روايات وقصص

كارديچـــان

إحنا عمرنا ما اعتبرناكي غريبة. بصيت لها وقلت:
ـ حضرتك بنفسك قولتي إنك مستحملاني وبتعملي إنك بتحبيني بقالك خمس سنين. وشها اتغير. يوسف بص لأمه بعصبية وقال:
ـ إنتِ قولتي الكلام ده فعلًا؟ردت بسرعة:
ـ كنت بهزر يا يوسف!قلت:
ـ مش دي المشكلة الوحيدة يا طنط.

طلعت صورة التحويل وحطيتها على المكتب. ـ دي فلوسي اللي اتحولت لشركتك. يوسف بص للصورة وقال:
ـ أنا هرجعهم. قلت:
ـ إمتى؟ـ أول ما الشركة تخلص الصفقة اللي شغالة عليها. ـ وإيه الضمان؟قال بعصبية:روايات_مشيره_محمد

ـ هو إنتِ شايفاني حرامي؟ردت الأستاذة منال قبل ما أتكلم:
ـ إحنا مش هنا عشان نتبادل اتهامات. المطلوب توضيح أساس التحويل والمستندات المستخدمة فيه، وتسوية المبلغ بشكل قانوني. يوسف بص لها وقال:
ـ حضرتك محامية هاجر؟قالت:
ـ أيوه. وبعدين وجهت كلامها ليه:

ـ من فضلك متحاولش تضغط عليها عاطفيًا، وأي اتفاق مالي لازم يكون مكتوب وواضح ومن خلال الإجراءات القانونية. يوسف رجع يبصلي وقال:
ـ إنتِ بجد هتعملي فيا كده؟ بعد خمس سنين؟قلت:
ـ أنا اللي المفروض أسألك السؤال ده. إزاي قدرت تعمل فيا كده بعد خمس سنين؟

قال:
ـ أنا كنت بحبك يا هاجر. قلت:
ـ كنت بتحب إيه فيا بالضبط؟ شخصيتي؟ ولا شقتي؟ ولا الفلوس اللي أمي سابتهالي؟اتعصب وقال:
ـ إنتِ مش فاهمة ضغوط الرجالة! الشركة عليها التزامات، وأنا كنت محتاج فرصة أوقف على رجلي. قلت:
ـ وكان لازم تقف على رجلي أنا؟

سكت. كملت:
ـ أنا كنت مستعدة أساعدك لو طلبت مني. كنت ممكن أشاركك في مشروعك بموافقتي، لكن إنت اخترت تخدعني وتاخد فلوسي من غير إذني. وكنت ناوي بعد الجواز تخلي الشقة كمان باسمك. يوسف بص لأمه، وبعدها قال:

ـ موضوع الشقة ده مكنش قراري لوحدي. طنط ناهد اتخضت:
ـ يوسف!لكن هو كمل:
ـ ماما هي اللي كانت بتقولي إن لازم أضمن حقي في الشقة وإن مينفعش أدخل بيت مراتي وأنا معنديش أي حاجة فيه. بصيت لطنط ناهد وقلت:
ـ يعني حتى بيتها مش كفاية عندكم؟

لازم يبقى ملككم كمان؟قالت بعصبية:
ـ إحنا عيلة واحدة يا بنتي!رديت:
ـ العيلة الواحدة بتحافظ على بعضها، مش بتخطط إزاي تسلب بعضها حقوقها. في اللحظة دي يوسف قرب مني وقال بصوت واطي:
ـ هاجر، أنا مستعد أكتبلك إقرار إني هرجع الفلوس كلها. بس بلاش نكبر الموضوع.

قلت:
ـ الموضوع كبر من يوم ما قررت تستغل ثقتي. الأستاذة منال أنهت المقابلة وطلبت منه يتواصل معاها رسميًا بخصوص المبلغ والمستندات. خرج يوسف وهو بيبصلي بنظرة عمرها ما كانت في عينيه قبل كده. أما طنط ناهد فكانت ساكتة. وأنا لأول مرة شفتها من غير ابتسامتها المصطنعة.

### المفاجأة اللي مكنتش متوقعاها
بعد المقابلة بيومين، المحامية اتصلت بيا وقالتلي إنها محتاجة تقابلني بشكل عاجل. روحتلها أنا وريهام، ولقيتها حاطة قدامها مجموعة أوراق. قالت:
ـ يا هاجر، إحنا راجعنا المستندات اللي وصلتنا، وفيه حاجة مهمة ظهرت. قلبي اتقبض. ـ إيه تاني؟قالت:

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى