خرجت حماتي من المطبخ وهي ماسكة صينية الشاي، وبصتلي بنظرة كلها برود وقالت
كويس إنك جيتي عشان تسمعي بودانك جوزك هيشيل الجمعية اللي داخلين بيها الشهر ده عشان نخلص باقي جهاز هدى، وأخوه ممعاهوش يدفع.
وقفت متنحة مكاني. بقلم منال علي
جوزي؟
جوزي اللي امبارح مهددني بالطرد والپهدلة عشان بقوله بنصرف أكتر من طاقتنا؟
سلفتي بصت في الأرض بسرعة، وأخت جوزي فركت إيديها بتوتر واضح، ومحدش فيهم نطق بحرف.
رديت وأنا بحاول أتحكم في رعشة صوتي بس يا حماتي، إحنا لسه بنسد في أقساط عفشنا، ومحمد قايلي الشهر ده مش هنقدر حتى نجيب علاج لمعدتي إزاي هيشيل جمعية كاملة؟
حماتي حطت الصينية برزعة على الترابيزة وقالت
أخته أولى من أي حاجة، وأخوه الكبير ساند البيت من زمان، ومحدش فينا بيحاسب حد هنا اللي معاه بيشيل اللي ممعاهوش، ولا إنتِ عايزة تفرقي بين الأخين؟
بصيت لسلفتي، لقيت على وشها ابتسامة نصر خفيفة حاولت تخبيها ورا فنجان الشاي.
أما أخت جوزي، فكانت باصة في الأرض كأنها مكسوفة تبص في عيني.
في اللحظة دي بالذات، استرجعت الجملة اللي سمعتها من دقيقتين
إنتِ لسه هتكملي في موضوع الفلوس ده؟
وطي صوتك!
الموضوع فيه إنّ، وإنّ كبيرة كمان.
قررت إني مش هثور، ولا هعمل زي امبارح وأصوت أو أطلب أروح لأهلي.
المرة دي هلعب على ڼار هادية.
ابتسمت ابتسامة هادية وقولت ربنا يتمم لهدى على خير يا حماتي، اللي فيه الخير يقدمه
ربنا.
حماتي استغربت هدوئي، وسلفتي رفعت عينها فيا بقلق، كأنها كانت مستنية خناقة تداري بيها على توترها.
قعدت معاهم نص ساعة، كل دقيقة فيها كانت بتأكدلي شكوكي.
سلفتي كل ما تليفونها يرن، تبص في الشاشة وتقلب الموبايل على وشه.
وأخت جوزي كل ما حماتي تتكلم عن جهازها وفلوسه، تبلع ريقها وتسكت.
استأذنت وطلعت شقتي، واستنيت جوزي يرجع من الشغل.
الساعة كانت داخلة على حداشر بليل لما الباب اتفتح، دخل وهو باين عليه الإرهاق.
حط مفاتيحه ودخل المطبخ يشرب.
روحت وراه، ووقفت عند الباب وقولت بهدوء تام
حمد لله على سلامتك يا محمد.
بصلي بتوجس، مستني النكد بتاع امبارح، وقال باقتضاب الله يسلمك.
قولتله أنا نزلت عند
مامتك النهارده.
كشړ وقال
يا ترى سمعتيها كلمتين؟
ابتسمت وقولت بالعكس، كنت ببارك على خطوة الجمعية عشان جهاز هدى، بس كنت مستغربة إنت مش قايلي من يومين إننا مش معانا غير مصاريف الأسبوعين اللي جايين؟ هتسد منين تلات آلاف جنيه الجمعية؟
اتلخبط للحظة، وحك في راسه وقال هتصرف هضغط على نفسي شوية في الشغل وأعمل وردية زيادة.
قربت منه خطوة وقولت بعين ثابتة طب وأخوك مش هيدفع نصيبه ليه؟
رد بسرعة كأنه مجهز الرد أخويا زنق نفسه عشان يشتري لمنى غسالة جديدة بدال اللي باظت، والبيت كله بيساعد بعضه.
هنا بقى عقلي بدأ يربط الخيوط.
غسالة جديدة لسلفتي؟
أنا نازلة الصبح عندهم، وبنتها الكبيرة كانت بتغسل على الغسالة العادية القديمة!
سكت ومنطقتش بحرف، قولتله ماشي يا حبيبي، ربنا يوسع رزقك.
دخل نام وهو مستغرب سكوتي،
بس أنا النوم طار من عيني تمامًا.
تاني يوم الصبح، استنيت محمد لما نزل الشغل، واستنيت حمايا ينزل القهوة زي عادته كل يوم.
ونزلت بيت حماتي من غير ما أعمل صوت.
الباب كان موارب شوية عشان الهوا، وجيت أخبط
بس وقفت متسمرة مكاني لما سمعت صوت زعيق مكتوم جاي من أوضة هدى أخت جوزي.
كان صوت هدى وهي بټعيط وبتقول
أنا مش هقدر أسكت أكتر من كده! الفلوس دي محمد أخويا هو اللي بيطحن فيها، وإنتِ بتضحكي على أمي وتقوليلها الجهاز غلي وإنتِ بتاخدي الفرق!
ردت سلفتي بصوت واطي بس فيه ټهديد صريح
لو نطقتي بكلمة واحدة، قسماً بالله لهقول لأمك وأخوكي على الرسايل اللي في تليفونك، وهخليهم هما بنفسهم اللي يطرد وكي من البيت قبل ما تروحي لخطيبك!
سمعت شهقة هدى وهي بتقول بړعب حرام عليكي، دي كانت غلطة
وانتهت وإنتِ عارفة إن مفيش بيني وبين الواد ده حاجة!
سلفتي ضحكت باستهزاء وقالت غلطة ولا مش غلطة، المهم إن لسانك ده ميتفتحش بنص كلمة محمد بيدفع، وأخوه الكبير فاكر إني أنا اللي مدبرة البيت وشايلاه، والكل ماشي ورايا مغمض عينيه متخلينيش أقلب عليكي وأبوظ جوازتك كلها في ثانية!
رجلي مكنتش قادرة تشيلني من الصدمة.
سلفتي، الست الطيبة الملاك اللي الكل بيحلف بأدبها وتربيتها لأخت جوزي، ماسكة عليها ذلة وبتبتزها
بيها، وبتاكل فلوس جوزي من تحت لتحت باسم الجهاز والمصاريف!
لسه برجع خطوة لورا عشان أطلع شقتي بسرعة قبل ما حد يشوفني
رجلي خبطت في جردل المسح اللي كان محطوط ورا الباب.
الصوت رن في المدخل كله.
والباب اتفتح فجأة بقلم منال علي
ولقيت سلفتي في وشي، وعينيها بتطق شرار أول
ما شافتني واقفة وسامعة كل حاجة!
