روايات_مشيره_محمد
فضلت واقفة في نص الصالون وببص لجلال من غير ما أنزل عيني من عليه رغم إن قلبي كان بيدق بسرعة من الخۏف
جلال قرب مني وهو ماسك عصايته وقال بصوت كله ڠضب
أنا سألتك سؤال وعايز إجابة حالًا الطفل ده ابن مين
رديت عليه بهدوء
ابنك يا جلال
ضحك ضحكة عصبية وقال
ابني إزاي وإنتي عارفة إني مش بخلف من أكتر من عشرين سنة
بصيت لنوال أخته وقلت
هو إنت متأكد إنك مش بتخلف يا حاج جلال ولا فيه ناس طول السنين دي كانت بتكدب عليك
وش نوال اتغير في لحظة لكنها حاولت تداري ارتباكها وقالت
إنتي اټجننتي يا بنت إنتي جاية تتهمينا بالكذب كمان
قلت لها
أنا لسه ما اتهمتش حد لكن واضح إن فيه حد خاېف من الحقيقة
مدحت قام من مكانه وقال بعصبية
كفاية كلام فاضي يا جلال لازم تطردها من البيت دي واحدة مش محترمة
جلال رفع إيده عشان يسكت الكل وبصلي وقال
إنتي هتفضلي هنا لحد ما نعرف الحقيقة لكن ممنوع تخرجي من البيت أو تكلمي أي حد من بره
قلت له
إنت ممكن تمنعني من الخروج لكن مش هتقدر تمنع الحقيقة إنها تظهر
ضحك رؤوف بسخرية وقال
واضح إنك فاكرة نفسك بطلة فيلم
بصيت له وقلت
لأ يا رؤوف أنا واحدة
اتظلمت كتير وساكتة لكن سكوتي خلص
طلعت من الصالون وأنا سامعة صوت نوال وهي بتقول لجلال
لازم تتصرف بسرعة قبل ما الموضوع يكبر
دخلت أوضتي وقفلت الباب وطلعت الموبايل من درج التسريحة.
كان عندي رقم واحد بس مستنياه يرد عليا.
رقم الدكتور فؤاد السيوفي.
الدكتور فؤاد كان طبيب المسالك اللي تابع حالة جلال من سنين طويلة وكان هو الوحيد اللي يقدر يوضح الحقيقة الطبية.
كنت وصلت له عن طريق ممرضة قديمة كانت شغالة في المستشفى اللي جلال اتعالج فيها.
اتصلت بيه مرة واتنين لحد ما رد.
قلت بسرعة
دكتور فؤاد أنا محتاجة أقابلك ضروري
قال بقلق
إنتي مرات الحاج جلال؟
قلت
أيوه وأنا حامل منه
سكت شوية وبعدين قال
يبقى لازم نتقابل بكرة الصبح لأن فيه حاجات لازم تعرفيها قبل ما الموضوع يوصل لمرحلة أخطر
قلبي اتقبض وسألته
إيه الحاجات دي يا دكتور؟
قال
مش هينفع أشرح في التليفون تعالي العيادة الساعة عشرة ومعاكي أي تحاليل عندك
قفلت معاه وأنا حاسة إن فيه مصېبة أكبر مستخبية ورا الكلام ده.
تاني يوم الصبح صحيت بدري وحاولت أخرج من البيت لكن لقيت مدحت واقف عند الباب.
قال لي
رايحة فين؟
قلت
عندي معاد مع
الدكتورة
قال
إنتي مش هتخرجي من هنا غير بإذن جلال
قلت له
أنا حامل ومحتاجة أتابع حملي
ضحك وقال
إحنا لسه مش متأكدين إن الحمل ده حقيقي أصلًا
بصيت له باستغراب وقلت
إنت كمان هتنكر التحاليل؟
قال بټهديد
اسمعي الكلام أحسن لك
رجعت أوضتي وفضلت أفكر إزاي أوصل للدكتور.
بعد حوالي ساعة سمعت خبط على الباب.
كانت صفية مديرة البيت ست كبيرة في السن وطيبة وكانت بتتعامل معايا بحنية من أول يوم.
دخلت وقفلت الباب وراها وقالت بصوت واطي
يا بنتي أنا سمعت اللي حصل امبارح وقلبي مش مطاوعني عليكي
قلت لها
أنا محتاجة أخرج يا صفية ومحدش راضي يسيبني
قالت
أنا هساعدك بس لازم تعرفي إن فيه حاجات في البيت ده محدش بيتكلم عنها
بصيت لها وقلت
زي إيه؟
اترددت شوية وبعدين قالت
الحاج جلال من حوالي ست شهور كان تعبان جدًا وراح المستشفى لوحده وعمل عملية محدش يعرف عنها حاجة غير أخته نوال ومدحت
سألتها بسرعة
عملية إيه؟
قالت
مش عارفة بالظبط بس سمعت نوال وهي بتكلم مدحت وبتقول له إن العملية دي لو نجحت كل حاجة هتتغير
حسيت إن كلامها مرتبط باللي الدكتور عايز يقولهولي.
قلت لها
صفية أنا لازم أقابل الدكتور فؤاد
النهارده
فكرت شوية وبعدين قالت
فيه باب جانبي ورا المطبخ بيطلع على الشارع الخلفي
