يظهر أنك لسه متعرفش نفسك ي حمزة مش حمزة الخوري إلا يدخل البيت وأخوه متبهدل كدا وبكل بساطة يطلع أوضته ولا كأن حاجة حصلت
ظهر عليه التوتر فبصله وسكت
شوفت كلامي طلع صح أزاي لا أنت ولا هو تقدروا تخبوا عني حاجة مهما حاولتوا والعبيط التاني قال جاي يقولي حرامية كانوا عايزين يسرقوني فتخانقت معاهم فكريني ايه عيل قدامكم هتضحكوا عليه بكلمتين
العفو ي جدي أكيد منقصدش بس أنا مرضتش أقولك عشان متزعلش وأنت عارف كويس أني مستحيل أعمل كدا بدون سبب
ودا إلا أنا بعتلك عشانه عمل ايه علشان تعمل فيه كل دا شوفت أنت أول حاجة فكرت فيها أيه.. قولي أنا المفروض كنت أتصرف أزاي وقتها لو كان البوليس وصل قبلي كان زمانه واخدله إعدام من أول حكم
بدوخه قعد ع الكرسي وهو مش قادر ياخد نفسه
جدي.. جدي أنت كويس
بصوت مخلوط في البكاء أنا السبب في كل دا أنا السبب
اهدي ي جدي محصلش حاجة من إلا أنت فاكرها إلا عمل كدا واحد صاحبه مش هو
أنت عرفته !
أيوا وزمانه بياخد حسابه دلوقتي
يعني ايه !!
دكتور تبعي بيظبطه هخليه يشوف أي بنت يهرب بسرعة من قدامها
قصدك أيه مش فاهم
برنامج علاجي خاص هيلخبطله كل حاجة في ظرف أسبوع هيتغير شكله بالمعني الحرفي
ي نهار أزرق برنامج علاجي!!
إلا زي دا كان خسارة فيه حق الإصابة إلا هتريحه بس لأ أنا هخليه يتمني التعب ويتحسر ع كل ثانية في عمره كان ممكن يبقي راجل بجد ومرضيش هيبقي عبرة لكل صحابه إلا ماشيين في نفس السكة الوسخة إلا أختروها بنفسهم
بس يابني أنت كدا قضيت ع مست !
وأنت ناوي ع ايه
خد نفس بإرتياح بصراحة عاوز أعمل مفاجئة ل وعد تعوضها عن كل إلا حصلها الفترة إلا فاتت دي نفسيتها تعبت اوي محتجاني جمبها
لا والله هي برضو إلا محتجاك يالا
أحم جدي مش فارقه ع فكرة المهم أن المعني واحد وأني المفروض أبقي جمبها الفترة دي تحديدا علشان كدا فكرت أعملها فرح وقسيمة تانية بمهر وشبكة وشهر عسل سنة اتنين كدا في أي بلد أجنبية
شهر عسل سنتين !!
أحم شويه نزودهم ولا ايه
وفريد هتعمل معاه ايه
مش هكلمه الفترة دي خالص لحد ما يحس بغلطه ويندم بجد وياريت متعرفوش أنك عرفت علشان ميحسش بإحراج منك خليك أنت جمبه في الفترة إلا هكون أنا بعيد عنه
أفهم من كلامك أنك مش هتقولها أننا أهلها
أتنهد بحزن مش عارف ي جدي خايف من رد فعل وعد لما تعرف أننا أهلها مش عاوز أخبي عنها حاجة وفي نفس الوقت مش عارف هتتقبل الموضوع ازاي هتاخده بحسسيه ولا هتتفهمه
عارف أنها ع نفس الكرسي إلا أنت قاعد عليه دا كانت بتقول نفس كلامك وهي خايفة أنك تعرف إلا حصلها !
أنا بحبها اوي ومبقتش قادر أستحمل فكره بعدها عني أو زعلها تاني أبدا
طب ع الأقل قول ل فريد أنها أخته
مليش دعوه اعمل إلا أنت عاوزه ي جدي أنا هاخد وعد وهسافر القاهرة مبقتش طايق أقعد هنا بعد إلا حصل هجهز ترتيبات الفرح وهبلغك بالمعاد يمكن لما أخدها بعيد ونسافر أقدر أمهدلها الموضوع
فجأة سمعوا صوت صريخ جامد حمزاا
بصدمة دا صوت وعد !!
طلع يجري بسرعة ع أوضتها وهو مرعوب ملقهاش نادي عليها بأعلي صوت وااعد
بصوت مخلوط بالعياط ألحقني ي حمزة بسرعة أنا فوق ع سطح الفيلا
طلع بسرعة ووراه الشغالين وجده طالع وراهم بخوف
بصدمة أيه دا !!
أنت لسه هتتصدم ألحقه دا هيتعرض للأذى ع السور وهو بيبصلهم بعيون مدمعة
وعد بستغراب أنت سرحان في أيه بيقولك هيتعرض للأذى قوله حاجة !
أنزل بقولك مش ناقص لعب العيال دا
أنا سمعت كل كلامك أنت وجدي من شويه
برق حمزة بصدمة أييه !!
انت عندك حق أنا فعلا مستاهلش أعرف أنها أختي
أنا السبب في إلا حصلها لو كنت بتقي ربنا وملتزم كان ربنا حفظلي أختي ومكنتش عاشت كل العذاب إلا شافته دا
وعد بإستغراب حمزة هو بيقول ايه
بصله بغضب أنزل يالا وأخرس بقي أنت ايه فاكر بموتك دا هترتاح !
بس ع الأقل هريحكم مني وهتعيشوا مبسوطين
وعد بعياط ع حالته حمزة بالله عليك أعمل حاجة وأنقذه هو مهما كان أخوك الصغير وغلط لازم تديله فرصة تانية
بص فريد ع وعد وزاد في العياط أكتر من حنيتها وخوفها عليه وهي متعرفش أنه أخوها أصلا
فريد أنزل وهنتكلم بهدوء إلا أنت بتعمله دا غلط ولا عمره كان حل
بصوت قهرة وعد حصلها كل دا بسببي أنا ي حمزة اليوم إلا أعرف فيه أن ليا أخت أكون سبب تعاستها طول الفترة دي
بص حمزة بحدة لفريد بعد ما قال كدا وبعدها بص ع وعد إلا كانت واقفة مصدومة من كلام فريد
أختك !!
بقهرة وعد حصلها كل دا بسببي أنا ي حمزة اليوم إلا أعرف فيه أن ليا أخت أكون سبب تعاستها طول الفترة دي
بص حمزة بحدة لفريد بعد ما قال كدا وبعدها بص ع وعد إلا كانت واقفة مصدومة من كلام فريد
أختك !!
بغضب كلمة كمان وهاجي أرميك بنفسي ي حيوان
بدموع وقفت قدامه حمزة هو قصده ايه بكلامه دا !
حط إيده ع وشها وهو بيحاول يهديها هفهمك كل حاجة بس أهدي علشان خاطري
اهدي أيه أنتم كل الفترة دي كنتو بتضحكوا عليا !!
ألتفتت لجده وهي بترشف من العياط ودموعها على خدها أنت أكثر شخص بصدقه وبثق فيه قولي أن إلا بفكر فيه دا غلط مستحيل الناس إلا حسيتهم عوضمن ربنا في الدنيا دي تطلع هي أكتر ناس ظلمتني في حياتي ورمتني في ملجأ!
حمزة بغضب وهو بيبص لفريد عاجبك إلا عملته دا ي زبالة عارف لو مخلصتش الفيلم الهندي دا ونزلت هعمل فيك ايه
بتوتر خلاص هنزل بس سامحني وخلينا نرجع زي الأول
جز ع سنانه بغضب دا أنا هشلوحك ع عملتك السودة دي
بعياط وهي بتعلي صوتها لو سمحت متفضلش ساكت كدا رد عليا
أيوا ي بنتي أنتي حفيدتي أنتي وعد عادل الخوري
قرب منها وعيونه بدمع بحزن حقك عليا ي حببتي أنا السبب في كل دا سامحيني ظلمتك وظلما أبوكي زمان
بعدت عنه وهي مصدومة وحاطة إيديها ع وشها أبعد عني مش عاوزة حد منكم يقربلي أنا كل الفترة دي وأنا عايشة في رعب أنكم تتخلو عني مكنتش مصدقة أن في حد ممكن يحبني كدا ويساعدنى بدون أي مقابل فجأة أكتشف أن دا كله علشان تريحوا ضميركم !
