سامح اتدخل وقال يا ستي ما إحنا عمرنا ما غصبناكي على حاجة بصيتله وقلت صحيح يا سامح محدش حط إيده في جيبي بالعافية لكن كل مرة كنتوا بتضغطوا عليا بالهزار والإحراج ولما كنتوا تلاقوني ساكتة كنتوا بتزودوا طلباتكم أكتر كريم حط الفاتورة قدامه وقال خلاص يا جماعة كل واحد يدفع اللي عليه ونخلص بدأ بعضهم يطلع المحافظ وبعضهم يفتح تطبيق البنك على موبايله لكن نجلاء فضلت قاعدة مكانها رافضة تدفع كانت طالبة وجبة غالية جدًا ومعاها مشروبات وحلويات ليها ولجوزها وكانت فاتورتها من أكبر الفواتير على الترابيزة بصت لجوزها شريف وقالت ادفع إنت شريف رد عليها أنا معايا فلوس تكفي طلبي بس مش هقدر أدفع طلباتك كلها صرخت فيهروايات_مشيره_محمديعني إيه مش هتقدر إنت جوزي
رد عليها بهدوء وأنا جوزك مش ماكينة فلوس يا نجلاء وإنتي اللي طلبتي كل الحاجات دي من غير ما تسألي عن السعر الترابيزة كلها سكتت كانت دي أول مرة أسمع حد منهم يقول بصوت واضح إن اللي حصل مش طبيعي نجلاء وشها احمر من الغضب وبدأت تلم شنطتها وهي بتقول أنا مش هنسى اللي حصل النهارده يا منى قلت لها وأنا كمان مش هنسى يا نجلاء بس مش عشان إني زعلتك عشان أنا أخيرًا فهمت إن لازم أحط حدود للمعاملة اللي بينا في النهاية كل واحد دفع حسابه بعد نقاش طويل وبعض التذمر والاعتراضات
أما أنا فدفعت حسابي وحساب وجبة عيد ميلاد حمايا زي ما كنت وعدت ولما خرجنا من المطعم أحمد كان ماشي قدامي من غير ما يستناني ركبت عربيته وأنا ساكتة طول الطريق لحد ما وصلنا البيت أول ما دخلنا قفل الباب ولف ناحيتي وقال بعصبية إنتي إزاي تعملي كده من غير ما تقوليلي حطيت شنطتي على الكنبة وبصيتله باستغراب أقولك إيه يا أحمد قال إنك هتقسمي الحساب وإنك هتخلينا في الموقف ده قدام الناس ضحكت ضحكة صغيرة من كتر ما أنا كنت مخنوقة وقلت هتخلينا إحنا في الموقف ده ولا هتخليهم هم يتحملوا نتيجة تصرفاتهم قال دول أهلي يا منى قلت له وأنا مراتك يا أحمد سكت
قربت منه وقلت أنا مش طالبة منك تختار بيني وبين أهلك ولا عمري هطلب منك تقطع علاقتك بيهم لكن أنا مش هقبل تاني إنك تحطني في موقف زي ده وتطلب مني أدفع وأسكت عشان خاطرهم قال إنتي عارفة إنهم بيحبوا الهزار وإن الموضوع مش مستاهل كل ده قلت له الهزار بيبقى هزار لما كل الناس تضحك يا أحمد لكن لما شخص واحد بس هو اللي بيدفع تمن الهزار يبقى اسمه استغلال
أحمد قعد على الكنبة وحط إيده على وشه قال بعد شوية أنا مكنتش واخد بالي إن الموضوع مضايقك للدرجة دي بصيتله بعتاب وقلت وده اللي مزعلني أكتر يا أحمد إنك مكنتش واخد بالك لأنك عمرك ما سألت نفسك أنا ليه بدفع كل مرة وليه هما عمرهم ما بيحاولوا حتى يطلعوا محافظهم قبل ما الحساب ييجي فضل ساكت وأنا دخلت أوضتنا وسبته لوحده
كنت فاكرة إن الموضوع انتهى عند الفواتير وإنهم هيفهموا الرسالة لكن اللي حصل بعدها بأيام أثبتلي إن المشكلة كانت أكبر بكتير مما توقعت بعد يومين لقيت نجلاء باعتالي رسالة على الموبايل كتبتلي برافو عليكي يا منى عرفتي تكسفينا قدام الناس وتبيني إننا ناس مش معاها فلوس قريت الرسالة مرتين وبعدين رديت عليها يا نجلاء أنا عمري ما قلت إنكم مش معاكم فلوس ولا ده موضوعي من الأساس
أنا بس طلبت إن كل واحد يدفع تمن طلباته ردت بسرعة كان ممكن تقولي لنا قبل ما نروح المطعم كتبتلها ولو كنت قلت لكم قبلها كنتوا هتطلبوا بنفس الطريقة ولا كنتوا هتغيروا طلباتكم عشان عارفين إنكم هتدفعوا مردتش على السؤال وبعدها بدقايق كتبتلي على العموم كل واحد حر في فلوسه بس متستنيش مننا معاملة زي الأول ابتسمت وأنا بقرا الرسالة وقلت لنفسي إن المعاملة اللي كانت قبل كده هي بالظبط اللي أنا مش عايزاها ترجع قفلت الموبايل وركزت في شغلي
لكن بعد أسبوع حصل موقف تاني خلاني أعرف إن الموضوع مش مجرد زعل عابر أحمد رجع البيت من الشغل وقال لي إن أخوه سامح عامل عزومة يوم الجمعة في بيته وإن العيلة كلها هتكون موجودة قلتله تمام روح إنت وأنا هفضل في البيت بصلي باستغراب وقال ليه يعني قلتله عشان أنا مش حابة أروح أقعد وسط ناس لسه شايلين مني قال يا منى عدي الموضوع بقى إحنا مش هنفضل زعلانين من بعض العمر كله قلتله أنا مش زعلانة يا أحمد أنا بس مش عايزة أروح مكان وأنا حاسة إن وجودي هيبقى سبب للتريقة والكلام قال خلاص أنا هكلم سامح وأفهم منه الدنيا ماشية إزاي وبعد شوية رجعلي وقال سامح بيقول إنك مرحب بيكي جدًا وإن محدش زعلان منك بصيتله وقلت
طب كويس روحوا اتبسطوا لكن أحمد أصر إني أروح معاه وقال إن غيابي هيخلي الناس تفهم إن فيه مشكلة كبيرة وافقت في الآخر عشان مكنتش عايزة الخلاف يكبر يوم الجمعة رحنا بيت سامح ولقيت العيلة كلها متجمعة نجلاء كانت قاعدة في الصالة وبتتكلم مع مرات سامح ولما شافتني ابتسمت ابتسامة باهتة وقالت أهلًا يا منى نورتي رديت عليها أهلًا يا نجلاء قعدنا شوية وكل حاجة كانت ماشية عادي لحد ما مرات سامح دخلت وقالت إحنا هنطلب أكل من المطعم بدل ما نتعب نفسنا في المطبخ سامح قال فكرة حلوة يلا كل واحد يقول عايز إيه بدأوا يفتحوا المنيو على الموبايلات ويتكلموا عن الأكلات وبعدين نجلاء رفعت عينيها عليا وقالت وهي بتضحك بس المرة دي يا جماعة كل واحد يطلب على قد جيبه عشان منعملش مشكلة جديدة بعضهم ضحك ضحكة خفيفة والبعض بص في الأرض أنا ابتسمت وقلت فكرة ممتازة يا نجلاء وأنا كمان هطلب على قد جوعي ساد الصمت للحظة وبعدين كريم ضحك وقال خلاص يا جماعة نطلب وكل واحد يحاسب على طلبه ونوفر على نفسنا وجع الدماغ لكن نجلاء مردتش عليه وفضلت تبصلي بغيظ الغريب إن محدش فيهم طلب أكل غالي زي كل مرة كل واحد اختار وجبة عادية ولما الأكل وصل دفعوا الحساب من غير أي مشاكل وقتها
فهمت إنهم كانوا قادرين يدفعوا من البداية لكن طول ما فيه حد تاني مستعد يدفع مكانهم مكنوش شايفين أي سبب يخليهم يغيروا عادتهم بعد العزومة بأسبوع حصلت المفاجأة اللي مكنتش متوقعاها كنت راجعة من الشغل ولقيت أحمد قاعد في الصالة وشكله متضايق سألته مالك يا أحمد في إيه قال سامح كلمني النهارده وطلب مني مبلغ كبير قعدت جنبه وقلت مبلغ كبير قد إيه قال عشرين ألف جنيه استغربت وقلت عشرين ألف جنيه ليه اتنهد وقال عنده مشكلة في شغله ومحتاج يسدد التزام مستعجل وقال إنه هيرجعهولي أول الشهر الجاي سألته وإنت هتديله الفلوس قال مش عارف أنا معايا المبلغ بس كنت حاطه لجهاز اللابتوب الجديد اللي محتاجه للشغل قلتله طيب وإنت عايز تعمل إيه
