علقتها في الدولاب لقيت ريحة غريبة طالعة منها. في الأول افتكرت إن حد وقع عليها حاجة في الفرح، لكن لما قربت منها لقيت حاجة صغيرة متعلقة في طرف البطانة. قالت وهي بتشاور على القطعة لما حاولت أشيلها، لقيت البطانة مفتوحة من جوه، وفيه حاجة محشورة بين طبقتين القماش. قلت حاجة إيه؟! ردت كانت قطعة شاش ملفوفة، وفيها بقايا حاجة عضوية ريحتها وحشة، وعليها بيض حشرات صغير. حسيت إن معدتي اتقلبت. قلت يعني إيه؟! مين يعمل كده؟! كريمة بصتلي بحزن وقالت أنا أول ما شفتها اټخضيت، وحاولت أنضف العباية، لكن البيض كان دخل في الخياطة، ولما بدأت الحشرات تفقس، فضلت تظهر تاني حتى بعد الغسيل. بصيت للصندوق اللي تحت السرير. قلت واللي في الصندوق ده إيه؟! قالت دي عينات من الحشرات اللي طلعت من القماش، احتفظت بيها عشان أوديها لمعمل وأعرف نوعها، وأثبت إن الموضوع مش مجرد وساخة أو حاجة وقعت على العباية. بصيت لها وأنا مش مستوعبة. قلت طب ما قولتيليش من الأول ليه؟! كريمة نزلت عينيها للأرض وقالت كنت خاېفة. قلت باستغراب خاېفة من إيه؟!
قالت خاېفة أقولك فتفتكري إني أنا اللي عملت كده، وخاېفة أقول لماما فتقلب الدنيا، وخاېفة أتهم حد من غير دليل. سكتت شوية، وبعدها قالت بس فيه حاجة تانية لازم تعرفيها. حسيت إن قلبي وقع في رجلي. قلت إيه تاني؟! كريمة قامت وراحت ناحية الكومودينو، وفتحت الدرج وطلعت منه موبايل قديم. فتحته وبدأت تدور في الصور، وبعد لحظات مدتلي الموبايل. قالت شوفي الصورة دي. مسكت الموبايل، ولقيت صورة للعباية بتاعتي متعلقة في أوضة كريمة، لكن الصورة كانت متاخدة قبل ما أديها لها أصلا. بصيت لها باستغراب. قلت إيه ده؟! إنتي صورتيها إمتى؟! قالت الصورة دي مش أنا اللي مصوراها. قلت أمال مين؟! قالت الموبايل ده كان بتاع بابا، وبعد ما جاب موبايل جديد، سابه في درج مكتبه. من كام يوم كنت بدور على صورة قديمة ليا، وفتحت الموبايل بالصدفة، لقيت الصور دي. قلبت الصور، ولقيت كذا صورة للعباية من زوايا مختلفة، وفي صورة قريبة جدًا من طرفها الداخلي. كان واضح إن حد مركز على مكان معين في العباية. سألتها مين اللي صور الصور دي؟! قالت معرفش، بس الصور
متاخدة من كاميرا الموبايل، والتاريخ بتاعها قبل ما أطلب منك العباية بيومين. حسيت ببرودة غريبة في جسمي. قلت يعني حد كان عارف إنك هتستلفيها مني؟! كريمة هزت راسها وقالت أو حد كان عايز العباية دي بالذات. فضلت أبص للصور، وفجأة لاحظت إن فيه صورة ظاهر فيها جزء من إيد الشخص اللي ماسك الموبايل. كانت إيد ست، وفي صباعها خاتم دهبي عريض عليه فص أخضر. رفعت عيني لكريمة. قلت إنتي تعرفي الخاتم ده؟! وشها اتغير فجأة، وفضلت ساكتة. قلت بحدة كريمة، ردي عليا. قالت بصوت مرتعش أيوه. قلت مين صاحبته؟! ردت بعد تردد ماما. حسيت إن الأرض بتلف بيا. قلت إيه؟! أمك؟! حماتي؟! قالت بسرعة استني يا خديجة، متحكميش عليها قبل ما نفهم. ممكن تكون صورة قديمة أو حد كان ماسك الموبايل وهي واقفة جنبه. رجعتلها الموبايل وقلت أنا مش هتهم حد ظلم، بس لازم أفهم اللي بيحصل. في اللحظة دي سمعنا صوت خطوات بره الأوضة. كريمة اتوترت، وخبت الموبايل بسرعة. الباب اتفتح، ودخلت حماتي وهي بتقول إنتوا لسه صاحيين لحد دلوقتي؟! بصتلي وبعدين بصت لكريمة. قالت خير
يا خديجة؟ إنتي نازلة في الوقت ده ليه؟! ابتسمت بالعافية وقلت كنت بسأل كريمة على حاجة يا ماما. حماتي بصت ناحية السرير، وبعدين عينها وقعت على الصندوق اللي جزء منه كان ظاهر. وشها اتبدل. قالت بعصبية إيه اللي تحت السرير ده؟! كريمة وقفت قدامها بسرعة وقالت مفيش يا ماما، حاجات قديمة. حماتي زقتها بعيد وراحت تسحب الصندوق. صړخت كريمة متلمسيهوش! الصندوق اتزحلق ووقع على الأرض، والغطا اتفتح، وانتشرت الحشرات على البلاط. حماتي صړخت ورجعت لورا، وأنا رجعت خطوتين من المنظر. قالت حماتي وهي بتبص لكريمة إنتي جايبة القرف ده في أوضتي؟! إنتي اټجننتي؟! كريمة كانت بټعيط. قالت مش في أوضتك يا ماما، دي أوضتي، وبعدين الحشرات دي من العباية. حماتي بصتلي بحدة. قالت عباية إيه؟! حكيتلها بسرعة اللي حصل، من أول ما كريمة استلفت العباية لحد ما لقيت الدود عليها. لكن الغريب إن حماتي بدل ما تستغرب أو تسأل، بصت لكريمة وقالت أنا مش قلتلك متفتحيش الموضوع ده تاني؟! سكتنا كلنا. أنا بصيت لكريمة، وكريمة بصت لأمها. قلت يعني إنتي عارفة يا ماما؟! حماتي اتلخبطت، وحاولت
تتدارك كلامها. قالت أنا عارفة إيه؟! أنا قصدي إنها متقرفش نفسها بالحشرات دي. كريمة قربت منها وقالت لا يا ماما، إنتي قلتي متفتحيش الموضوع ده تاني، يعني إنتي عارفة حاجة. حماتي زعقت إنتي هتستجوبيني في بيتي؟! قلت بهدوء رغم إن قلبي كان بيغلي محدش بيستجوبك يا ماما، بس دي عبايتي، واللي حصل فيها مش طبيعي، وأنا من حقي أعرف مين اللي عمل كده. حماتي بصتلي بنظرة غريبة وقالت خديجة، إنتي مرات ابني، وأنا عمري ما أذيتك، فبلاش تدخلي نفسك في حكايات ملهاش لازمة. الكلام ده بدل ما يطمني، خلاني أشك أكتر. سألتها طيب مين اللي صور العباية قبل ما كريمة تستلفها؟! وشها اصفر. قالت إنتي بتقولي إيه؟! طلعت الموبايل القديم من إيد كريمة ووريتهولها. أول ما شافت صورة الخاتم، حاولت تاخد الموبايل مني. لكن كريمة سحبت إيد أمها وقالت لا يا ماما، المرة دي لازم نفهم. حماتي سكتت، وبعدين قعدت على السرير وفضلت تفرك إيديها في بعض. بعد لحظات قالت أنا مش اللي حطيت حاجة في العباية. قلت أمال مين؟! رفعت عينيها وقالت نوال. استغربت الاسم. قلت نوال مين؟! قالت بنت خال
جوزي، اللي كانت بتيجي عندنا من فترة. كريمة قالت نوال؟! إيه اللي ډخلها في الموضوع؟! حماتي اتنهدت وقالت قبل الخطوبة بأسبوع، نوال جت عندي، وكانت بتسأل عن هدوم خديجة، وخصوصًا العباية اللي اشتريتيها من فترة. قلت باستغراب هي تعرف عبايتي منين؟! قالت حماتي كانت شافتها عليكي يوم العيد، وعجبتها جدًا. قلت وبعدين؟! قالت كانت بتسأل إذا كنتي هتلبسيها في مناسبة قريبة، ولما قلتلها إنك بتحبيها ومش بتطلعيها غير في المناسبات، قالتلي إنها عايزة تشوفها. حسيت إن الموضوع بيكبر. قلت وإنتي وريتيها العباية؟! حماتي نزلت عينيها وقالت أيوه. كريمة شهقت إنتي إزاي تعملي كده من غير ما تقولي لخديجة؟! حماتي ردت بعصبية ما كنتش أعرف إنها هتعمل كده! قلت عملت إيه يا ماما؟! حماتي فضلت ساكتة شوية، وبعدها قالت نوال كانت بتكرهك. استغربت. قلت پتكرهني ليه؟! أنا معرفش بيني وبينها حاجة. قالت هي كانت شايفة إنك أخدتي مكانها في العيلة. ضحكت بمرارة وقلت مكانها إيه؟! أنا اتجوزت حسام، وهي مالها بيا؟! حماتي قالت نوال كانت نفسها تتجوز حسام من زمان، وكانت متأكدة إن
