
على قد حاله، وأخويا اتعرف عليه بالصدفة لما كان بيصلح عنده حاجة في الورشة، وشاف أمكم وعجبته وقرر يتجوزها، رغم إن عيلتنا كلها وقتها كانت معترضة مش عشان هي فقيرة، لا سمح الله، لكن عشان سمعنا عن طمعها وقسۏتها.
نهى، بنت حماتي الصغيرة، حطت إيدها على بقها بذهول، ودمعة نزلت من عينها وهي بتبص لأمها اللي كانت بتترعش ومش قادرة تفتح بقها
طب.. طب ليه أهلك طردوكي من الحارة يا ماما زي ما عمتي قالت؟
الحاجة فوزية ردت قبل ما أم أحمد تقدر تكدب
أقولك أنا ليه يا نهى. لما أبو أمكم ماټ قبل فرحها بشهر، ساب لأولاده التلاتة حتة أرض صغيرة وورشة النجارة اللي كانوا بياكلوا منها عيش. أمكم، بدل ما تقف جنب أخوها وأختها اليتامى، استغلت إن أخوها كان لسه صغير وميعرفش في الورق، وخدته على الشهر العقاري وضحكت عليه ومضّته على تنازل عن الورشة بحجة إنها هتسدد ديون أبوهم. وبعدها بأسبوع، باعت الورشة لواحد غريب، وخدت الفلوس كلها اشترت بيها دهب وجهاز عشان تتمنظر بيه قدام عيلتنا وتقول إنها بنت ناس أغنيا، وسابت أخوها وأختها في الشارع
من غير مصدر رزق!
القاعة كلها شهقت شهقة واحدة. أنا نفسي حطيت إيدي على قلبي من هول اللي بسمعه. معقول؟ الست اللي كل يوم بتعايرني وتقولي إني بنت ناس على قد حالهم، وتبصلي بقرف لو اشتريت حاجة رخيصة، طلعت هي اللي سړقت حق إخواتها اليتامى وباعت شقى أبوها عشان تشتري لنفسها شكل مزيف؟!
كملت الحاجة فوزية وصوتها فيه مرارة السنين
لما أخوها عرف اللي عملته، الدنيا اتقلبت في الحارة، والجيران كلهم عرفوا، وأخوها وقف في نص الشارع وحلف بالله إنها ما تدخل الحارة دي تاني، وطردها، وقالها إنه لا يعرفها ولا هي أخته ليوم الدين. أخويا الله يرحمه لما عرف الحكاية بعد الجواز بسنين، زعل منها زعل شديد، بس عشان كان بيحبكم وخاېف على سمعتكم وإنتوا لسه صغيرين، راح بنفسه لأخوها واداله فلوس الورشة تاني من جيبه الخاص عشان يرد الحق لأصحابه، واشترط على أمكم إنها تبطل كدب وتتقي ربنا، وحلفنا كلنا ما نجيبش سيرة للماضي ده عشان تعيشوا مرفوعين الراس.
سكتت الحاجة فوزية لحظة، وبصت لأم أحمد اللي كانت خلاص اڼهارت وقعدت على الكرسي، ووشها مدفون
بين إيديها وبتنهج من الصدمة والڤضيحة، وكملت الحاجة فوزية كلامها وهي بتشاور عليا أنا
لكن أمكم ما اتعظتش يا ولاد. نسيت إن العز اللي هي قاعدة فيه ده من خير أبوكم، ونسيت إنها كانت في يوم من الأيام بتاكل عيش وملح في أوضة فوق السطوح. والنهاردة، جاية تعاير مرات ابنها بإن أبوها راجل بسيط! إنتوا عارفين أبو سارة ده يبقى مين؟
رفعت عيني بسرعة للحاجة فوزية وأنا مستغربة.. هي عمتي تعرف أبويا منين؟!
ابتسمت الحاجة فوزية ابتسامة دافية ومليانة احترام، وبصت لكل اللي على السفرة وقالت
الحاج حسن، أبو سارة، اللي أمكم وبناتها عمالين يضحكوا عليه من الصبح وبيقولوا عليه راجل على قد حاله، ده أشرف وأنظف راجل في سوق الجملة كله! ده الراجل اللي ربّى بناته بالحلال، وعمره ما أكل حق حد، ولا مد إيده لحد، ولا باع أخواته عشان قرشين. والأهم من كل ده يا سعاد.. إنتِ ناسية إن الحاج حسن هو اللي وقف جنب أخوكي لما إنتِ بعتي ورشته ورميتيه في الشارع؟ هو اللي شغله معاه في المحل بتاعه وساعده يقف على رجله لحد ما فتح بيت واتجوز؟!
في اللحظة
دي، حسيت إن

