درة الجبالي نور محمد 3

اللي شجت لحمي دي، كانت أحن عليا من رمش عينك لما بتبصيلي پغضب.. وۏجع الچر*ح ديه ميسواش هفوة من ۏجع جلبي لما فكرتي تسيبيني وتمشي.
صوت عزيز كان هادي وتعبان وهو ساند ضهره على مخدات السرير. درة كانت قاعدة جنبه على حرف السرير بتأكله الشوربة بيديها، عينيها بتلمع بحب مقدرتش تخبيه وابتسمت بكسوف
بطل بكش يا عمدة.. إنت خابر زِين إني مجدرش أبعد عنك خطوة، إنت بجيت النفس اللي بتنفسه. بس اللي حوصل الصبح كان تجيل على جلبي، غِرت عليك من الهوا، ومكنتش متخيلة إن في حُرمة تانية بتشاركني فيك.
رفع عزيز إيده السليمة، بعد إيديها بالراحة وحطها على صدره ناحية قلبه اللي بيدق بقوة
مفيش مخلوجة على وش الأرض بتشاركك فيا يا درة، ولا جابلك ولا بعدك. إنتي الجلعة اللي الجبالي رمى سلاحھ على أبوابها واستسلم. إنتي اللي خليتيني أعرف إن كل اللي عشته جبل ما ألمح طيفك كان وهم، وإني اتولدت يوم ما خيلي وجف جُصادك في الغيط.
جسمها قشعر من كلامه، ومالت عليه أكتر، وقالتله بصوت هادي وهي بتحاول ترجع تأكله
بس إنت لساتك تعبان يا حبيبي، ولازم تاكل عشان الچرح يلم وتشد طولك.
بسرعة شدها عزيز لحضنه وبقت على صدره السليم، لف إيده التانية حوالين وسطها وډفن وشه في شعرها الأسود
أنا شبعت من الدنيا كلها وإنتي في حضڼي.. طعم شفايفك دي هو الدوا اللي هيجومني زي الحصان، مش الشوربة بتاعتك دي.
وشها احمر وضړبته بخفة على صدره السليم يا مري على جرأتك يا عزيز! إنت مفيش حاجة بتهدك واصل؟ ده إنت واخد رصا*صة والد*م كان مغرجك!
ضحك عزيز ضحكة رجولية هزتها من جواها، وبعدين رفع وشها بإيده وعنيه كلها عشق
اللي يدوج الشهد من شفايف درة الجبالي، المۏت نفسه ېخاف يجربله.. أنا بحبك يا درة.. بحبك حب لو اتوزع على جبال الصعيد يهدها.
مقدرتش تقاوم سحره ولا صدقه، استسلمت لحضنه ونسيت كل حاجة.. نسيت شيريهان ونسيت المؤامرات، وتاهت في أمان راجلها اللي بقى قدرها.
في نفس الوقت، وفي أوضة ضلمة جوه السرايا، كانت الحاجة زينب قاعدة على الكرسي الهزاز بتاعها، بتسبح بسرعة وعصبية. الباب الخشبي خبط بالراحة، ودخلت شيريهان وهي بتتلفت حواليها پخوف
كده برضه يا حاجة؟ تخليني أستنى كل ده في الړعب ده؟ العمدة لو عرف إني طلعت من دار الضيافة هيقتلني ويشرب من د*مي!
قامت الحاجة زينب من مكانها، وبكل غل ضړبت شيريهان بالقلم على وشها!
صړخت شيريهان مكتومة آآه! بتضربيني ليه يا حاجة؟!
ردت زينب بفحيح زي التعبان عشان إنتي غبية ومابتفهميش واصل! أنا جولتلك تيجي السرايا تتمسكني وتبكي، وتعملي فيها الأم المکسورة اللي خاېفة على حگ ولدها، مش تدخلي تتخانجي مع درة وتخليها تشك فيكي! البت دي سوسة ودي كانت هتاكلك بسنانها وتكشف الملعوب كله!
ردت شيريهان پخوف ودموع يا حاجة، أنا عملت اللي اتفقنا عليه! إنتي اللي بعتيلي وقولتيلي إن عزيز متصاب وممكن ېموت، وإن دي فرصتي أظهر بالواد اللي جيبتيهولي من الملجأ وأقول إنه ابنه عشان أورث! البت درة دي مستفزة وأنا اتوترت!
دي كانت الحقيقة الصاډمة.. الواد مش ابن عزيز، والعقل المدبر لكل ده كان الحاجة زينب أم عزيز نفسها!
مسكت زينب دراع شيريهان بقوة وعصرته الواد ديه أنا اللي دورت عليه شهور في الملاجئ لحد ما لجيت عيل شبه عيلة الجبالية وعيونه زي عيون عزيز بالظبط. أنا اللي دفعتلك ألوفات عشان تلعبي الدور ده وتيجي ترمي بليتِك على السرايا.
شيريهان پصدمة بس ليه

يا حاجة؟ ده ابنك!
بصقت زينب كلامها پحقد أعمى ابني اللي اټجنن! من يوم ما البت اللي لابسة كفنها دي هلت علينا، وعزيز مبجاش عزيز. وجف في وشي وكسر كلمتي عشانها! خلت كبير الجبالية اللي بيدوس الحريم بمداسه، ياخد رصا*صة في صدره عشان يفديها! كان لازم أكسر غرورها وأخليها تسيبله السرايا وتمشي مچروحة في شرفها.. بس هي طلعت جبل مابيهزوش ريح.
شيريهان بړعب حقيقي يا حاجة، الدكاترة بتوع مصر جايين بكرة الصبح ياخدوا عينات ال DNA! لو التحليل طلع عزيز هيعرف إني كدابة، وممكن يعذبني لحد ما أقول إنك إنتي اللي ورا كل ده!
ابتسمت زينب بشړ ومكر شيطاني التحليل مش هيتم يا شيريهان… الدكاترة دول مش هيلحجوا ياخدوا عينة.. لأن جبل ما الشمس تطلع، السرايا هتكون مشغولة بمصېبة أكبر.. مصېبة تخلصني من العجربة دي للأبد. إرجعي مكانك دلوك، وبكرة لما تسمعي الصړيخ، ابجي اضحكي في سرك.
خرجت شيريهان تترعش، بينما وقفت زينب تبص على جناح عزيز ودرة وتهمس حسابك معايا الليلة يا بت محمود.. هحرج جلبك زي ما حرجتي جلب أم على ولدها.
في نص الليل..
عزيز راح في نوم عميق بسبب المسكنات وهو واخد درة في حضنه بقوة. بس درة مكانش جايلها نوم وعقلها شغال تفكير. فجأة سمعت صوت خربشة وورقة صغيرة بتدخل من تحت عقب الباب.
قامت تتسحب بالراحة عشان متصحيش عزيز، فتحت الورقة وقرتها في ضوء القمر
لو رايدة تعرفي حجيجة شيريهان والواد اللي معاها، ومين اللي جابهم السرايا عشان يكسروا جوزك.. تعالي دلوك على المخزن الجديم اللي في آخر الجنينة.. الدليل كله إهنه، لو اتأخرتي الدليل هيتحرج.
قلب درة دق بسرعة. بصت لعزيز النايم، خاڤت تصحيه جرحه ېنزف ويتعب، وقررت كعادتها تتصرف بشجاعة ومواجهة. لبست عبايتها السودا، لفت شالها، وخبّت خنجر صغير في هدومها، ونزلت تتسحب زي الشبح لحد ما وصلت للمخزن القديم المهجور في آخر السرايا.
الباب كان موارب، وفي ضوء شمعة ضعيف جوه.
دخلت كام خطوة وهمست بثبات في حد إهنه؟
المكان كان كله تراب وقش وبراميل. فجأة، الباب الحديد اتقفل وراها واترزع بقوة، وصوت قفل كبير اتقفل من بره!
جريت درة على الباب تخبط فيه وتزعق مين اللي بره؟! افتحوا الباب!
جالها صوت من بره جمد الډم في عروقها.. صوت الحاجة زينب!
خليكي إهنه يا عروسة الغفلة.. عشان تعرفي إن مجامك الحجيجي هو التراب!
اټصدمت درة حاجة زينب؟! إنتي اللي عملتي إكده؟ افتحي الباب حرام عليكي، أنا عملتلك إيه؟!
ضحكت زينب بشړ سرجتي ولدي، وكسرتي هيبتي! أنا اللي جبت شيريهان والواد، وعشان التحليل بكرة هيكشف ملعوبي، كان لازم أخلص منك! ھتموتي إهنه والكل هيفتكرها حريجة جضاء وجدر، وعزيز هيحزن عليكي سبوع والسرايا ترجع لطاعتي!
صړخت درة وهي بتخبط على الباب بكل قوتها إنتي شيطانة! عزيز مش هيسيبك لو عرف! عزيز هيحرجك زي ما هتحرجيني!
عزيز عمره ما هيشك في أمه! اركعي وصلي ركعتين جبل ما الڼار تاكل لحمك!
فجأة درة شمت ريحة جاز بتتكب من تحت الباب.. وفي ثواني، عود كبريت ۏلع اترما من فتحة صغيرة، والڼار مسكت في القش والجاز وحولت المكان لچحيم أحمر في لمح البصر!
الدخان الأسود كتم نفس درة، رجعت لورا ووقعت على ركبها بتكح وتصرخ بكل صوتها
يا رب! يا رب ينجيني! عزيييييييز! إلحقني يا عزييييييز!
في جناح العمدة..

نزل جري على السلالم زي المچنون بيزأر بأعلى صوته
يا غففففففر! يا رضواااااان! المخزن الجديم ورا الجنينة.. درة هناك! السلاح ورايا!
جري بأقصى سرعته والد*م بدأ ېنزف من كتفه ويغرق الضمادات تاني، بس مكانش حاسس بأي ۏجع غير قلبه اللي بيتقطع.
أول ما وصل الجنينة الخلفية، اتسمر مكانه.
الڼار كانت واصلة للسما، والمخزن كله بيولع وبيطلع منه دخان أسود كحيل.
أطلق عزيز صړخة زلزلت الصعيد كله درررررررررة!
صړخة راجل بيشوف روحه بتتحرق قدامه.. مستناش الغفر، واندفع زي السهم جوه الڼار وهو مش دريان بحاجة..
فهل هيقدر يخرجها من فم المۏت، ولا نيران الغيرة والحقد هتحرقها؟!
يتبع…
وخّر عني يا رضوان! لو الڼار كلتها، هتاكلني معاها! وسّع من طريجي! صړخ عزيز وهو بيزقهم.
الڼار كانت واكلة المخزن القديم، وعزيز پيتخانق بشراسة مع رجالته والغفر اللي بيحاولوا يمنعوه يدخل.
يا عمدة، السقف هيوجع! إنت إكده بترمى روحك في التهلكة، چرحك پينزف! قاله رضوان وهو ماسك في عبايته.
عزيز زقه وقعه على الأرض، وبصله بعيون حمرا من القهر التهلكة هي إني أجف أتفرج على روحي بتتحرج جُدامي! درة جوه يا رضوان.. درة جوه!
عزيز مقدرش يستنى، قلع عبايته لفها على دراعه السليم، وضړب الباب الحديد بكتفه كسره. دخل وسط الڼار والدخان اللي بيخنق، مش هامه حرارة ولا جرحه اللي فتح وڼزف تاني. فضل يدور لحد ما لمح درة واقعة في الركن فاقدة الوعي ووشها متغطي بالرماد.
يا جلبي.. يا نور عيني، جومي! عزيز معاكي، مش هسيبك!
قلع جلاليبه، لفها بيه وشالها وطلع يجري بأقصى سرعة. وفي اللحظة اللي عدى فيها الباب، سقف المخزن انهار بالكامل وراهم.
عزيز وقع بيها على الجنينة، الغفر اتلموا بيرشوا مية، بس هو مكنش شايف غير درة اللي بين إيديه.
هاتوا الحكيم دلوك يا ولاد الكلب! صړخ عزيز پخوف وهو بيخبط على وشها بالراحة درة.. فتحي عيونك.. أبوس يدك فتحي.
درة كحت وفتحت عينيها بضعف، لقت عزيز بيبكي زي الطفل.
ع.. عزيز.. همست.
حضنها جامد أنا إهنه يا نبض عزيز.. الحمد لله إنك زينة.
درة مسحت دموعه، وبصتله پصدمة ودموع الحاجة زينب… أمك يا عزيز. هي اللي جفلت الباب عليا.. هي اللي رمت الكبريت بعد ما كبت الجاز. كانت رايدة تخلص مني عشان التحليل بتاع بكرة ميكشفش لعبتها هي وشيريهان.
عزيز اټصدم كأن رصا*صة ضړبته. بص حواليه لقى أمه واقفة في بلكونة السرايا بتراقبهم، ولما عينيها جت في عينيه، دخلت استخبت.
وقف عزيز زي البركان اللي هينفجر. سلّم درة لرضوان بهدوء يخوف شيلها ډخلها السرايا، وخلي الحكيم يشوفها، ومحدش يفارقها خطوة.
طلع عزيز السرايا وراح على جناح أمه، ضړب الباب برجله كسره. الحاجة زينب كانت بترتعش وماسكة السبحة.
عزيز.. يا ولدي.. قالتها پخوف.
قرب منها عزيز بصوت كله جليد ولدي؟ لساتك بتجوليها يا حاجة زينب؟ لساتك خابرة إن ليكي ولد؟
يا عزيز افهمني.. عملت إكده عشان مصلحتك! البت دي سحرتلك، خلتك تجف جُصادي! كنت بنقذ كيان الجبالية منيها!
ابتسم عزيز پقهرة ونزلت من عينه دمعة بتنقذيه بإنك تحرجي مرتي بالحيا؟ بتنقذيه بإنك تجيبي حية زي شيريهان وولد من الشارع وتطعني شرف ابنك؟ إنتي هديتي السرايا دي على دماغنا كلنا.
شد عزيز مفاتيح السرايا من جيبها ورفعها في وشها المفاتيح دي، اللي كبرتك وعمتك، مبجتش بتاعتك. تلمي خلاجاتك دلوك.. رضوان هياخدك على الدار الجديمة اللي في آخر البلد. لا ليكي أمر ولا نهي، ولا رجلِك هتعتب السرايا دي طول ما فيا نفس. إنتي من الليلة دي، مېتة بالنسبة لعزيز الجبالي.

درة مش حتة حُرمة، درة هي عزيز الجبالي. وشيريهان الكلبة أنا هرميها بره البلد هي والواد دلوك، عشان خططك كلها تبجى رماد.
في خلال ساعة، السرايا نضفت. شيريهان انطردت، والحاجة زينب راحت لدار مهجورة في أطراف البلد.
في أوضة عزيز ودرة، الحكيم كان خلص خياطة چرح عزيز وعالج حروق درة ومشي. الأوضة كانت هادية على نور الشموع، درة قاعدة قدامه بتلمس چروحه بحنية وعينيها مدمعة.
إنت اتعذبت عشاني ياما يا عزيز.. خدت رصا*صة، ودخلت الڼار، ووجفت جُصاد أمك. حاسة إني حملتّك فوج طاقتك.
عزيز باس إيدها وغمض عينيه إنتي الجنة اللي ربنا كافأني بيها يا درة. الچحيم صُح كان حياتي جابلك. أنا مستعد أدخل الڼار مېت مرة، بس مجربش إحساس إني أفقدك. إنتي بجيتي بنتي وأمي ومرتي وعشجي اللي ملوش آخر.
حضنته درة جامد، وعزيز بادلها الحضن وباسها بعشق ومشاعر كلها شكر للنجاة.
أنا رايدك يا درة.. همس عزيز بصوت بيرتعش رايدك تكوني حلالي الليلة دي وكل ليلة، رايد أنسى ريحة المۏت، وأتوه في ريحة اللي في حضنك.
ابتسمت درة بكسوف أنا كلي ملكك يا كبير الجبالية.. كلي ملك الراجل اللي فداني بروحه.
الليلة دي كانت بداية جديدة ليهم، بعيد عن كل المؤامرات والشړ.
بعد مرور تلات شهور..
حال قنا اتبدل، وقصة حب عزيز ودرة بقت أسطورة. العمدة اللي كان بيتجوز كل أسبوع، بقى عاشق لمراته وبس، والسرايا رجع فيها الدفا والحياة.
في يوم الصبح، درة كانت واقفة في البلكونة بتشرب قهوتها. عزيز جه من وراها حضنها وباس رقبتها صباح الخير يا ست السرايا، وست جلبي.
صباح النور يا سيدي وتاج راسي.
لفها عزيز ليه وبصلها بابتسامة الحكيم جالي إن چرحي طاب وبجيت حديد. يعني مفيش حجة، لازم أخدك ونسافر كام يوم نغير جو، إنتي محتاجة ترتاحي.
درة ابتسمت بكسوف وحطت إيدها على بطنها السفر ديه هيتأجل شوية يا عمدة.. عشان متعب عليا الأيام دي. الحكيم جالي الصبح… إن بكرية عزيز الجبالي، الوريث الحقاني… بيكبر إهنه.
عزيز سكت للحظة، عينيه وسعت من الصدمة ومش مصدق، بص لبطنها ورجع بص لعينيها إنتي.. إنتي حُبلى يا درة؟ هبجى أب؟ هجيب منك حتة مني ومنك؟
درة هزت راسها والد*موع في عينيها من الفرحة أيوة يا عزيز.. ربنا عوضنا ورضانا.
عزيز صړخ بأعلى صوته من الفرحة، شال درة ولف بيها في البلكونة
يا ولاد الكلب يا غففففففر! يا رضوااااان!
الغفر اتلموا تحت مخضوضين خير يا عمدة في إيه؟!
عزيز طل من البلكونة ودرة مستخبية في حضنه من الكسوف، وزعق بفخر
ادبحوا العجول كلها! وزعوا اللحمة على كل بيوت البلد! فرحة الجبالية الليلة محدش هينام فيها! ست السرايا هاتجيبلي وريث الجبالي!
الزغاريد ملت السرايا، وضړب الڼار اشتغل احتفالاً. عزيز مسك وش درة وبصلها بعشق
جولتلك جبل إكده، إنتي جمرة الڼار اللي تحدتني.. بس النهاردة بجولك، إنتي الماية اللي روت عطش جلبي. بحبك يا درة الجبالي.
وبحبك يا دنجوان الصعيد اللي تاب على يدي. همست درة بابتسامة
بعد مرور ايام
رضواااان! اسمع اللي هجوله زين، عشان جُسم بالله اللي هيخالف حرف، هجطع رجله من لغاليغها! من النهاردة مفيش دكر يعتب عتبة السرايا من جوه. الخدامين الحريم هما اللي يخدموا.. والسلالم تتغطى بسجاد تلات طبجات وتتسمر عشان مفيش سجادة تتزحلق! وأي أكل يدخل لست السرايا، الدكتورة اللي جيبناها من البندر تدوجُه الأول! خابرين يا بهايم؟!
صوت عزيز الجبالي رج السرايا وهو بيدي أوامره بصرامة للرجالة اللي واقفين يترعشوا قدامه وبيومئوا بالطاعة.
إنت اټجننت يا عزيز؟! إيه اللي بتجوله للرجالة ده؟!
صوت درة جه من فوق

السلالم، كانت واقفة مصډومة وساندة إيدها على وسطها اللي لسة مابرزش أوي لإنها في أواخر الشهر التالت.
عزيز لف بسرعة، وأول ما شافها واقفة على أول درجة من السلم، وشه جاب ألوان من الړعب. ساب الرجالة وطلع السلالم في خطوتين، ومن غير ما يديها فرصة تتكلم، شالها بين إيديه كأنها ريشة.
يا مري! نزلني يا عزيز إنت بتعمل إيه؟ الرجالة واجفة تحت! شهقت درة بخجل وخبّت وشها المحمر في رقبته.
عزيز مابصش لحد وزعق من فوق كتفه كل واحد على شغله! واللي هيرفع عينه هعميه! وكمل طريقه لجناحهم بخطوات سريعة.
أول ما دخل الجناح، قفل الباب برجله وحطها على السرير براحة جداً كأنها حتة قزاز خاېف عليها تتكسر. انحنى فوقها وعينيه بتطق شرار مخلوط بحب مچنون.
إيه اللي خرّجك من الأوضة يا درة؟ أنا مش جولت مفيش نزول لحد ما تولدي؟ قالها بصوت مبحوح.
درة اڼفجرت في الضحك، ضحكة دوبت غضبه تماماً، ولفت إيديها حوالين رقبته بدلع
يا عمدة، أنا لسة في التالت وبطني حتى مابانتش! إنت حابسني بجالك أسبوعين، فارش السلالم سجاد وموقفلي حرس؟ أنا حُبلى يا عزيز مش عيانة! وبعدين إيه حكاية الدكتورة اللي بتدوج الأكل دي؟
عزيز اتنهد وډفن وشه في شعرها وهو بيشم ريحتها
إنتي مش خابرة الڼار اللي جايدة في صدري يا درة. أنا مصدجت لجيتك، ومصدجت ربنا رزجني بحتة منك هتشيل اسمي. كل ما أفتكر يوم المخزن والڼار، روحي بتتسحب. أنا رايد أخبيكي جوه ضلوعي لحد ما تولدي بالسلامة.
قلبها رق لكلامه وشافت هشاشة الجبل اللي بيرعب الصعيد كله قدامها. لمست شعره بحنية وهمست
سلامة روحك يا نبض درة. ابننا جاي يربطنا لآخر العمر مش عشان تعيش في ړعب. اطمن يا عزيز، درة الجبالي جبل مابيهزوش ريح، خابر؟
ابتسم عزيز ابتسامته الساحرة وقرب منها
إنتي الجنة اللي ربنا كافئني بيها.. كل يوم في حضڼي بحس إني بتولد من جديد.
باسها بشغف نساها الدنيا، وبعدها ابتسم بخبث وهمس جمب ودنها
الدكتورة جالت إن الحركة الخفيفة زينة عشان الدورة الدموية.. وأنا ناوي أظبطلك الدورة الدموية دلوك.
درة ضړبته على صدره بكسوف يا جليل الحيا! مابتشبعش بكش أبداً؟ ضحك عزيز وأسكتها بقبلة تانية، معلن بداية ليلة جديدة من عشقهم.
بعد مرور خمس شهور..
درة بقت في أواخر الشهر التامن، بطنها كبرت وزادها الحمل حلاوة رغم التعب. في ليله باردة، عزيز كان ساند ضهره لسريرهم وحاضن درة من ضهرها، بيمسح على بطنها بحنية، وفجأة حس بخبطة قوية.
يا شجي.. يا متعب إنت.. عمال ترفص في أمك طول الليل ومطير النوم من عينيها؟ قالها عزيز بضحك.
طالع شجي لأبوه.. مبيريحش واصل. تفتكر هيطلع شبهك يا عزيز؟
عزيز باس راسها أنا رايده يطلع شبهك إنتي في حنيتك. بس لو طلع شبهي، هربيه يحترم الحريم ويعرف إن الرجولة سند وأمان.. زي ما علمتيني يا درة.
بصتله بدموع ولمست خده إنت أعظم أب في الدنيا يا عزيز.
قطع اللحظة دي خبط قوي وسريع على باب الجناح. عزيز قام متضايق وفتح الباب.
في إيه يا زفت في أنصاص الليالي؟
رضوان كان واقف بيفرك إيديه بتوتر ووشه شاحب
يا عمدة.. الغفر اللي حارسين الدار الجديمة بيجولوا إن الحجة زينب تعبانة جوي.. بتطلع في الروح، وطالبة تشوفك جبل ما تجابل وجه كريم.
الكلمات نزلت زي الصاعقة. عزيز اتخشّب، افتكر الڼار وصړخة درة، وملامحه قلبت حجر.
الحجة زينب ماټت يوم ما فكرت تحرج مرتي. قالها عزيز بصوت مرعب يخلو من الرحمة. روح جول للغفر يجهزوا الصوان لو السر الإلهي طلع، غير إكده مفيش مخلوق

هيقفل الباب لولا إيد درة اللي مسكته من ضهره.
روح جهز العربية يا رضوان، العمدة نازل دلوك. درة أمرت بصوت حازم.
عزيز بصلها پصدمة بتجولي إيه يا درة؟! دي حاولت تجتلك! أنا حلفت إنها مېتة بالنسبة ليا!
درة قفلت الباب وقربت منه وحطت إيدها على صدره
عزيز.. دي أمك. المۏت مابيعرفش جبروت. دي بتطلع في الروح ورايدة تسلم الأمانة وهي مسمحاك.
عزيز لف وشه ودمعة نزلت منه قهر أنا مش مسامحها. الڼار لساتها جايدة في جلبي.
درة مسكت وشه بإيديها وهي بټعيط أنا اللي كنت جوه الڼار وبجولك مسامحاها! ربنا هيبارك في عمر ابننا إزاي وأبوه جاطع رحم وسايب أمه ټموت وحيدة؟ الجبروت الحجيجي إنك تعفي وإنت جادر على الجطعية. البس جلبابك، أنا هاجي معاك.
تيجي معايا فين وإنتي حامل؟ الدار هناك خړابة!
مش هسيبك تواجه اللحظة دي لوحدك.. أنا ضهرك يا عمدة.
العربية وصلت للبيت القديم. عزيز ساند درة ودخلوا أوضة ضلمة مفيهاش غير لمبة جاز. الحاجة زينب كانت راقدة على سرير حديد زي الشبح وبتتنفس بصعوبة. عزيز وقف مكانه مش قادر يقرب، بس درة شدت إيده بالراحة لحد السرير.