دخلت، وكان فيه رجل في أواخر الستينات قاعد خلف مكتبه. أول ما شافها، وقف وقال: “أنا آسف إني رجعتك للماضي.”
مريم قعدت: “مين حضرتك؟”
قال: “أنا كنت المحامي اللي تابع ملف حادثة بنتك.”
مريم اتجمدت: “إنت؟”
“أيوه.”
“بس أحمد قال إن الموضوع انتهى.”
فؤاد بص لها طويلًا وقال: “أحمد ما قالكيش كل حاجة.”
قلبها دق بسرعة: “إيه اللي ما قالهوش؟”
فؤاد فتح درج مكتبه، وطلع ملف بني قديم حطه قدامها: “ده ملف حادثة ليلى.”
مريم مدت إيدها لكنها توقفت: “ليه بعد سبع سنين؟”
قال: “لأن في حاجة ظهرت من جديد.”
فتح الملف وطلع تقرير قديم: “العربية اللي كانت راكبة فيها بنتك كانت سليمة ميكانيكيًا.”
مريم بصت له: “يعني إيه؟”
“يعني مفيش عطل في الفرامل، ومفيش انفجار إطار.”
“أمال إيه اللي حصل؟”
فؤاد قال: “العربية اتعرضت لصدم من الخلف.”
مريم حسّت إن الأرض اتحركت تحت رجليها: “إزاي؟”
“عربية تانية خبطتها.”
“طب ليه ما أعرفش؟”
فؤاد ما ردش فورًا، وبعدين قال: “لأن الشخص اللي كان سايق العربية التانية اختفى.”
مريم شهقت: “اختفى؟”
“العربية اتوجدت بعد الحادث بساعات، من غير صاحبها.”
مريم حطت إيدها على جبينها: “طب إزاي الشرطة ما قالتليش؟”
“لأن التحقيق اتقفل بعد فترة بسبب عدم كفاية الأدلة.”
“ومين كان صاحب العربية؟”
فؤاد فتح صفحة وقال: “واحد اسمه حاتم فوزي.”
مريم عقدت حواجبها (الاسم ما كانش مألوف): “مين ده؟”
فؤاد رد: “موظف سابق في شركة كان أحمد شغال فيها وقتها.”
مريم اتجمدت: “أحمد؟”
“أيوه.”
الصمت ملأ الغرفة. قالت مريم: “إنت بتقول إن الشخص اللي صدم عربية بنتي كان زميل أحمد؟”
“بحسب المحضر القديم، أيوه.”
“وأحمد كان يعرف؟”
“أكيد.”
مريم قامت فجأة: “إزاي؟”
فؤاد أشار للكرسي: “اقعدي.” قعدت.
قال: “لأن أحمد هو اللي جاء لي بعد الحادثة بأيام.”
“ليه؟”
“كان عايز يعرف هل ممكن اسم الشركة يدخل في القضية.”
مريم بصت له بعدم تصديق: “الشركة؟”
فؤاد أخرج ورقة: “العربية اللي كان سايقها حاتم كانت عربية تابعة للشركة.”
مريم حست إن نفسها ضاق: “طيب ليه أحمد ما قالش لي؟”
“لأن بعد وفاة بنتك، كان عنده خوف من إن التحقيق يوصل لمكان شغله.”
“يعني هو كان بيحاول يحمي شغله؟”
فؤاد سكت، ثم قال: “في البداية، أيوه.”
مريم غمضت عينيها، وكل الذكريات بدأت ترجع: أحمد وهو بيقول لها “متسأليش كتير، الحادث قضاء وقدر، إنتِ محتاجة ترتاحي، أنا هتابع كل حاجة”. وفجأة فهمت؛ هو ما كانش بس بيهتم بيها، هو كان عايزها ما تسألش.
فؤاد قال: “لكن الموضوع ما وقفش هنا.”
مريم فتحت عينيها: “إيه تاني؟”
أخرج فلاشة صغيرة: “دي نسخة من تسجيل كاميرا مراقبة كانت موجودة في محل قريب من مكان الحادث.”
“ليه ما كانتش في ملف القضية؟”
“لأنها وصلتني من شخص مجهول من حوالي شهر.”
“مين؟”
“مش عارف.”
“وإيه اللي فيها؟”
“عربية حاتم وهي بتلاحق عربية بنتك قبل التصادم.”
مريم شهقت: “بتلاحقها؟”
“أيوه.”
“ليه؟”
هز راسه: “مش عارف.” سكت لحظة ثم أضاف: “لكن في حاجة أهم.”
“إيه؟”
“في آخر التسجيل، العربية بتقف بعد الحادث.”
مريم حسّت قلبها بيتقطع: “وبعدين؟”
“حاتم ينزل.”
“وبعدها؟”
“بيروح ناحية عربية ليلى.”
دموعها نزلت: “بنتي كانت لسه عايشة؟”
فؤاد بص لها: “التسجيل مش واضح كفاية.. لكن الشخص اللي أرسل التسجيل قال إن فيه شاهد شاف حاجة مهمة.”
“مين الشاهد؟”
“موظف إسعاف كان أول واحد وصل للمكان.”
“هو فين؟”
“عايش.”
“عايزة أقابله.”
بعد ساعتين، كانت مريم قاعدة في كافيه صغير مع رجل في منتصف الخمسينات اسمه مصطفى. قال: “أنا فاكر الحادثة دي كويس.”
سألته: “بنتي كانت لسه عايشة؟”
تنهد مصطفى: “لما وصلنا، كانت لسه بتتنفس.”
حطت إيدها على فمها: “يعني كانت عايشة؟”
“أيوه.”
نزلت دموعها: “وبعدين؟”
قال: “كان فيه راجل واقف جنب العربية.”
“حاتم؟”
“معرفش اسمه.”
“عمل إيه؟”
سكت مصطفى ثم قال: “كان بيقول جملة واحدة.”
“إيه؟”
“لازم الموبايل يتاخد.”
مريم اتجمدت: “الموبايل؟”
“أيوه.”
“موبايل بنتي؟”
“أيوه.”
“أخده؟”
“أيوه.”
حست بالغثيان: “وبعدين؟”
“لما الإسعاف وصلت، الراجل اختفى.”
سألت: “وإيه علاقة أحمد؟”
بص لها مصطفى: “أنا معرفش.. لكن قبل ما يمشي، قال: الراجل اللي كان مع بنتك قبل ما تموت، كان بيقول إن أحمد لازم يعرف إن الموضوع خلص.”
حست كأن صاعقة ضربتها: “أحمد؟”
هز مصطفى راسه.
رجعت مريم البيت، لكنها ما دخلتش من الباب الرئيسي؛ وقفت بره العمارة وبصت للشقة من بعيد. كانت محتاجة تشوف أحمد، لكنها لأول مرة ما كانتش عايزة تواجهه وهي غاضبة.. كانت عايزة دليل.
دخلت، وأحمد كان في الصالة، وأول ما شافها قام: “كنتي فين؟”
مريم ما ردت، حطت شنطتها وقالت: “عادل حسين كلمني.”
اتوتر أحمد: “ليه؟”
“عايز يقابلني.. وقال لي حاجة غريبة.”
سكتت.
“قال إنك قدمت له ملف عن خبرتك القديمة قبل ما تتجوزني.”
أحمد اتجمد.
كملت مريم: “وقال إن الملف اللي وصله كان ناقص.. ناقص منه سبع سنين، السبع سنين اللي بعد وفاة ليلى.”
قال أحمد: “أنا مش فاهم.”
“لأ، إنت فاهم.” رفعت الفلاشة: “وأنا كمان بدأت أفهم.”
وش أحمد فقد لونه: “إنتِ جبتي ده منين؟”
ابتسمت مريم: “من المكان اللي إنت كنت فاكر إني عمري ما هروحه.. المستشفى.”
أحمد بدأ يتراجع: “مريم، اسمعيني.”
“أنا سمعتك سبع سنين.”
“أنا عملت كل ده عشان أحميكي.”
“من الحقيقة؟”
سكت أحمد. قالت مريم: “بنتي كانت عايشة لما الإسعاف وصل.”
أحمد غمض عينيه. وفي اللحظة دي… مريم عرفت من صمته إنسه كان يعرف.
