مفهوم ي فندم عن أذنك.
لف بكرسي المكتب للشباك إلا بيطل ع النيل ورجع رأسه لورا وهو بيفكر فيها بشرود.
ليه ي وعد ليه أختفيتي بالشكل دا دخلتي حياتي يومين بس عملتي فيا حاجات كتير معقوله أكون حبيتك بالسرعة دي وتعلقت بيكي !
لأول مرة أحس أنه مش فارق معايا أي حاجة غير وجودك ولا حتي أعرف سبب جوزنا يكفيني وجودك معايا بس أنا بجد حبيتك.
فاق ع خبط الباب.
عدل الكرسي أدخل.
بخوف أيوا ي فندم ح حضرتك طلبتنى أنا عملت ايه.
البيانات إلا قولتلك جمعيها عن وعد فين.
حضرتك لسه طالب مني دا أمبارح !
بعصبية وقف والمفروض سيادتك أطلبهم بعد قد أيه.
أسفة ي فندم مقصدش بس حضرتك عارف التقارير دي بتاخد وقت علشان بتبقي بسرية.
قاطعها بنرفزة أنا مش عاوز محاضرات كلمي حد من فرع إسكندرية يجيلي حالا وشخص كمان من الفيلا إلا هناك يكونوا عندي هنا في أسرع وقت مفهوم !
تحت أمرك ي فندم.
يالا أنتي لسه واقفة !
خرجت بسرعة بخوف وكل الشركة مستغربين عصبيته الزيادة دي ع غير العادي.
أفتح تلفونك بقي أوف.
فجأة وقف حمزة وكأنه أفتكر حاجة انا أزاي نسيت حاجة زي دي هي أكيد هناك.
خد مفتاح عربيته وتلفونه وخرج بسرعة من الشركة.
في نفس الوقت ع الكورنيش.
بحزن وبعدين هعمل ايه ياريتني كنت غبت وقتها وارتحت ي رب انت العالم بيا أنا مليش حد غيرك.
أنا ولا عرفت أخد حقي ولا قدرت اكمل حياتي أنا عايشة حتي المهنة إلا حبيتها بقيت حاسة أنها السبب في كل إلا حصلي كرهتها وكرهت حياتي.
بصت ع المية وهي بتلمع من شعاع الشمس الذهبي عليها برقة يمكن لو غبت كل مشاكلي دي تختفي سامحنى ي ربي بس قفلت في وشي من كل ناحية ياريتني كنت هقدر أشوفه قبل ما أغيب بس مفيش نصيب.
بصت حوليها بحذر. وبصت للمية تاني بخوف مسكت شنطتها ورمتها في المية وبدأت تطلع ع الكوبري وهي بتترعش غمضت عينيها.
فتحت عينيها وبصدمة أنت !
مسكت شنطتها ورمتها في المية وبدأت تطلع ع الكوبري وهي بتترعش غمضت عينيها.
فتحت عينيها وبصدمة أنت !
أنتي مجنونة كنتي هتغامري !
قامت وهي بتتوجع من رجليها وبعصبية أنت أزاي تستجرأ وتعمل كدا أنا بعرف أعوم ع فكرة.
أنتي فاكرة النيل دا بانيو بيتكم ولا أيه شكلك مجنونة بجد ومحتاجة تتعالجي.
بغضب وأنت مال أمك حد كان عينك واصي عليا !
أييه أمي !
لاحظت غضبه ااا قصدي يعني هي مالها كويسة ولا أيه.
أنا كنت عارف أني مش هخلص من لسانك الوقح دا بس مكنش ينفع أمشي بجد وأسيبك.
لفت وشها للنيل وضهرها ليه في مشاكل مبيحلهاش غير الرجوع البحر دا صاحبي من زمان في كل مشكلة بيسمعني الوحيد إلا لما بجيله مبخفش من قربه كان نفسي زي ما الشمس دي.
ي ربي دي شكل دماغها ضاربة خالص طب تعالي معايا ع البيت شويه وبعدين نتكلم كل حاجة ليها حل.
ألتفتت وبغضب رفعت إيديها مسكها بسرعة ولواها أنتي لسان دبش وقولنا ماشي إنما إيد طويلة كمان لأ كدا كتير.
سيب إيدي ي قاسي أنا بكرهم.. كلكم وقحة زي بعض عاوزني أجي معاك البيت هو أنا أيه مكتوب ع وشي علامة النجوم !
أنا لتاني مرة أندم أني كلمتك ورجعتلك أنا عاوز إلا يدينى بالجزمة علشان عبرتك أساسا.
شاطر يالا غور بقي ومتغلطش تاني حاول تتعلم من غلطك.
بص في عيونها بغض ومشي لاحظت أثر نازل ع جزمته.
أنت ياا.
وقف وبصلها خير نسيتى حاجة تانية عاوزة تقوليها.
أنت رجلك بتنزل أثر !
بص ع رجله وبعدها رفع رأسه ليها وأنتي مالك بتتحشري في إلا ملكيش فيه ليه.
رفعت حاجبها بستنكار مش من سواد عيونك أنت شكلك تعبان وأنا السبب في دا لما وقعت عليك.
الحمد لله لسه فيكي حاجة شغالة.
قصدك ايه.
مفيش شكرا ع ملاحظتك سند ع عكازه ومشي خطوتين.
مشيت وراه وبعصبية وقفت قدامه أنت فاكر نفسك أيه علشان تكلمنى كدا مسكت دراعه وقعدته رفعت رجله ع مقعد الكورنيش ورفعت البنطلون شويه أيه دا أنت مركب دعامة.
بغضب كامن أيوا.
أنت لازم تروح لمستشفي أو دكتور علشان في جرح أتفتح معاك شنطة إسعافات وأي شاش أربطلك الجرح.
هو أنتي كنتى هتغامري ليه.
نزلت عينيها بحزن وبعدها سكتت.
أنا إسلام.
ماشي.
هو أيه الا ماشي !
عرفت إنك إسلام أعمل ايه يعني.
خد نفس بعصبية متعمليش أنا إلا عاوز أعرف عملت ايه في حياتي علشان أصطبح بوش واحدة زيك.
رفعت حاجبها تصدق أني غلطانة لما فكرت أساعدك.
بقلمي فاطمة إبراهيم.
في الوقت دا جه شخص وقف قدامهم.
أهي كملت عاوز أيه أنت كمان.
ما تتهدي بقي بص ع الراجل في حاجة ي أحمد.
ساعتين المشي خلصوا يا بشمهندس تحب تفضل شويه كمان ولا نمشي.
بص ل وعد وبعدها قال لأ أنا بقول نروح أحسن الجو النهاردة يعكر المزاج عن أذنك ي ااا ولا خلاص مش ضروري أعرفه لتفتحيلي مرشح في دي كمان سلام.
رجعت وقفت ع النيل تاني حتي الإنت حار فاشلة فيه مخسرتش غير شنطة هدومي يعنى لا بيت ولا هدوم ولا فلوس مشفتش في حظي.. بصت ع الشنطة بحزن لقتها عايمة ع وش المية حتي أنتي سبتينى ومشيتي.
بقلمي فاطمة إبراهيم.
فجأة لقت إيد بتتمد بفلوس قدامها.
لسه هتتكلم قاطعها بسرعة بصي من الأخر كدا أنا مكنتش هاجي بس انتي شنطتك وقعت وأكيد مش هتعرفي تروحي فقولت أجي أديكي الفلوس دي.
أنت شكلك محترم.
ياااه أخيرا طلعتي كلمة عدلة !
معلشي بس أنت إلا نرفزتني.
دا إلا هو أنا !
ايه أنا كدابة يعني !
لا لأ خلاص أيوا أنا إلا نرفزتك أنا أسف.
بإبتسامة ممكن أطلب منك طلب.
أتفضلي.
عاوزة مكان ميكنش غالي أسكن فيه تعرف تقولي ألاقي فين.
معاكي كام يعنى ولا عاوزاه في حدود كام.
مش عارفه أنا مش معايا فلوس أصلا.
ضحك أمال بتقولي أي كلام وخلاص طب تعالي معايا وأنا هتصرف.
استني هنا معاك على فين !
ع البي.. أحم ع مكان ترتاحي فيه شويه لحد ما أشوفلك سكن إلا أنتي عاوزاه.
اه إذا كان كدا ماشي.
ي سلام فرقت كتير ما أنا كنت بقول كدا من الأول أتفضلي.
في الفيلا.
في أيه ي حمزة رجعت تاني ليه.
سحر أنتي قولتيلي وعد لما جت أول مرة كانت مع مين.
مع سواق جدك يابني ليه حصل حاجة !
هو فين.
في إسكندرية لما جدك بيسافر بيفضل هناك.
طيب خليهم يحضرولي العربية هسافر دلوقتي.
في ايه بس البت دي سرقة حاجة !
بحزن أيوا ي سحر هي فعلا سرقة قلبي.
3
ها !!
بحزن مسك إيديها دادة أنتي عارفة أنا بحبك قد أيه صح.
أيوا طبعا ي حبيبي ليه بتقول كدا.
هسألك ع حاجة وتحلفي تحاوبيني بصراحة.
في أيه ي.
حمزة أنا من أمتي بخبي عليك حاجة.
هو جدي مسافرش صح هو بيكلمك مش كدا.
دارت عيونها بحيرة وأنا هعرف منين يابني بس.
وقف قدامها بدموع دادة أنا عمري ما كنت تعبان كدا وحاسس أني تايه وعد هربت مني علشان فاكرة أني بكرها ومستنى جدي ييجي علشان أطلقها بس أنا حبيتها بجد وعاوزها ترجع أكيد جدي عارف مكانها او ممكن تكون راحت عنده لو تعرفي حاجة علشان خاطري قوليلي.
أأ أنا هو يعني.
قولي ي دادة أبوس إيدك.
هو منبه عليا مقولكش يابني غصب عني.
طب بصي قوليلي وأنا أوعدك مش هيعرف حاجة صدقيني.
أنا معرفش حاجة والله هي يوم ما جت هنا جدك كلمني من رقم غريب وقالي أوعي حمزة يعرف بالرقم دا وهبقي أكلمك عليه علشان أتابع معاكى إلا بيحصل مع الولاد بس دا كل إلا إلا حصل والله.
طب هو مقالكيش هو فين !
أبدا والله ما حصل دا حتي بعد ما وعد مشيت من هنا بطل يرن عليا أنا أول مرة اعرف أنها كانت معاك منك دلوقتي.
طيب هاتيلي الرقم.
ح حاضر هديهولك وأمري لله أنا أهم حاجة عندي تكون مبسوط.
بسرعة ي دادة الله يخليكي.
أهو هو الرقم دا.
مسكه حمزة وبسرعة رن عليه بس كان مغلق حاول كتير بس برضو بدون أي فايدة رمي التلفون في الأرض بعصبية وقعد ع الكرسي وهو حاسس بتعب جامد.
بعياط مسكت إيده مالك ي حبيبي رد عليا ي حمزة.
قام علشان يخرج فجأة وقع ع باب الفيلا مغمي عليه بسرعة الحرس طلعوه أوضته وطلبوله دكتور.
بقلمي فاطمة إبراهيم.
بعد ساعة.
خير ي دكتور طمني عليه.
متقلقوش ضغطه أرتفع فجأة بس هو أكل حاجة أنهاردة.
بحزن معرفش.
أنفعل زيادة عن اللزوم ومن غير ما ياكل أثر عليه المهم دي شويه فيتامينات ولازم الراحة ويبعد عن أي توتر الفترة دي عن أذنكم.
أتفضل ي دكتور.
ألف سلامة عليك ي حبيبي كدا توجع قلبي عليك.
متخافيش أنا كويس.
كان بيحاول يقوم.
ايه دا أنت رايح فين !
