كنت قاعد مع أمي، وفجأة أختي الكبيرة دخلت وهي منهارة، ورمت قدامي ظرف أبيض وقالت:
ـ خد يا أحمد، شوف مراتك بتعمل إيه فينا، واسألها هي عرفت باقي الأسرار دي منين!
فتحت الظرف، ولقيت صور ومستندات قديمة تخص أختي، لكن كان فيه ورقة تانية خلت الدم ينشف في عروقي.
كانت ورقة مكتوب فيها بخط إيدي أنا… وعليها تاريخ قبل جوازي بسنة!
بصيت لأمي وسألتها:
ـ إيه الورقة دي؟ وإزاي وصلت لمراتي؟!
أمي فضلت ساكتة، وأختي قالت وسط عياطها:
ـ اسأل مراتك، هي مش عايزة تنتقم مننا وبس… دي عايزة تعرف الحقيقة اللي إحنا مخبيينها عنك من يوم ما أبوك مات!
ساعتها فهمت إن الموضوع أكبر بكتير من خناقات ستات، وإن السر اللي حكيته لمراتي ممكن يكون أصغر سر في البيت كله.
يتبع…
#حكاوي_شيمو
يا ترى إيه السر اللي مخبيينه عن أحمد من يوم وفاة أبوه؟ وهل مراته فعلاً بتنتقم من أخواته، ولا اكتشفت حاجة أكبر منهم كلهم؟
عايزين نسمع رأيكم بصراحة: أحمد غلطان إنه سكت على إهانة مراته، ولا مراته كمان غلطت لما استخدمت أسرار أخواته ضدهم؟
ومتنسوش تصلوا على النبي ﷺ
«لما أختي رمت قدامي الظرف وقالتلي إن مراتي عرفت سر إحنا مخبيينه من يوم وفاة أبويا، افتكرت في الأول إنها بتهددني عشان أقف جنبها… لكن أول ما شوفت الورقة اللي عليها خط إيدي، اكتشفت إن الخمس أخواتي وأمي كانوا متفقين يخفوا عني حقيقة لو عرفتها من زمان، مكنتش هعيش معاهم يوم واحد!»
فضلت ماسك الورقة وببص فيها، وإيدي بتترعش.
أمي كانت قاعدة قدامي ووشها أصفر، وأختي الكبيرة واقفة بتعيط، وأنا مش فاهم حاجة.
قولتلها:
ـ انطقي يا منى، إيه الورقة دي؟ وإيه اللي أنا كاتبه بإيدي؟
منى بصت لأمي وقالت:
ـ احكيله يا ماما، كفاية لحد كده، إحنا تعبنا من السكوت!
أمي ردت بعصبية:
ـ اخرسي إنتِ، مش وقته الكلام ده!
صرخت فيها:
ـ هو أنا بقيت غريب في بيتي؟! إيه اللي مخبيينه عني؟!
أمي سكتت شوية، وبعدها قالت:
ـ الورقة دي إقرار إنت كتبته زمان، إنك استلمت مبلغ من أبوك قبل وفاته، وإنك وافقت إن نصيب أخواتك في البيت يفضل محفوظ ليهم.
بصيتلها باستغراب:
ـ أنا عمري ما استلمت فلوس من أبويا، ولا فاكر إني كتبت إقرار زي ده!
منى قالت:
ـ لأنك كنت صغير وقتها، وأبوك كان تعبان، وإحنا اللي كنا بنهتم بيه، وإنت كنت عايش حياتك ومشغول بشغلك.
رديت عليها:
مراتك فتحت الدولاب اللي إحنا كنا بنحاول ناخد مفتاحه، ولقت الورق القديم اللي أبوك سايبه!
افتكرت يوم الخناقة، وإن مراتي قالتلي إنهم كانوا عايزين مفتاح دولابي، وإنهم ضربوها لما رفضت تديهولهم.
جريت على أوضتي وفتحت الدولاب، وفضلت أدور لحد ما لقيت درج صغير كان مقفول بمفتاح قديم.
لقيته مفتوح وفاضي!
رجعت لأمي وسألتها:
ـ إنتوا كنتوا عايزين إيه من الدرج ده؟!
أمي قالت:
ـ كنا عايزين الورق اللي فيه، عشان مكنش ينفع يفضل في إيد مراتك.
قولتلها:
ـ وليه؟ هو فيه إيه؟
منى ردت:
ـ لأن أبوك كان كاتب ورقة تانية غير الإقرار ده، ورقة لو ظهرت هتغير كل حاجة.
في اللحظة دي مراتي دخلت من باب الشقة، وكانت سامعة آخر الكلام.
بصت لأمي وقالت:
ـ الورقة التانية مش معايا، وأنا أصلاً معرفش مكانها.
قربت منها وقلت:
ـ إنتِ تعرفي إيه بالظبط؟!
قالتلي:
ـ أنا هحكيلك كل حاجة، بس عايزاك تسمعني للآخر من غير ما تقاطعني.
وقعدت تحكي.
قالت إنها يوم ما أخواتي كانوا بيحاولوا ياخدوا مفتاح الدولاب، سمعت واحدة منهم بتقول للتانية:
ـ لازم نلاقي الورق قبل ما أحمد يعرف، لو عرف إن أبوه كان كاتب حاجة تانية هتبقى مصيبة.
ومن ساعتها بدأت تشك إن الموضوع مش مجرد غيرة منها.
وبعد ما أخواتي ضربوها، وهي كانت بتلم هدومها، لقت ظرف قديم واقع ورا الدولاب، فيه صورة لورقة مكتوب فيها اسم أبويا وأسماء أخواتي الخمسة.
لكن اللي لفت نظرها إن اسمي كان مكتوب في آخر الورقة، وجنبه جملة:
«أحمد ملوش علاقة بالاتفاق ده، ولازم يعرف الحقيقة في الوقت المناسب».
قولتلها:
ـ وإنتِ مخبية الكلام ده عني ليه؟
ردت:
ـ كنت مستنية أتأكد، ومكنتش عايزة أظلم حد، خصوصاً إن الموضوع يخص أبوك وأهلك.
أختي الكبيرة دخلت في الكلام وقالت:
ـ كفاية تمثيل بقى! إنتِ عايزة تاخدي البيت لنفسك، وبتحاولي توقعينا في بعض!
مراتي بصتلها وقالت:
ـ أنا لو عايزة البيت لنفسي، مكنتش استحملت الإهانة والضرب كل السنين دي، ولا كنت فضلت ساكتة لحد النهارده.
أمي قامت وقالت:
ـ خلاص! أنا هقول الحقيقة بنفسي.
كلنا بصينا لها.
قالت وهي بتعيط:
ـ أبوك قبل ما يموت كان عامل اتفاق مع حد، واتفق معانا إن البيت يفضل باسم العيلة، وإن محدش يبيع فيه حاجة، لكن بعد وفاته حصلت ظروف، وإحنا اضطرينا نتصرف.
سألتها:
ـ تتصرفوا إزاي؟!
قالت:
ـ أختك الكبيرة كانت عليها ديون، وكنا خايفين تتسجن، فبعنا جزء من الأرض اللي كانت باسم أبوك، والفلوس اتصرفت عليها.
بصيت لمنى وقلت:
ـ وإيه دخل الإقرار اللي أنا كاتبه؟
منى انهارت في العياط وقالت:
ـ إحنا خليناك تمضي عليه وقتها عشان البيع يتم، وقلنا لك إنك بتمضي على ورقة تخص الشغل.
حسيت إن الأرض بتلف بيا.
يعني أخواتي وأمي استغلوا ثقتي فيهم، وخلوني أمضي على ورقة أنا معرفش محتواها!
بصيت لأمي وقلت:
ـ وإنتِ كنتِ عارفة وسايباني عايش فاكر إن كل حاجة تمام؟!
ردت:
ـ كنت خايفة أخسرك يا ابني، وخايفة أخواتك يضيعوا.
مراتي قالت بهدوء:
ـ وأنا مش عايزة أظلم حد، بس لازم تعرف إن الورقة اللي معاك دي مش كل الحكاية.
سألتها:
ـ فيه إيه تاني؟
قالت:
ـ أنا لقيت صورة عقد قديم، وعليه توقيع أبوك، وفيه اسم شخص تاني غيركم كلكم.
منى أول ما سمعت الكلام صرخت:
ـ إنتِ عرفتي منين إن العقد موجود؟!
مراتي ردت:
ـ عشان أنا شفت الشخص ده بعيني، وكان جاي يسأل عنكم من كام يوم.
أنا اتجمدت مكاني.
ـ مين الشخص ده؟!
مراتي بصتلي وقالت:
ـ واحد بيقول إنه ابن أبوك، وإن ليه حق في البيت والأرض زيكم بالظبط!
أمي حطت إيديها على قلبها ووقعت على الكنبة، وأخواتي الخمسة فضلوا يبصوا لبعض من غير ما حد يتكلم.
صرخت فيهم:
ـ يعني أبويا كان متجوز عليكي؟ وعنده ابن تاني؟ وإنتوا عارفين؟!
أمي فضلت تعيط وتقول:
ـ أبوك كان ليه سر كبير، وإحنا كنا بنحاول نحميك من الصدمة.
في اللحظة دي تليفون مراتي رن.
بصت للشاشة، وبعدها وشها اتغير.
ردت وقالت:
ـ أيوه، إحنا كلنا موجودين.
وسمعت صوت راجل من الناحية التانية بيقول:
ـ أنا تحت البيت، ومعايا أصل الورقة اللي أبوك كتبها قبل ما يموت، والنهارده لازم أحمد يعرف مين فيكم ليه الحق الحقيقي في البيت.
قفلت مراتي التليفون وبصتلي.
قولتلها:
ـ إنتِ تعرفي الراجل ده منين؟!
ردت عليا بجملة خلتني أشك في كل اللي حصل من البداية:
ـ عشان الراجل ده هو اللي أنا كنت بكلمه يوم ما سمعتني بقول إن فيه أسرار تانية… وهو مش غريب عنك زي ما إنت فاكر!
وفجأة جرس الباب رن…
يتبع…
#حكاوي_شيمو
يا ترى مين الشخص اللي تحت البيت؟ وإيه سر أبو أحمد اللي أمه وأخواته مخبيينه عنه؟ وهل مراته فعلاً كانت بتدور على حقها، ولا هي كمان عندها حسابات تانية؟
عايزين توقعاتكم، ومتنسوش تقولولنا أحمد يعمل إيه لما يواجه الحقيقة!
واللي وصل لحد هنا يصلي على النبي ﷺ
