قرار صادم منال علي

لو جوزك بعد 8 سنين جواز، وفجأة سألك معاكي كام محوشة؟… هتجاوبي ولا هتحسي إن في حاجة مستخبية ورا السؤال؟!
الجمعة اللي فاتت كانت المفروض يوم عادي جدًا… حكايات منال علي
صحيت بدري، حضرت الفطار، وصحّيت آدم بالعافية عشان يلبس وينزل يلعب شوية قبل ما نخرج. البيت كان هادي، وأنا بعمل الشاي، ولقيت جوزي داخل المطبخ، باين عليه إنه بيفكر في حاجة.
بصلي وهو بياخد الكوباية من على الرخامة وقال بهدوء غريب
هو إنتِ وفرتي كام من ساعة ما اشتغلتي؟
رفعت عيني وبصيتله باستغراب.
ليه بتسأل؟
ابتسم ابتسامة خفيفة وقال
بسأل عادي.
مستغربة… لأن طول عمره عمره ما سألني عن فلوسي، ولا حتى عرف مرتبي بينزل إمتى. عمره ما كان من النوع اللي بيفتش ورايا أو يحاسبني.
قلت وأنا بكمل تقليب الشاي
يعني… حوالي ألفين جنيه.
سكت ثانية، وبعدها سألني السؤال اللي خلاني أحس إن قلبي اتقبض.
موجودين في حسابك… ولا مخبياهم كاش؟متوفره على روايات واقتباسات
بصيتله أكتر.
إيه أهمية يعرف الفلوس فين؟
بس مردتش أكبر الموضوع.
قولت
في الحساب.
هز راسه وقال
حلو.
وسكت.
بس أنا… من اللحظة دي، مبقتش مرتاحة. حكايات منال علي
إحنا متجوزين بقالنا تمان سنين.
اتجوزنا وإحنا لسه في بداية حياتنا، لا هو كان معاه كتير، ولا أنا.
ولما آدم جه بعد تلات سنين جواز، قعدنا نتكلم كتير.
هو كان شايف إن وجودي جنب ابننا أهم من أي شغل.
وقاللي وقتها
أنا

هتعب وأشتغل… وإنتِ خليكي مع ابننا. فلوس تتعوض… لكن طفولته لأ.
وافقت.
وسبت شغلي.
خمس سنين كاملة.
خمس سنين كل يوم بصحى بدري، أطبخ، أنضف، أربي، أذاكر، وأدير البيت كله.
وكان هو بيتحمل كل المصاريف.
أكيد مرت علينا أيام صعبة.
كان آخر الشهر بيبقى تقيل.
وساعات كنا نستلف لحد القبض.
لكن عمره ما حسسني إني حمل.
وعمره ما قال كلمة تضايقني.
ولما آدم دخل المدرسة السنة دي، حسيت إن الوقت جه أرجع أشتغل.
لقيت شغل بارت تايم قريب من البيت.
مرتب خمسة آلاف جنيه.
يمكن ناس كتير تشوفه مبلغ بسيط.
بس بالنسبة ليا…
كان أول مرة من سنين أحس إن ليا فلوس باسمي.
لما قبضت أول مرتب…
اشتريت لآدم شنطة كان نفسه فيها.
وجبت لماما هدية صغيرة.
وجبت لنفسي برفان كنت واقفة قدامه بقالي سنة كاملة ومش قادرة أشتريه.
وحوشت الباقي.
مش عشان بخبي.
لكن عشان لأول مرة أحس إن عندي أمان.
لو حصل ظرف.
لو احتجت حاجة.
لو آدم تعب فجأة.
يبقى معايا كام جنيه ينفعوني.
جوزي يومها حضڼي وقال
مبروك يا حبيبتي… ربنا يباركلك.
فرحت جدًا. حكايات منال علي
وقلت لنفسي إن الدنيا ابتدت تضحكلنا.
لكن مع مرور الأسابيع…
كلامه بدأ يتغير.
كل شوية يرمي جملة.
ما إحنا بقينا اتنين بنشتغل.
أكيد هتساعديني.
الحمل لازم يتقسم.
وكنت كل مرة أقول
طبعًا… ده بيتنا.
لحد ما جه اليوم اللي غير كل حاجة.
رجع من الشغل، دخل الأوضة، وبعد العشا طلع كشكول قديم.
فتحه قدامي.

ولقيت كل مصاريف البيت مكتوبة بالتفصيل.
الإيجار.
الكهربا.
الغاز.
النت.
الأكل.
المدرسة.
حتى طلبات المنظفات.
كل حاجة.
قعد يحسب بالألة الحاسبة، وبعدها بصلي بمنتهى الجدية.
وقال
أنا حسبتها كويس.
ابتسمت وسألته
حسبت إيه؟
قال
من الشهر الجاي… إنتِ هتدفعي 3 آلاف جنيه كل شهر.
افتكرته بيهزر.
ضحكت.
إيه؟
قال بنفس الجدية
تلات آلاف.
الابتسامة اختفت من وشي.
قلت بهدوء
بس مرتبي خمسة آلاف.
قال
عارف.
طب والمواصلات؟
هتتصرفي.
ومصاريف الشغل؟
قلليها.
ولو احتجت حاجة؟
رفع كتفه وقال
كلنا بنضحي.
سكت شوية.
وبعدين قلت
أنا معنديش أي مشكلة أشارك في مصاريف البيت… بالعكس، ده واجبي. لكن المبلغ كبير. نبدأ بألف وخمسمية مثلًا، ولما نقعد نحسب كل حاجة سوا نزوده.
وشه اتغير فجأة.
وقال بنبرة ناشفة
لا.
بصيتله وأنا مش مصدقة.
ليه؟
قال
لأن مش من العدل إني أفضل شايل أغلب المصاريف… وإنتِ كل شهر بتحوشي فلوس لنفسك.
حسيت إن الكلام وجعني.
مش عشان الفلوس…
لكن لأنه أول مرة يحسسني إن تعبي في البيت السنين اللي فاتت… ملوش قيمة.
فضلت ساكتة.
وهو قام دخل ينام.
لكن أنا…
قعدت في الصالة لوحدي.
أبص على الكشكول.
وأبص على الألفين جنيه اللي كنت فرحانة بيهم.
وفجأة…
افتكرت حاجة.
من كام يوم…
حماتي كانت بتكلمني في التليفون.
وقالتلي جملة وقتها عدّيتها من غير ما أفكر فيها. متوفره على روايات واقتباسات
لكن دلوقتي…
الجملة رجعت ترن
في ودني كأنها ناقوس خطړ.
قالتلي وقتها وهي بتضحك
خلي بالك من فلوسك يا بنتي… أصل ابننا داخل على خطوة كبيرة، وهيحتاج كل جنيه.
وقتها

افتكرتها بتهزر.
لكن بعد اللي حصل…
بدأت أسأل نفسي…
يا ترى إيه هي الخطوة الكبيرة اللي جوزي بيحضر لها من ورا ضهري؟
فضلت طول الليل مش قادرة أنام.
كل ما أغمض عيني، أفتكر كلامه وهو بيقول بمنتهى البرود
مش من العدل إني أشيل أغلب المصاريف وإنتِ بتحوشي.
والأكتر من كده…
كلام حماتي.
ابننا داخل على خطوة كبيرة… وهيحتاج كل جنيه.
الكلمتين فضلوا يلفوا في دماغي.
يا ترى إيه الخطوة دي؟
هو ناوي يشتري عربية؟
ولا داخل في مشروع؟
ولا في حاجة مستخبيّة عني؟
تاني يوم صحيت، وروحت شغلي، لكن عقلي كان في حتة تانية.
ولما رجعت البيت، لقيته قاعد في الصالة ماسك اللاب توب.
أول ما شافني قفله بسرعة.
يمكن لو ده حصل قبل كده، ماكنتش هاخد بالي.
لكن بعد اللي حصل…
أي تصرف بقى يخليني أشك.
استنيت لحد ما دخل ياخد دش.
ولقيت اللاب مفتوح.
مكنتش من النوع اللي يفتش.
عمري ما فتحت موبايله ولا قلبت في حاجته.
لكن ساعتها كنت محتاجة أفهم.
بصيت على الشاشة…
ولقيت ملف مفتوح بعنوان
مقدم شقة.
حسيت إن قلبي وقف.
فتحت
الملف.
ولقيت جدول أسعار لشقق في منطقة جديدة.
ومكتوب تحتها مبلغ المقدم المطلوب.
قفلت اللاب بسرعة قبل ما يخرج.
فضلت قاعدة مكاني.
هو بيفكر يشتري شقة؟
طيب ليه مخبي؟
وليه محتاج يعرف معايا كام؟
وليه مصمم ياخد 3 آلاف من مرتبي؟
لما خرج من الأوضة، قلتله بهدوء
ممكن أسألك سؤال؟
قال
اتفضلي.
قلت
إنت ناوي تشتري شقة؟
اټصدم.
واضح إنه ماكنش متوقع إني أعرف.
سكت شوية…
وبعدين قال
أيوه.
استنيت يكمل.
قال وهو بيقعد قدامي
أنا بقالي سنتين بحوش من غير ما أقولك.
بصيتله باستغراب.
قال
نفسي أطلع من الإيجار.
نفسي يبقى عندنا بيت باسمنا.
كل شهر بدفع إيجار، وحاسس إن الفلوس بترمي في الأرض.
قلت
طب ما قلتليش ليه؟
تنهد وقال
لأني كنت خاېف.
كل مرة كنت أقولك هنحوش… كان بيطلع ظرف.
مرة مدرسة آدم.
مرة علاج بابا.
مرة الأجهزة باظت.
فقررت أحوش في هدوء لحد ما أتأكد إننا قربنا.
سكت شوية…
وأضاف
ولما إنتِ اشتغلتي… حسيت إن الحلم بقى أقرب.
قلت وأنا ببصله
يعني ال آلاف دي… عشان الشقة؟
هز راسه.
أيوه.
قولت
حكايات منال علي
طب ليه مقولتليش الحقيقة؟
رد بصوت واطي
لأني كنت فاكر إنك هترفضي.
ابتسمت بحزن.
رفض إيه؟ حكايات منال علي
إحنا عمرنا اختلفنا على بيتنا.
أنا اللي زعلني… إنك حسستني إنك بتحاسبني على فلوسي.
سكت.
وبعد ثواني…
قال أول كلمة اعتذار سمعتها منه في الموضوع كله.
معاكي حق.
أنا غلطت.
كنت مضغوط، وفكرت بالأرقام، ونسيت مشاعرك.
قعدنا بعدها نحسب كل حاجة من أول وجديد.
طلع إن بعد مواصلاتي ومصاريف الشغل، ال آلاف فعلًا هيخلوني مش معايا أي مساحة لنفسي.
فاتفقنا على 1500 جنيه في الشهر.
ولو ربنا كرمنا وزاد دخلي، نزود المبلغ بمزاجنا.
ولأول مرة من يوم ما اشتغلت…
حسيت إننا فريق واحد.
مش حد بيحاسب التاني…
ولا حد بيخبي على التاني.
بعد أسبوع…
جابلي ملف صغير.
وقال وهو بيبتسم
بصي.
فتحته…
لقيت ورقة مكتوب فيها
خطة شراء بيتنا.
وفي أول سطر…
كل قرار مالي… لازم يكون بموافقة الاتنين.
وقتها عرفت… حكايات منال علي
إن المشكلة عمرها ما كانت في الفلوس.
المشكلة
كانت في إن كل واحد فينا كان بيفكر لوحده…
ونسي إن البيت بيتبني بالمصارحة قبل ما يتبني بالطوب والأسمنت.
تمت.