكن الحساب اللي خرجت منه الفلوس مكنش حسابك الشخصي
كان حساب شركة والدتك
بصيت لأمي وسألتها
يعني إيه
المحامي رد
يعني المبالغ اللي اتقال لمنى إنها جاية منك كانت من فلوس والدتك مش من حسابك
منى فتحت درج صغير وطلعت إيصالات قديمة كانت محتفظة بيها
وقالت
دي الإيصالات اللي وصلتلي مع الرسايل
المحامي راجع الأرقام وبص لأمي وقال
وفيه كمان مبلغ كبير اتسحب من حساب الشركة في نفس الفترة واتحول لحساب شخصي باسم حضرتك
أمي بدأت تتوتر وقالت
دي فلوسي وأنا حرة فيها
المحامي رد بهدوء
أنا مش بتكلم عن ملكية الفلوس أنا بتكلم عن مستندات اتستخدمت لإثبات إن أحمد هو اللي دفع المبالغ دي وإنه طلب من زوجته تختفي من حياته
أمي سكتت
وأنا فهمت إن الكذبة ما كانتش مجرد كلام اتقال لمراتي
دي كانت خطة كاملة علشان تبعدها عني وتضمن إني أفضل تحت سيطرتها
لكن بدل ما أصرخ أو أعمل فضيحة قررت أسيب القانون ياخد مجراه
طلبت من المحامي يحتفظ بكل المستندات ويتقدم بالبلاغات اللازمة لو ثبت وجود تزوير أو استيلاء على أموال
وبعدها بصيت لأمي وقلت
أنا مش هنتقم منك يا أمي لكن من النهارده مش هسمحلك تتحكمي في حياتي تاني
