يا لهوي يا بنتي! زورا توقيعك وسرقوا الشقة اللي حيلتك؟!”
دمي غلا في عروقي.. النذالة والتخطيط وصلت بيهم لكده؟! يسيبوني أسافر وأشتغل وأصرف على البيت وهما سارقين شقتي وناويين يرموني أنا وعيالي في الشارع؟!
بس المفاجأة الأكبر كانت في الورقة التالتة..
كانت رسالة بخط يد أبويا المرحوم، مكتوب فيها:
”بنتي الحبيبة داليا..
لو بتقري الرسالة دي، يبقى أنا فارقت الحياة، ويبقى مصطفى وأمه كشروا عن أنيابهم وبدأوا ينفذوا مخططهم.
يا بنتي، مصطفى مكانش بيحبك، كان طمعان في ورثك ومنصبك. ولما عرف إن البيت ده مكتوب باسم الوديعة، حاول هو وأمه يسرقوا العقود من مكتبي في الشقة القديمة لما كنت تعبان. هما سرقوا أوراق ملهاش قيمة فاكرين إنها عقود البيت ده.
بس السر الأكبر مش في العقود دي بس.. السر في كارت الميموري اللي مع الرسالة.
الكارت ده عليه تسجيلات وصور من كاميرات المراقبة مخفية أنا كنت حاططها في البدروم بتاع البيت الجديد لما حسيت إن في حركة غريبة بتحصل فيه..
انزلي البدروم يا داليا.. افتحي الصندوق الحديد اللي ورا الباب. هتلاقي فيه حقايق هتخلي القضاء يرجع لك حقك وحق أمك وحق عيالك في ثواني، وهتدمر كل مخططاتهم.”
جسمي كله قشعر.
مسكت الفلاشة، وطلعت اللابتوب بتاعي من الشنطة. حطيت الفلاشة في الجهاز وفتحت الفيديوهات اللي عليها.
التاريخ كان من سنتين فاتوا..
الفيديو كان جايب مدخل البدروم بتاع البيت ده!
وشفت في الفيديو حاجة طيرت النوم من عيني..
الفيديو جايب ماجدة ابنها مصطفى، وداخلين البدروم نص الليل ومعاهم واحد ثالث..
فتحت الفيديو التاني.. كان صوت وصورة متسجلين بوضوح:
ماجدة كانت بتتكلم مع الراجل ده وتقول له:
”كده الفلوس المزورة اتخزنت هنا تمام؟ البنك مش هيكشف حاجة طالما بنسحب ونغير المبالغ دي واحدة واحدة.. وأبو داليا العجوز ده مش بيمشي ولا بيطب هنا، والبيت مقفول ومحجوز عليه فاعتبار الناس.. محدش هيشك في المكان ده أبداً!”
مصطفى كان واقف معاها وبيعد رزم فلوس بيحطها في شنط سفر حديدية جوه البدروم!
أنا اتسمرت في مكاني مش مصدقة اللي بشوفه وبسمعه!
ماجدة ومصطفى كانوا بيستغلوا البدروم بتاع البيت اللي فاكرينه مهجور ومحدش بيقربه، عشان يخزنوا فيه فلوس مزورة وبضائع غير قانونية!
عشان كده ماجدة لما شافت باب البدروم اتخضت ولونها اتخطف! هي كانت فاكرة إن البيت مهجور ومحدش يعرف يدخله، وتفاجأت إن البيت بتاعي وفي أيدي مفتاحه وبصمته!
أمي بصتلي وهي مرعوبة:
ا ساتر يا رب! يا ساتر يا رب! دول تجار ومجرمين يا بنتي! دول كانوا بيخزنوا مصايب في بيت أبوكي!”
”أه يا ماما.. كانوا فاكرين البيت ده بيت مهجور وضايع في المحاكم، واستغلوا الوضع ده عشان يعملوا بلاويهم من غير ما حد يحس.. وبابا اكتشف ده بالكاميرات وسجل كل حاجة وساب الأدلة في البدروم وفي المكنة!”
في اللحظة دي بالظبط.. سمعنا صوت خبط جامد على الباب الخارجي بتاع الفيلا!
الخبط كان بهستيريا..
وبعدين سمعنا صوت مفاتيح أو محاولة كسر للقالون برة!
أمي صرخت:روايات_مشيره_محمد
”هما يا داليا! يادي المصيبة يادي المصيبة!”
جرت على أوضة الأطفال وقفت الباب عليهم، وأنا قمت بسرعة، مسكت تلفوني، ورنيت على الشرطة فوراً:
”ألو.. النجدة؟ أنا في كومبوند (…) الفيلا ١٢ ب.. في محاولة اقتحام مسلح لبيتي دلوقتي، والمقتحمين تجار أموال مزورة ومعايا كل الأدلة عليهم! الحقوني فوراً!”
الظابط على التليفون قال لي:
”اثبتي عندك يا فندم، القوة قريبة جداً من الكومبوند وخلال خمس دقائق هنكون عندك، اقفلي الأبواب كويس!”
طلعت لغرفة المعيشة، وكنت سامعة صوت مصطفى برة وهو بيزعق وبيحاول يكسر الزجاج بتاع شباك التراس!
”افتحي يا داليا! افتحي بدل ما أهد البيت على رأسك ورأس أمك! افتحي يا بنت الـ…!”
ماجدة كانت بتصرخ برة وهي مرعوبة:
”يا مصطفى انجز كسر الباب! البت دي لو نزلت البدروم ولا شافت حاجة ه تودينا في داهية! الفلوس والشنط جوه البدروم! كسر الباب بسرعة!”
صوت تكسير الزجاج بقى عالي، ومصطفى قدر يفتح مقبض شباك التراس ودخل هو وأمه الشقة!
أول ما دخلوا، كان وشه أصفر وعيونه زي الدم، وفي إيده حتة حديدة تقيلة!
”أنتِ فاكرة نفسك شاطرة يا داليا؟! فين المفاتيح؟ فين مفتاح البدروم؟!”
أنا وقفت بثبات، رغم إن قلبي كان بيدق زي الطبول، بس افتكرت كلام بابا: “متضيعيش طاقتك في الجدال والمناهدة.. الحق معاكي.”
بصيت لمصطفى وقلت له ببرود:
”المفاتيح معايا.. بس أنت متأخر قوي يا مصطفى.”
ماجدة هجمت عليا زي المفترسة وقالت:
”هاتي المفاتيح يا بت أنتِ بدال ما ندفنك هنا أنتِ وأمك وعيالك ومحدش يدرى عنكم!”
أنا رجعت خطوة لورا، ورفعت اللابتوب والتليفون في وشهم:
”الفيديوهات بتاعة البدروم وتخزين الفلوس المزورة بقت متسجلة ومبعوثة للنيابة والشرطة دلوقتي.. والعقود اللي زورتوها عشان تسرقوا شقتي مقبوض عليها بالدليل.. والشرطة في الطريق!”
مصطفى اتجنن، ورفع الحديدة في الهواء وشخط:
