صرخ فيها؟!
أحمد بصله بشدة وأشار على الشقة بص حواليك يا عمي!! بص لشقة ابنك اللي شقي فيها في الغربة عشان يستر بنتك! بنتك حولت البيت لسنتر دروس خصوصية من غير علمي، وجابت رجالة ودجالين يدخلوا ويخرجوا تحت مسمى الرقية والت حصين، وډمرت السباكة والكهرباء، وعايشة في أوهام ودجل وخرافات خلتها تسيب البيت وتجري في الشارع زي المچنونة!
أبو سمر بص للشقة وبص لبنته بذهول. مكنش عارف يرد، ومراته بوزت وشها وقالت ما هي كانت بتساعدك في العيشة يا أحمد! هو الشغل عيب ولا حرام؟!
أنا هنا مقتدرتش أسكت، اتدخلت وقلت لها بكل قوة ووضوح الشغل مش عيب يا طنط! بس العيب والحرام
إنها تفتح سنتر في عمارتنا السكنية، وتدمر راحة الناس، وتحرم طفل عنده سنتين إنه ينام ساعة على بعضها! العيب إنها تدفع لأمي ألف جنيه كل شهر عشان تشتري سكاتها وتخليها تقف ضد أخت جوزها! العيب إنها تجيب دجال يضحك عليها وياخد فلوسها ويقنعها إن في رصد وسحر تحت البلاط!
سمر بصتلي بغل وقالت إنتي السبب يا نادية!! إنتي اللي رشيتي البودرة على السلم وخليتي العيال تهرش وتطفش والسبوبة تقف!!
أحمد بص لسمر باستحقار وقال لها نادية عملت الصح! نادية دافعت عن راحة ابنها لما أنتي وأمي بعتوها عشان الألف جنيه! البودرة دي كشفتلي قذارة التفكير اللي كنتم عايشين فيه..
كشفتلي إن إنتي مكنش هامك بيتك ولا زوجك ولا راحة عيلتي، كان هامك الفلوس والدجل بس!
سمر قعدت على الأرض ټعيط بحړقة أنا أسفة يا أحمد.. والله ما هعمل كده تاني! هقفل السنتر مش هدي دروس تاني أبداً، والله العظيم هسمع كلامك في كل حاجة!
أحمد بص لها بجمود وقطع الشك باليقين السنتر هيتقفل طبعاً.. ده مش براحتك أصلاً! بس إنتي مالكيش قعدة في البيت ده تاني يا سمر.
أبو سمر اتخض وقال إنت بتقول إيه يا أحمد؟! عايز تطلق بنتي عشان مشكلة دروس؟!
أحمد رد بمنتهى الثبات والرجولة أنا مش هطلقها دلوقتي يا عمي.. بس بنتك هتلم حاجتها وهتروح معاك البيت. هتقعد عندك ست شهور،
تتطهر
ن القرف والدجل اللي دخل رأسها، وتتعلم يعني إيه احترام بيت جوزها وغيابه، وتعرف إن الراحة والأصول قبل الفلوس! ولو اتعدلت وفهمت، هرجعها بشرطي.. ولو فضلت بتفكر بنفس الدناءة دي، يفتح الله وكل واحد يروح لحاله!
أمه كانت عايزة تتكلم وتدافع، أحمد بصلها بصة واحدة خلت الكلمة تتجمد في حلقها وأنتي يا أمي.. الألف جنيه اللي كنتي بتاخديها عشان تبيعي راحة نادية وابنها، أنا هقطعها من المصاريف اللي ببعتها لك كل شهر! عشان تعرفي إن الفلوس الحړام واللي بتيجي على حساب الظلم مفيهاش بركة!
أمي قعدت تبكي وتوطي رأسها في الأرض، وسمر قعدت تصرخ وأبوها وأمها بيلموا في شنطها وهما مكسورين، ومش قادرين ينطقوا بكلمة واحدة لأن الحق كان واضح زي عين
الشمس.
خرجت سمر وأهلها من الشقة وهما بيجروا أذيال الخيبة.
أحمد جاب سباك وكهربائي في نفس اليوم، صلحوا لوحة العدادات وغيروا السلك المحروق، وكسروا السيراميك وغيروا ماسورة المياه المکسورة اللي كانت بتعمل الصوت المكتوم تحت الأرض.. واتقفلت شقة أحمد بالمفتاح.
طلعت أنا وأحمد وأمي على شقتي فوق.
أحمد قعد على الكنبة وأخد ابني ياسين في حضنه وباسه من راسه وقال لي حقك عليا يا نادية.. حقك عليا يا أختي إنك عشتي في الچحيم ده بسببي وأنا مسافر.
قلت له وأنا ببتسم براحة المهم إنك جيت يا أحمد، وإن الحق رجع نصابه، وإن البيت ده رجع فيه الأمان والأصول تاني.
أمي جت قعدت جنبنا، وأخدت إيدي وإيد أحمد، وقالت وهي پتبكي بصدق سامحوني يا ولادي..
طمع الدنيا وعمايتها كان هيهد بيتنا ويكسر قلوبنا. أنا عرفت غلطتي، وتوبة لو كررتها تاني أو قفلت عيني عن حق واحد فيكم.
مسحت دموع أمي وبست إيدها، وعرفت إن الأزمة دي بالرغم من قسۏتها، كان لازم تحصل.. عشان كل واحد يعرف مقامه، وعشان الجهل والطمع ينكشفوا ويروحوا لحالهم.
ومن اليوم ده.. رجع الهدوء يسود العمارة.
العيال طارت، والهرش راح، وصوت السلم رجع فاضي وساكن. ابني ياسين بقيت أحطه في سريره ينام ملء جفونه بالست والتمن ساعات من غير ما صحية صړخة ولا خبطة باب.
وقفت في
بلكونة شقتي بالليل، وبصيت على الشارع الهادي، وابتسمت لنفسي.. عرفت إن الست لما تدافع عن بيتها وراحة ابنها بعقل ودكاء، بتقدر ترجع حقها حتى لو كان الدنيا كلها واقفة
ضدها.
النهاية.
