روايات وقصص

متـر قـياس.. حكايات منــال عـلـي

من أوضتهم يبصوا باستغراب، وسلمى واقفة في نص الطرقة، إيديها بتترعش وهي بتبص للركنة الضخمة اللي قفلت نص الصالون، والسفرة اللي خدت المساحة كلها.
أول ما آخر عامل قفل الباب وراه…
سلمى اڼفجرت، بس صوتها كان واطي ومرتعش من القهر
إنت إزاي تعمل كده من ورايا يا كريم؟! ده بيتنا إحنا الاتنين! لا استشرتني، ولا قولتلي، ولا حتى عبرتني لما قولتلك إن مامتك بتقيس البيت!
كريم مسح وشه بإيديه، واتنهد بتعب وهو بيحاول يلملم الكلام
اسمعيني يا سلمى… بالراحة بس. أمي لوحدها في شقتها، والسلالم بقت متعبة عليها، وبتنسى حاجات على الڼار. أنا قولت بدل ما تفضل لوحدها، تيجي تقعد معانا…
وتقعد فين إن شاء الله؟! أوضة الولاد؟ ولا هنرمي عفشنا في الشارع عشان نرص عفشها؟! دا إنت حتى جايب يافطة خشب مكتوب عليها اسمها؟! هو البيت بقى ملكية خاصة؟!
في اللحظة دي، باب الأسانسير اتفتح.

كانت الحاجة أمينة طالعة، ومعاها شنطة هدوم كبيرة، وماشية بهدوء وثبات، كأنها راجعة من مشوار عادي. أول ما شافت العفش والركنة والسفرة، ابتسمت ورفعت حاجبها وهي بتبص لسلمى
إيه ده يا سلمى؟ واقفة كده ليه؟ ما ترحبي بأمك ولا إيه؟
سلمى بصتلها، وعينيها مليانة دموع مش من الضعف، من الغيظ ومن إن حد يستغفلها في بيتها.
أرحب بحضرتك إزاي يا ماما… وإنتِ جاية بعفش كامل من غير ما حد ياخد رأيي، وكريم باع كلامي وقرر لوحده؟
الحاجة أمينة حطت الشنطة على الأرض، وبصت لكريم بنظرة صارمة
مش قولتلك يا كريم؟ قولتلك البنت دي مش هتسكت، وقولتلك إن اللي بيتعمل من ورا الضهر عمره ما بيتم على خير.
كريم اتلخبط يا أمي أنا قولت أفاجئها…
أمينة قاطعته بإشارة من إيدها
مفاجأة إيه يا ابني؟ دي مش مفاجأة، ده فرض أمر واقع. وأنا عمري ما حبيت أدخل بيت حد وأنا تقيلة عليه أو مڠصوب عليا.
أمينة
لفت وشها لسلمى، وقربت منها خطوة. سلمى رجعت خطوة لورا من غير وعي، بس أمينة وقفت وقالت بصوت هادي بس واضح
بصي يا سلمى… أنا لما جيت الأسبوع اللي فات وقست الباب والركنة والسفرة، كنت عايزة أشوف هل بيتكم يستحمل إني أعيش فيه ولا لأ. وطلعت النتيجة إن البيت ضيق… ضيق علينا كلنا. مش عشان المساحة بس، عشان مفيش اتفاق.
سلمى سكتت، قلبها بيدق بسرعة، ومستنية تشوف أمينة رايحة فين.
أمينة وطت، شالت شنطتها، وبصت لكريم
أنا واخدة شقة إيجار جديد في العمارة اللي في الشارع اللي وراكم… الدور الأرضي، من غير سلالم، ومفروشة وجاهزة. والعفش ده أنا جايباه عشان أفرش بيه شقتي الجديدة، مش عشان أضيّق عليكم في بيتكم.
كريم فتح بقه پصدمة إيه؟! شقة إيه يا أمي؟! وأنا اللي دافع الفلوس؟!
أمينة ابتسمت ابتسامة فيها مكر وحنية في نفس الوقت
آه يا حبيبي… الفلوس اللي إنت حولتها على
حسابي الأسبوع اللي فات

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى