الجزء الثاني والأخير فضلنا واقفين قدامها مش عارفين ننطق. عصام، اللي طول عمره مبيخافش من حاجة، كان واقف قدام الباب ووشه أصفر، وبصلي وقال بصوت مرتعش: “هي… هي حصلها إيه؟!” مكنتش عارفة أرد. وفاء فضلت قاعدة مكانها، لا بتعيط ولا بتصرخ ولا حتى بتبص لنا.
بس بعد ثواني، رفعت عينيها علينا وقالت بهدوء غريب: “اتأخرتوا.” الكلمة دي هزتني أكتر من أي صرخة. عصام حاول يتماسك وقال:”يلا اطلعي يا وفاء.” وفاء بصتله وابتسمت ابتسامة صغيرة، وقالت: “أطلع؟” سكتت لحظة وبعدين كملت: “أنا استنيتكم تلات أيام… دلوقتي دوري أخليكم تستنوا.
” عصام اتعصب ومد إيده ناحيتها، لكن قبل ما يلمسها، رجع إيده كأنه اتلسع. وفاء قامت ببطء. كانت ضعيفة جدًا، ورجليها بتترعش، لكن مشيتها كانت ثابتة بشكل يخوف. عدّت من جنبي من غير ما تبصلي، ولما وصلت للسلم وقفت وقالت: “فاكرة يا أمي لما كنتِ بتقوليلي: اسمعي كلام أخوكي، ده سندك؟
” دموعي نزلت وقلت:”سامحيني يا بنتي… أنا غلطت.” لفت وشها ناحيتي وقالت: “لأ… انتي مش غلطتي مرة.” سكتت.”إنتِ اخترتيه كل مرة.” الكلمة نزلت عليا كأنها سـ,ـكينة. دخلت وفاء أوضتها وقفلت الباب. ومن اليوم ده، حياتنا اتغيرت. بقت ساكتة طول الوقت. لكن الغريب إن عصام بدأ يخاف منها.
كان كل ليلة يسمع صوت خطواتها في الطرقة، رغم إنها كانت قاعدة جوه أوضتها. مرة سمعنا صوتها بتقول من جوه: “لسه فاكر المخزن يا عصام؟” عصام جري على أوضتي وهو بيرتعش. وفي الليلة التانية، لقى باب المخزن مفتوح لوحده.
نزل يقفله، ولما رجع، لقى على باب شقته من جوه مكتوب بإصباع مبلول: “تلات أيام.” عصام انهار. وفي اليوم اللي بعده، اعترفلي إنه هو اللي كان بيقفل عليها المخزن زمان، لكنه كان بيقول لنفسه إنها بتخاف وهتتعلم الأدب. وقتها لأول مرة شفت ابني اللي كنت بخاف أزعله… مرعوب.
لكن الكـ,ـارثة الحقيقية حصلت بعد أسبوع. رجعت من السوق، ملقتش عصام في البيت. دورت عليه، ولقيت باب المخزن مفتوح. نزلت وأنا قلبي بيخبط. لقيته جوه… قاعد في نفس المكان اللي كانت وفاء محبوسة فيه. إيده كانت مربوطة، وقدامه زجاجة مية ورغيف عيش.
إيده كانت مربوطة، وقدامه زجاجة مية ورغيف عيش. وكان فيه ورقة صغيرة على الأرض. مسكتها وأنا بترعش. كان مكتوب عليها: “مش هقـ,ـتله… أنا عايزاه يعيش نفس الخوف اللي عشته.” فضلت أصرخ وأدور على وفاء. لكنها كانت اختـ,ـفت.
اتصلنا بالشرطة، وبدأوا يدوروا عليها. وبعد ساعات، رجعت وفاء بنفسها. ولما الضابط سألها: “إنتِ اللي عملتي كده؟” بصت للأرض وقالت: “أنا حطيته في المكان اللي حب. سني فيه… بس أنا فتحته بعد تلات أيام.” الضابط بص لها باستغراب: “ليه؟” وفاء رفعت عينيها وقالت: “علشان أنا مش هبقى زيه.
” ساعتها انهرت في العياط. وقلت لها: “سامحيني يا بنتي.” وفاء بصتلي فترة طويلة، وبعدها قالت: “أنا سامحتك… بس مش هقدر أنسى.” وبعدها سابت البيت ومشيت. عصام فضل بعدها فترة طويلة بيتعالج نفسيًا، واتغير تمامًا. أما أنا… ففضلت أعيش لوحدي في نفس البيت، وكل يوم أبص على صورة وفاء وهي صغيرة، وأفتكر إزاي أم ممكن تظلم بنتها علشان ترضي ابنها.
وبعد شهور، عرفت إن وفاء بدأت حياة جديدة بعيد عننا. قصت شعرها الأبيض، لكنها رفضت تصبغه. كانت بتقول: “ده مش شيب… ده ذكرى الأيام اللي محدش وقف جنبي فيها.” أما أنا ففضلت أدعي ربنا يسامحني. لأن أصعب عقاب أخدته في حياتي… مكنش إن ابني اتعاقب. ولا إن بنتي سابتني.
أصعب عقاب كان إني كل يوم أفتكر إنها كانت بتصـ,ـرخ وبتقول: “افتحيلي يا أمي.” وأنا… كنت أقدر أفتح الباب. لكن خوفي على زعل أخوها كان أكبر من خوفي على بنتي. ومن يومها فهمت الحقيقة اللي اتأخرت عمري كله علشان أفهمها: الظلم مش بيخلص لما المظـ,ـلوم يسكت… الظلم بيفضل عايش جوا صاحبه لحد ما يبقى هو العقاب.
