لبارت الاول
في شقة صغيرة ، رن المنبه الساعه 5:30 الفجر
ملاك فتحت عينيها بتعب قامت اتوضت وصلت الفجر وفضلت ساجده شويه
دخلت المطبخ عملت فطار دخلت علي اوضه أمها
ناديه صباح الخير ي حبيبتي
ملاك بابتسامة صباح النور ي حبيبتي يلا علشان تفطري وتاخدي الدواء
ملاك أكلت مامتها بايدها وادتها الدوا وعدلت المخدة
ملاك الدكتور قال لازم ترتاحي وأنا النهارده عندي انترفيو دعواتك
ناديه مسكت أيدها وقالت بحنان ربنا يوفقك و يكرمك ي بنتي
ملاك باست رأس أمها ولبست بلوزة بيضا بسيطة وبنطلون أسود وطرحه
بصت في المرايه وقالت ي رب أتقبل عشان خاطر ماما
في فيلا كبيرة في كومباوند
عند زين
الساعه 6 صباحا يستيقظ زين من النوم و ينزل صاله الجيم في البيت تيشيرت رياضي وسماعه في ودنه
خلص ودخل أخد شاور
نزل على ترابيزة الفطار جالس أبوه المهندس رشيد الهلالي بيقرا الجرنال
رشيد الهلالي صباح الخير ي بني
زين صباح الخير ي بابا
يوسف صباح الخير النهارده في عندنا انترفيو هتجيب سكرتيره جديده تعذبها
زين وهو بيشرب قهوته هجيب حد يشتغل مش جايه ترقص
يوسف بضحك ي عم براحتك بس متتعبش البنات معاك
زين قام لبس جاكيت البدله وطلع من غير م يرد
يزن في سره يوسف ده فاضي أنا عندي شغل
في شقة فخمة
عند فرح صحيت الساعه 7 صباحا بتختار في اللبس وهي بتكلم نفسها لازم ألحق ملاك قبل الانترفيو
لبست بدله شيك وحطت مكيب خفيف ونزلت
وهي سايقة بتتصل على ملاك
فرح ألو ملاك أنتي فين
ملاك في الطريق ي فرح دعواتك إني أتقبل
فرح متوتريش نفسك أنتي قدها مستنياكي قدام الشركة
الساعه 8 صباحا
عند ملاك
وقفت قدام شركة الهلالي للتصميم المعماري المبني كبير
قلبها بيدق وايدها بتعرق
دخلت ملاك وقالت للريسبشن بصوت واطي: معاد مع المهندس زين الهلالي
السكرتيرة الدور ال 15 مستنيكي
عند زين
قاعد في مكتبه جاكيت البدله متعلق وكم القميص مرفوع
قدمه CV بيرميها واحد ورا التاني
زين في سره كله فاضي مفيش حد بيفهم
السكرتيرة خبطت
زين أدخل
السكرتيرة الانسه ملاك وصلت ي بشمهندس
زين من غير ما يرفع عينه دخليها
الباب اتفتح
ملاك دخلت خطوتين و وقفت
زين رفع عينه ببطء
بص لها من فوق لتحت بلوزه بيضا بسيطة وعيون تعبانه بس فيها إصرار
زين أنتي إللي كنتي شغاله في محل ملابس
ملاك أيوا ي فندم
زين قفل الفايل اللي في أيده طيب قوليلي هتستحملي الشغل معايا
ملاك رفعت راسها أيوا هستحمل
رد زين ببرود مقبولة فترة شهر تحت التدريب بكره الساعه الساعه 8 بالدقيقة اتاخرتي أمشي
حدف لها كارت ده مكتبك تشتغلي من بكره
ملاك مسكت الكارت وخرجت بسرعة
بره المكتب فرح جريت عليها ها عملتي إيه
ملاك وعينينها بتلمع قبلت ي فرح قبلت
فرح بفرحه ألف مبروك ي حبيبتي
داخل مكتب زين بص للباب وهمس هنشوف هتستحملي قد إيه
نتهي اليوم
ملاك روحت الشقة وهي طايره من الفرحة وحكت لمامتها كل حاجه
ناديه الحمد لله ي بنتي ربنا يسعدك
ملاك صلت ركعتين شكر ونامت وهي بتحلم بالشغل الجديد
تاني يوم الصبح
الساعه 6 الفجر المنبه رن
ملاك قامت بسرعة قلبها متوتر بس متحمسة
اتوضت وصلت الفجر
وعملت فطار دخلت على اوضه أمها صباح الخير ي ست الكل
ناديه بحنان صباح الخير ي قلب أمك ربنا يوفقك في أول يوم شغل
ملاك ي رب ي ماما يلا الفطار جاهز فطروا سوا واعطت أمها الدواء و
جهزت نفسها لبست نفس البلوزة البيضا وطرحتها
ملاك باست رأس مامتها دعواتك ي ماما النهارده أول يوم شغل
ناديه ربنا يكرمك ي بنتي
نزلت ملاك عشان تلحق المواصلات عشان توصل على المعاد
ملاك في سرها ي رب أوصل على المعاد ويقدرني على الشغل
وفي نفس الوقت
في فيلا الهلالي
زين واقف قدام المراية بيلبس ساعته
زين في سره نشوف بقي هتيجي في معادها ولا لا
المهندس المغرور
البارت الثاني
أول يوم إلي ملاك في الشغل
الساعه 7:50
ملاك داخله الشركة بتجري وقلبها هيطلع من مكانه بصت في الساعه لاقيت الساعه 8 إلا 10
طلعت الدور ال 15 ونفسها مقطوع
لقيت واقف زين الهلالي
لابس بدله رمادي غامق أيده في جيبه البنطلون وبيبص في ساعته الدهب
رفع عينه عليها أول ما سمع صوت نفسها
زين ببرود 7:50 بدري
ملاك وهي بتعدل نفسها صباح الخير ي فندم
زين شاور على المكتب اللي في الركن عند الشباك
المكتب عليه كوم ملفات و كوبايه قهوة بارده من امبارح
زين ده مكانك قدامك دول لازم يخلصوا قبل الضهر
قرب منها خطوتين و ريحه البرفيوم بتاعه وصلتها
زين بصوت واطي والتقرير اللي طلبته من السكرتيرة إللي قبلك عايزه على مكتبي كمان ساعتين من غير ولا غلطة
ملاك بلعت ريقها حاضر ي فندم
زين لف ورجع لمكتبه وهو بيقول من غير ما يبص
اها ونسيت لو اتاخرتي دقيقه واحده بكره مش هتلاقي الكرسي ده
سابها واقفة وقلبها بيقع في رجليها
الساعه 11:30
ملاك خلصت الملفات وراحت على مكتب زين وخبطت
زين أدخل
ملاك دخلت بتوتر الملفات ي فندم والتقرير
ملاك حطتهم على مكتبه
زين فتح أول ملف وتاني ملف بص في التقرير أول سطرين
سكت ثواني حستهم سنه
زين قفل الملف ورماه على المكتب فيه 3 أخطاء إملائية هنا والترتيب غلط
قلب ملاك وقع
ملاك بصوت واطي آسفه ي فندم هصلحهم حالا
زين وقف وسند بايده على المكتب وبصلها عينه سودا ومفيهاش رحمه
زين أنا مقولتش آسفة أنا قولت من غير غلطة
ملاك حست بدموع هتنزل بس مسكت نفسها هزت راسها حاضر
خرجت ملاك من مكتب زين جري على الحمام وقفت قدام المراية ودمعة نزلت غصب عنها
ملاك لنفسها كملي عشان ماما كملي
الساعه 1 ظهراً
ملاك خبطت ودخلت مكتب زين
ملاك خلصت التقرير وصلحته ي فندم
زين بص للورق سكت وبعدها قال كلمه واحده بس
زين مقبول
الكلمه طلعت منه كأنها شهادة
بره المكتب فرح كانت مستنيه ملاك
فرح بقلق ها طردك ولا إيه
ملاك بتضحك بدموع قال مقبول مقبول ي فرح
فرح حضنتها أنا فخورة بيكي والله
داخل المكتب زين قاعد لوحده وبص للباب إللي خرجت منه
همس لنفسه شهر تدريب هنشوف هتستحملي قد إيه ي ملاك
خلص أول يوم إلي ملاك في الشغل بسلام
خلصت ملاك شغل وروحت البيت
في شقة ملاك الساعه 6 المغرب
ملاك فتحت الباب ودخلت مهدوده من أول يوم شغل
ملاك السلام عليكم ورحمه الله وبركاته ازيك ي ماما
ناديه حمد لله على سلامتك ي حبيبتي الحمد لله
طمنيني عليكي
قعدت ملاك حكت لمامتها كل حاجه بالتفصيل
ناديه بدموع فرح ربنا يكرمك ويوفقك ي حبيبتي قومي كلي لقمة
ملاك عملت الأكل واكلت مامتها بايدها وادتها الدوا
غسلت المواعين وظبطت الشقة ونيمت مامتها
في فيلا الهلالي
زين راجع من الشركة الساعه 7
دخل لقي يوسف قاعد مستنيه في الصاله
يوسف بضحك ها ي زين طردت السكرتيرة الجديدة ولا لسه
زين وهو بيفك جاكيت البدله لسه شغلها مقبول
يوسف مقبول منك دي معجزة
رشيد من بعيد اديها فرصه ي ابني مش كله لازم يبقي زيك
زين مطلعش صوت وطلع على اوضته بس فضل سهران بيبص في تقرير ملاك
الساعه 11 مساء
ملاك دخلت اوضتها صلت ركعتين ونامت وهي بتقول ي رب قويني بكره
تاني يوم
في الشركة الساعه 8 صباحا
ملاك وصلت على المعاد زين واقف مستنيها
اليوم مشي شغل وهدوء
الساعه 11 زين طلب قهوه من ملاك وملاك عملت قهوه وراحت على مكتب زين وخبطت
زين أدخل
دخلت ملاك وحطت القهوة على المكتب
زين شرب من القهوة وقال مقبول
خرجت ملاك من مكتب زين وراحت مكتبها تكمل شغلها
الساعه 3
زين الملف ده عاوزه بكره بدري ومتتأخريش
في الكافية بعد الشغل الساعه 5
فرح مستنيه ملاك
ملاك دخلت الكافية وراحت لفرح وقعدت
فرح أحكي حصل معاكي إيه
ملاك بصي النهارده مزعقش وطلب مني قهوه وقال مقبول تاني
وقال متتاخريش
فرح ي بنتي ده كده بيحبك
ملاك بيحبني إيه ده كان هيطردني امبارح
في مكتب زين الساعه 8 مساء
يوسف دخل عليه من غير استئذان
زين هو الباب عملوه ليه مش عشان تخبط عليه
يوسف تصدق صح مفروض متعملش
يوسف قاعد ليه لسه البت دي لازقه في دماغك
زين قفل اللاب توب بشوف شغلها عشان لو غلطت امشيها
يوسف ماشي ي زين بس خلي بالك التلج لما بيسيح بيغرق وسابه وطلع
زين قعد لوحده وبص للشباك
همس شهر واحد ي ملاك وبعدها نشوف تقدري تكملي ولا تمشي
المهندس المغرور
البارت الثالث
مرت أيام التدريب الأولي وملاك تعمل بجد ونشاط تحاول إثبات نفسها والابتعاد عن غضب زين الذي ظل يراقبها ببرود شديد رغم إعجابه الخفي بدقتها وإصرارها
