بـقالي ٦ سنيـن بخـدم أهل جـوزي كأني بنتـهم… وفي الآخر اكتـشفت إن اللي بيـعمل أقل، هو اللـي بيـاخد كل التقـدير! والصـدمة؟ الكلـمة اللي سـمعتها منـهم يومـها قلبـت حـياتي كـلها…”
بقالي ست سنين متجوزة.
ست سنين وأنا داخلة خارجة بيت حماتي، عمري ما حسبت مرة أنا عملت إيه أو تعبت قد إيه. كنت دايمًا بقول لنفسي: “دول أهل جوزي… وإكرامهم من إكرامه.”
يمكن كنت غلطانة… ويمكن كنت طيبة زيادة عن اللزوم.
سلفي اتجوز من حوالي ست شهور، ومراته بنت محترمة جدًا، والله يشهد إني عمري ما شفت منها حاجة وحشة. علاقتنا كويسة، وبنضحك ونهزر مع بعض، وعمر الغيرة ما دخلت بينا.
لكن اللي حصل بعد جوازها… خلاني أقف مع نفسي وأسأل سؤال واحد.
هو أنا كنت بعمل كل ده ليه؟
كل مرة كنت بروح فيها بيت حماتي، أول ما أفتح الباب…
“أهي جات… تعالى يا حبيبتي بسرعة، ساعديني في المطبخ.”
ولا حتى ألحق أقعد خمس دقايق.
مرة تقطيع سلطة…
مرة محشي…
مرة غسل مواعين…
مرة ترتيب السفرة…
ولو في عزومة؟ يبقى أنا رسميًا بقيت عاملة في البيت.
ولا مرة قولت لأ.
ولا مرة اتأففت.
ولا مرة حسست حد إني تعبانة.
كنت بشتغل وأنا مبتسمة… علشان محدش يقول مرات ابنها الكبيرة متكبرة أو كسولة.
وفي الآخر؟
أول ما أرجع بيتي…
ألاقي كلام بيتنقل.
“أصل فلانة وشها كان متغير.”
“شكلها كانت مخنوقة.”
“واضح إنها مش بتحب تيجي.”
وأقعد أراجع نفسي.
أنا عملت إيه؟
إيه اللي زعلهم؟
وأرجع أقول يمكن سوء تفاهم… وأكمل.
لحد ما جه اليوم اللي فهمت فيه كل حاجة.
كان يوم الجمعة.
حماتي عاملة غدا كبير، وكالعادة اتصلت من بدري.
ـ ماتتأخريش يا بنتي… محتاجينك.
لبست ونزلت.
وأول ما دخلت الشقة…
اتفاجئت بمنظر خلاني أبتسم.#حكايات_منــال_عـلـي
سلفتي قاعدة في الصالون، لابسة فستان بسيط، وشعرها مفرود، وماسكة الموبايل بتضحك مع أخت جوزي.
وأخت جوزي بنفسها كانت مقشرة تفاحة وموزة، وبتقطعهم وتحطهم في طبق قدامها.
وقالت لها بدلع:
ـ كلي يا حبيبتي… إنتِ وشك باين عليه التعب.
ابتسمت وسلمت عليهم.
لسه حتى ما قعدتش.
حماتي خرجت من المطبخ أول ما شافتني وقالت بسرعة:
ـ أهي جيتي… تعالى معايا بسرعة، الرز لسه مستويش والمحشي ناقص.
صيت ناحية الصالون.
سلفتي ابتسمت وقالت:
ـ معلش يا حبيبتي.
ابتسمتلها أنا كمان.
ـ ولا يهمك.
ودخلت.
من أول ما دخلت المطبخ لحد الأذان تقريبًا… وأنا واقفة.
بقطع.
وبحشي.
وبقلب.
وبغسل.
وبجهز.
وحماتي كل شوية تقول:
ـ هاتي الطبق ده.
ـ شيلي الحلة دي.
ـ اغسلي الصينية دي.
وأنا…
“حاضر.”
ولا كلمة زيادة.
لحد ما الأكل استوى.
فرشنا السفرة.
وقعدنا كلنا ناكل.
سلفتي كانت قاعدة تاكل بهدوء، وكل شوية أخت جوزي تقوم تجيبلها عصير، أو تزودلها سلطة.
وأنا كنت باكل بسرعة علشان أقوم أشيل.
وفعلًا…
أول ما خلصوا.
كل واحد قام.
حتى سلفتي قامت وسابت طبقها مكانه.
وأنا… من غير ما حد يطلب…
بدأت أشيل الأطباق.
دخلت المطبخ.
غسلت المواعين.
نضفت الرخامة.
رجعت الحلل مكانها.
ومسحت السفرة.
لما خلصت… كنت حاسة إن ضهري هيتكسر.
خرجت الصالون وأنا بمسح إيدي في فوطة المطبخ.
لقيتهم قاعدين بيضحكوا.#حكايات_منــال_عـلـي
أخت جوزي فتحت الأغاني على التلفزيون.
والجو كله هزار.
وفجأة حماتي بصت لسلفتي وقالت بابتسامة:
ـ قومي يا عروسة… ورينا الرقص اللي قولتي عليه.
ضحكت سلفتي وقالت:#حكايات_منــال_عـلـي
ـ يا طنط بلاش بقى.
ـ لا لا… قومي.
وقامت فعلًا.
فضلوا يضحكوا ويهزروا.
وأنا قاعدة ببصلهم.
مش زعلانة منها.
بالعكس.
كنت مبسوطة إنها مرتاحة.
لكن جوايا سؤال واحد.
هو ليه عمر حد قال لي اقعدي ارتاحي؟
ليه أول ما بدخل… ببقى في المطبخ؟
وليه أول ما بخلص… محدش حتى يقولي تسلمي؟
بعد شوية… حصري علي روايات واقتباسات
سلفتي استأذنت ومشيت.
قامت حضنت حماتي.
وباستها.
وسلمت علينا ونزلت.
قفلت الباب وراها.
وساعتها…
حصلت اللحظة اللي عمري ما هنساها.
حماتي بصت ناحية الباب اللي سلفتي خرجت منه، وبعدين بصتلي أنا…#حكايات_منــال_عـلـي
وبابتسامة كبيرة قالت:
ـ أهو دي بقى مرات الولاد اللي تفرّح بجد… يا كده يا بلاش.
وسكتت.
لكن وهي بتقول الجملة…
كانت عينيها ثابتة في عيني.
مفيش أي شك إن الكلام كان مقصود.
حسيت إن حد خد قلم وسحب خط على كل الست سنين اللي فاتوا.
كل مرة وقفت فيها في المطبخ.
كل مرة رجعت بيتي مرهقة.
كل مرة سكت فيها على كلمة.
كل مرة حاولت أرضيهم.
كل ده…
اتمسح في ثانية.
ابتسمت ابتسامة صغيرة بالعافية.
وقلت:
ـ ربنا يخليكم لبعض.
لكن جوايا…
كان في حاجة اتكسرت.
رجعت بيتي وأنا ساكتة.
جوزي كان قاعد بيتفرج على ماتش.
أول ما شافني قال:
ـ مالك؟
قولت بسرعة:
ـ مفيش.
دخلت أوضتي.
قفلت الباب.
وقعدت على السرير أبص في السقف.
ولأول مرة من ساعة ما اتجوزت…
بدأت أسأل نفسي…
هو أنا فعلًا زوجة كويسة؟
ولا أنا مجرد واحدة اتعودوا إنها تخدم… فبقت الخدمة بالنسبالهم واجب، لكن أي واحدة تعمل أقل منها تبقى هي المميزة؟
وفي اللحظة دي بالظبط…
رن تليفوني.
كان رقم أخت جوزي.
رديت…
وسمعت منها جملة واحدة…
خلت الدم يجري في عروقي، وحسيت إن كل اللي حصل النهارده كان مجرد بداية…
قالت بصوت واطي:
“إوعي تعرفي إن ماما كانت بتقول علينا كلام قبل ما تيجي… لأن اللي قالتـه عنك النهارده… أخطر بكتير من اللي سمعتيه.”
يتبع في الجزء التاني ……
