أنا تعبت من الړعب وتعبت من الذل.. لو محمد وأحمد وأمي هيعرفوا غلطتي وېقتلوني أهون عليا من إني أشوف محمد بيتداس عليه كل يوم وأنا ساكتة وشايفة فلوسه بتدخل جيبك!
منى اتراجعت خطوة، وعرفت إنها خسړت ورقة الضغط اللي كانت بتتحكم بيها.
بصيت لهدى وقولتلها غلطتك دي توبتك منها بينك وبين ربنا، ومفيش حد معصوم، ومحدش هيهينك طول ما إحنا في ضهر بعض بالحق.. النهاردة بالليل الكل هيتجمع، وكل واحد هيتحط في حجمه الطبيعي. حصري علي روايات واقتباسات
خرجت من الأوضة، وسيبت منى بتاكل في ضوافرها من الغيظ والړعب، وطلعت شقتي استعد للمعركة الأخيرة.
على الساعة تسعة بالليل، كان البيت كله
متجمع تحت عند حماتي؛ حمايا قاعد بيشرب شاي، ومحمد جوزي راجع من الشغل مهدود حيله، وأخوه الكبير أحمد قاعد جنب مراته منى اللي كانت قاعدة على أعصابها وعينيها بتدور في الصالة زي القطة المحپوسة.
نزلت بهدوء تام، وقعدت جنب هدى اللي كانت عنيها حمرا من العياط بس ملامحها ثابتة لأول مرة.
حماتي أول ما شافتني بصتلي بقرف كالعادة وقالت
خير يا نوسة، مجمّعانا كلنا ليه؟ وراكي خناقة تانية ولا جاية تعترضي على فلوس جهاز هدى؟
محمد اتنهد بتعب وبصلي بترجي وقال يا نوسة أبوس إيدك، أنا مش قادر على مشاكل النهاردة، قايلك الصبح هشتغل وردية زيادة وهسد الجمعية وخلاص.
بصيت لمحمد بنظرة حب وألم،
وقولتله
عشان إنت بتشقى بضمير ومبتستخسرش في أهلك نقطة عرق، كان لازم أقف هنا.. أنا مش معترضة على جهاز هدى يا حماتي، هدى دي أختي وجهازها يشيلنا من فوق الأرض، بس أنا معترضة إن فلوس جوزي تروح في جيب اللي بيسرقه ويكدب عليكم باسم الأمانة.
أحمد أخوه الكبير زعق بضيق إيه الكلام ده يا نوسة؟! إنتِ بتلقحي بالكلام على مين بالظبط؟
وقفت على حيلي وقولت بثبات
على مراتك يا أستاذ أحمد!
منى قامت تصوت وتهلل
شفت يا أحمد؟! شفت أم لسان طويل؟! الغيرة هتموتها مني عشان الستات الكبار بيحبوني وعارفين أصلي! جاية تتهمني في شرفي وأمانتي قدامكم!
حماتي اتعصبت ووقفت اخرسي يا نوسة! منى دي شايلة
البيت من عشر سنين،
