حماتي كانت بتخليني أغسل هدوم بناتها وتكويها قبل ما يخرجوا، ولما طلبت منهم يساعدوني قالتلي إنتِ مرات أخوهم، يعني خدامتهم! لكن يوم فرح بنتها، حصل موقف كشف قدام العريس وأهله حقيقة العيلة كلها!
أنا اسمي منال، متجوزة من شريف بقالي تلات سنين، ومن أول يوم دخلت فيه بيت حماتي وأنا حاسة إني مش مرات ابنها، أنا بقيت المسؤولة عن راحة البيت كله.
حماتي عندها بنتين، داليا ونور، والاتنين متعودين إن كل حاجة تتعمل لهم من غير ما يتحركوا من مكانهم. يصحوا الصبح يلاقوا الفطار جاهز، هدومهم مكوية، وأوضهم مترتبة، ولو واحدة منهم عندها خروجة، تنده عليا كأني شغالة عندها.
في الأول كنت بعمل ده من باب المحبة، وأقول دول أخوات جوزي، ومش عايزة أقصر معاهم. لكن مع الوقت، الموضوع بقى أوامر.
داليا كانت تدخل عليا بالهدوم وتقول
خدي يا منال، اغسليلي الطقم ده بسرعة، عندي خروجة بالليل.
ونور ترمي الهدوم على السرير وتقول
ومتنسيش
تكوي الفستان، عايزاه جاهز قبل ما أنزل.
وفي يوم كنت واقفة قدام الغسالة من الصبح، وبغسل هدوم البيت، دخلت داليا ومعاها كومة هدوم جديدة، وحطتها فوق اللي عندي.
قلت لها بهدوء
يا داليا، أنا ورايا شغل البيت كله، ممكن تساعديني النهارده؟
بصتلي باستغراب وقالت
أساعدك؟ هو أنا مش أخت جوزك؟
رديت عليها
وأنا مرات أخوكي، مش خدامة عندك.
قبل ما تكمل كلامها، حماتي دخلت وسمعت آخر جملة، فبصتلي پغضب وقالت
إنتِ ناسية نفسك؟ إنتِ مرات أخوهم، يعني خدامتهم! وإحنا فتحنالك بيتنا، المفروض تقدري ده.
وقفت مكاني مش قادرة أصدق اللي سمعته. بصيت لشريف لما رجع بالليل وحكيتله، لكنه قال
يا منال، أمي وبناتها متعودين على كده، استحملي شوية، دي فترة وهتعدي.
لكن الفترة ما عدتش، بالعكس، زادت الإهانات لما اتحدد ميعاد فرح داليا.
من يومها، حماتي قررت إن أنا اللي هكون مسؤولة عن كل تجهيزات البيت والفرح. أجهز الأكل، وأرتب الشقة،
وأكوي هدوم داليا ونور، وحتى هدوم خالاتهم اللي جايين من بره.
ولما قلت إني مش هقدر أعمل كل ده لوحدي، ردت حماتي
دي أخت جوزك وهتفرح، مش هتقدري تفرحيها يوم واحد؟
سكتّ، لكني قررت إن يوم الفرح مش هيعدي زي كل مرة.
جاء يوم الفرح، والبيت كان مليان ضيوف. من الصبح وأنا بلف بين المطبخ والأوض، أجهز وأرتب، بينما داليا ونور قاعدين قدام المراية بيتصوروا.
وقبل ما نتحرك للقاعة، داليا نادت عليا وقالت
منال، الفستان بتاعي اتكرمش من تحت، هاتِ المكواة بسرعة.
كنت مرهقة جدًا، لكني دخلت أوضتها وجبت المكواة. وبعد دقائق، خرجت داليا بفستانها، ووقفت قدام المراية وهي مبسوطة.
وصلنا القاعة، واستقبلتنا عيلة العريس، وكانوا ناس محترمين جدًا. أم العريس قربت مني وابتسمت وقالت
إنتِ أخت العروسة؟
قبل ما أرد، حماتي سبقتني وقالت وهي بتضحك
لا دي مرات ابني، بس من يوم ما دخلت بيتنا وهي شايلة مسؤولية البنات، ربنا يخليهالنا!
ضحك
بعض الموجودين، وأنا ابتسمت
بالعافية.
لكن الموقف اللي غيّر كل حاجة حصل لما دخلت القاعة واحدة من قريبات العريس، وكانت شايلة شنطة كبيرة. قربت من حماتي وسلمت عليها، وبعدها بصتلي وقالت بصوت واضح
إنتِ منال؟ هو إنتِ لسه بتخدميهم لحد دلوقتي؟
حماتي وشها اتغير، وشريف وقف من مكانه، أما أم العريس فسألت باستغراب
بتخدمهم إزاي؟
الست فتحت الشنطة وطلعت منها مجموعة إيصالات وصور قديمة، وقالت
أنا كنت فاكرة إن الموضوع انتهى، لكن واضح إن البنت دي لسه مش عارفة الحقيقة.
حماتي حاولت تسحب الشنطة منها، لكن الست رفضت، وطلعت ورقة قدام العريس وأهله.
العريس قرأ أول سطر، وبص لداليا، وبعدها قال
إنتِ كنتِ عارفة إن مرات أخوكي هي اللي دفعت تمن تجهيزات فرحك؟
داليا اتلخبطت، وحماتي حاولت تغير الكلام، لكن الست قالت
مش دي الحقيقة كلها فيه حاجة أهم لازم تعرفوها عن العيلة دي.
وبصت لشريف وقالت
قولهم يا شريف،
ولا لسه هتسيب مراتك تشيل الذنب لوحدها؟
في اللحظة دي، فهمت إن اللي اتكشف مش مجرد حكاية هدوم وغسيل، وإن شريف كان مخبي عني سر له علاقة بكل اللي حصل من أول يوم دخلت فيه البيت.
شريف فضل واقف مكانه، عينه في الأرض، ومش قادر يرفع وشه يبصلي. أما حماتي فكانت بتحاول تاخد الورقة من إيد الست، وهي بتقول بعصبية إنتِ جاية تبوظي فرحة بنتي ليه؟ الكلام ده ملوش لازمة دلوقتي!
لكن الست زعقت فيها وقالت لأ، ليه لازمة، ولازم الناس تعرف الحقيقة قبل ما بنتك تدخل بيت راجل تاني وهي مخبية عنه اللي عملته في مرات أخوها!
العريس مسك الورقة وبدأ يقرأ، وكل ما عينه تتحرك من سطر للتاني، ملامحه كانت بتتغير.
بص لداليا وقال يعني إنتِ كنتِ عارفة إن منال باعت دهبها عشان تجهزلك الفرح، وإنتِ ساكتة؟
داليا ارتبكت وقالت أنا مكنتش أعرف التفاصيل دي! ماما هي اللي كانت بتتصرف في الفلوس.
ساعتها الست ردت متعرفيش؟ طب والرسائل اللي كنتِ بتبعتيها لمنال تطلبي منها فلوس عشان الفستان والمكياج والميكب أرتيست؟ دي كمان مكنتيش تعرفي عنها؟
أنا كنت واقفة مش فاهمة حاجة. بصيت للورقة اللي في إيد العريس، وبعدها بصيت لشريف وقلت ممكن حد يفهمني أنا مالي بكل ده؟ وإيه اللي أنا دفعته ده؟
الست قربت مني ومسكَت إيدي وقالت بحزن يا بنتي، أنا خالة شريف، وكنت شاهدة على كل اللي حصل من أول يوم ډخلتي فيه البيت. فاكرة لما حماتك قالتلك إن شريف عليه ديون وإنه مش قادر يجهز شقته؟
هزيت راسي، وافتكرت إني كنت بشتغل قبل الجواز، وكنت محوشة مبلغ كبير من مرتبي، وبعته كله تقريبًا عشان أساعد شريف في تجهيز الشقة.
كملت الست الفلوس اللي إنتِ دفعتيها في تجهيز الشقة، والدهب اللي بعتيه بعد كده، كل ده راح في تجهيز داليا، مش في الديون اللي قالولك عليها.
حسيت إن الأرض بتلف
بيا.
بصيت لشريف وقلت بصوت
