روايات وقصص

متـر قـياس.. حكايات منــال عـلـي

حجة إنك بتعمل مفاجأة. أنا كملت عليهم، وفرشت شقتي، وجبت العفش هنا الأول عشان أختبر رد فعلكم… وأشوف مين اللي شايل البيت ومين اللي بيعدي الكلام.
أمينة بصت لسلمى تاني، وقالت
إنتِ عندك حق يا سلمى. إنتِ ما كنتيش مكبرة الموضوع، إنتِ كنتِ حاسة إن فيه حاجة بتتخطط. وجوزك محتاج يتعلم إن البيت شراكة، مش قرار فردي تحت بند مفاجأة.
سلمى نزلت دمعة من عينيها ڠصب عنها، بس مسحتها بسرعة، وقالت بصوت ثابت
أنا عمري ما منعتك تيجي تقعدي معانا يا ماما، ولا عمري استكترت عليكِ حاجة… بس كان لازم
نتكلم الأول. البيت ده فيه ولاد، وفيه تعب سنين.
أمينة هزت راسها بتقدير
وأنا عارفة إنك بنت أصول، وعشان كده مش هقعد معاكم… بس هبقى قريبة، أجيلكم في أي وقت، وأشرب معاكم الشاي، وأرجع شقتي وأنا معززة مكرمة.
أمينة لفت لكريم بنظرة أخيرة
يلا يا كريم… خليك راجل قد كلمتك، وساعد العمال ينقلوا العفش على العنوان الصح في الشارع اللي ورا. واعتذر لمراتك… لأنها الوحيدة اللي كانت صاحية في البيت ده.
كريم وقف ساكت لحظة، بص لسلمى اللي كانت واقفة مرفوعة الراس، وبص لأمه اللي ماشية بثبات ناحية
الباب. حس لأول مرة إن المفاجأة اللي عملها كانت هتبوظ أكتر ما تصلح.
نزل راسه وقال بصوت واطي وهو بيبص لسلمى
حقك عليا يا سلمى… عندك حق. أنا غلطت إني ما قولتلكيش، وغلطت إني قولتلك إنك مكبرة الموضوع.
سلمى بصتله فترة، وبعدين أخدت نفس عميق وقالت
المهم إننا نتعلم نسمع لبعض قبل ما ناخد خطوة… يلا نكلم العمال ينقلوا العفش، والولاد جعانين.
العمال رجعوا شالوا العفش واليافطة الخشب، وخرجوا من الباب. والبيت رجع واسع زي ما كان… مش بس في المساحة، لكن في التفاهم والاحترام اللي رجعوا يملاه
من جديد.

3 من 3التالي
تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى