روايات وقصص

جوزى

وحمايا قام من مكانه فجأة. أما حماتي فصرخت يا نهار أسود! إنتِ عملتِ إيه في جوزك؟! بصيت لأحمد. كان حاطط إيده على خده ومش مصدق. قربت منه خطوة، وبصيت في عينه وقلت مالك؟ وبعدين أشرت لخده زي ما عمل معايا بالبضبط. ماتكبرش الموضوع يا أحمد دي مجرد تصرف بسيط. أحمد فضل حاطط إيده على خده، وباصصلي كأنه مش قادر يستوعب إني رديت عليه بنفس الموقف من ثواني.

أما حماتي نوال فكانت أول واحدة تتحرك. ضربت كف بكف وصرخت إنتِ اتجننتي؟! إنتِ إزاي تمدي إيدك على جوزك؟! بصيتلها باستغراب. غريبة. إيه اللي غريب؟! لما هو عمل كده، حضرتك قلتي عصبي وماكانش يقصد. إنما لما أنا عملت نفس الحاجة بقت مصيبة؟ اتلخبطت للحظة، وبعدين قالت ده راجل! ضحكت. وإيه يعني؟ يعني إنتِ مراته! تحترميه!

رديت فورًا والاحترام اتجاه واحد بس؟ أحمد شال إيده من على خده. ملامحه اتغيرت تمامًا. أنا كنت متوقعة يزعق. لكن اللي حصل كان أغرب. بص لأمه وقال ماما سيبي الموضوع. نوال اتصدمت. أسيبه إزاي؟ دي اتعدت عليا قدامنا! أحمد رفع صوته قلت سيبيه! ولأول مرة من ساعة ما دخلنا البيت، حماتي سكتت فورًا. المشهد ده أكدلي حاجة. أحمد مش بس عصبي.

أحمد متعود إن البيت كله يمشي على مزاجه لما يتعصب. بصيت لسلمى. كانت واقفة بعيد، وشها شاحب جدًا. وبعدين قالت فجأة مريم تعالي معايا جوه. أحمد لف ناحيتها بسرعة. ليه؟ سلمى اتوترت. عشان تحط تلج على وشها. أنا هجيب لها. قالها أحمد بسرعة غريبة. سلمى ردت لأ، أنا هاخدها. أحمد بص لأخته نظرة طويلة. وهي لأول مرة ما نزلتش عينها. مدت إيدها ومسكتني.

تعالي يا مريم. دخلت معاها أوضتها وقفلت الباب. أول ما الباب اتقفل، سلمى سابت إيدي. كانت بتتنفس بسرعة. قلت سلمى إنتِ كنتِ هتقولي إيه بره؟ إمتى؟ لما قولتي أحمد لما بيتعصب سكتت. فتحت الفريزر الصغير اللي في أوضتها، طلعت كيس تلج، ولفته في فوطة. ناولتهولي. حطي ده على خدك. ماخدتوش. فضلت باصة لها. هو كان بيكرر ده معاكي؟ إيديها وقفت. ثانية واحدة. لكنها كانت كفاية. قربت منها. سلمى؟ قالت بسرعة لأ. طب مين؟ رفعت عينيها ليا. وكان واضح إنها عايزة تتكلم وفي نفس الوقت مرعوبة. قالت أحمد عمره ما كان شخص وحش. قلت أنا ما سألتش كده. سكتت.

سألتك مين اللي كان بيتعرض للموقف ده من أحمد؟ قبل ما ترد، سمعنا خبطة على الباب. صوت أحمد مريم، افتحي. سلمى اتخضت. أنا بصيت للباب. دقيقة. قال افتحي دلوقتي. سلمى همست افتحيله. قلت لأ. صوت أحمد ارتفع مريم! روحت فتحت الباب. كان واقف قدامي. بص لسلمى الأول، وبعدين ليا. يلا نمشي. قلت ماشي. دخلت الصالة، أخدت شنطتي وموبايلي. حماتي كانت لسه متنرفزة. قالتلي أنا هعتبر اللي حصل النهارده لحظة غضب، ومش هكبر الموضوع عشان البيت يفضل مفتوح ليكي. وقفت عند الباب. لفيتلها. البيت يفضل مفتوح ليا؟ أيوه. حضرتك فاكرة إني أنا اللي محتاجة فرصة؟

بصيت لأحمد. وأنا مش راجعة معاه. اتصدم. نعم؟ قلت هاخد تاكسي وأروح عند أهلي. إحنا هنروح بيتنا ونتكلم هناك. لأ. قرب مني. مريم، ماتعمليش شو. قلت بهدوء ابعد عني. وقف مكانه. يمكن لأول مرة يفهم إن أسلوب الأوامر مش شغال. نزلت. طلبت عربية وروحت بيت أهلي. طول الطريق موبايلي ما بطلش رن. أحمد. نوال. أحمد. نوال. وبعدين رقم سلمى. ما رديتش على حد. لما وصلت، أمي أول ما فتحت الباب وشافت خدي شهقت.

مالك؟! قلت دخليني الأول. دخلت. أبويا كان قاعد في الصالة. أول ما شافني وقف. مين عمل فيكي كده؟ ماكنتش عايزة أعيط. لكن السؤال ده تحديدًا كسرني. لأن دي أول مرة من ساعة الموقف حد يسألني عني أنا. مش عن شكل البيت. ولا كلام الناس. ولا كرامة أحمد. حكيت لهم. أبويا فضل ساكت لحد ما خلصت. وبعدين قال إنتِ مش هترجعي النهارده. قلت مش ناوية. أمي قالت ولا بكرة. بعد حوالي ساعتين، جرس الباب رن.

أحمد كان واقف بره. ومعاه أمه. أبويا فتح. أحمد قال عايز أتكلم مع مريم. أبويا رد لو هي عايزة. خرجت وقفت في الصالة. أحمد أول ما شافني قال ممكن نتكلم لوحدنا؟ قلت لأ. بص لأبويا وأمي. الموضوع بيني وبين مراتي. أبويا رد بهدوء وهي اختارت إن الكلام يبقى قدامنا. حماتي تدخلت يا جماعة، إحنا مش جايين نعمل مشكلة.

العيال اتعصبوا على بعض. أمي بصتلها العيال؟ أيوه، أحمد مد إيده وهي كمان ردتله الموقف. خلاص واحد بواحد. قلت لأ، مش واحد بواحد. أحمد بصلي. قلت أنا رديت عليه عشان لما قاللي إن اللمسة عادية، يعرف إن التصرف ده وقعه إيه. حماتي قالت وإنتِ يعني هتهدي بيتك عشان عصبية؟ قبل ما أرد، أبويا قال البيت اللي يتهد بالطريقة دي، يبقى المشكلة مش في اللي رفض الإهانة، المشكلة في اللي بدأها. أحمد سكت. وبعدين بصلي وقال أنا آسف. أول مرة يقولها. لكن الغريب إني ماحسيتش بحاجة.

قلت آسف على إيه؟ اتضايق. مريم، أنا جاي لحد هنا وبعتذر. وأنا بسألك آسف على إيه؟ سكت شوية. آسف إني اتعصبت. قلت لأ. أمال عايزة إيه؟ تقول أنا آسف إني تجاوزت في حقك. بصلي. واضح إن الجملة تقيلة عليه. وبعد ثواني قال أنا آسف إني عملت كده. سألته وليه عملت كده؟ قال بسرعة اتعصبت. عشان مغرفة شوربة؟

سكت. قربت منه. من إمتى وإنت بتتعامل بالطريقة دي لما تتعصب يا أحمد؟ ملامحه اتغيرت. حماتي دخلت بسرعة مريم، مالوش لازمة نبش القديم. بصيتلها. أنا ماكنتش قلت إن فيه قديم أصلًا. قلت قديم إيه؟ نوال اتجمدت. أحمد بص لأمه بعصبية. ماما! وهنا موبايلي رن. كانت سلمى. فتحت الرسالة اللي باعتاها. وكانت جملة واحدة مريم، أوعي ترجعي مع أحمد النهارده فيه حاجة لازم تعرفيها. وتحت الجملة كانت باعتالي صورة قديمة. فتحتها. واتجمدت. في الصورة كانت سلمى أصغر بكام سنة.

فتحت صورة سلمى قدامها. أول ما شافتها، وشها اتغير. قلت دي عمومًا برضه؟ أحمد صرخ سلمى مالهاش دعوة! أبويا قال صوتك مايوطاش تاني في بيتي. أحمد سكت. بصيتله. إنت اللي عملت فيها كده؟ قال الموضوع قديم. سألتك سؤال. مريم، دي أختي. يعني أختك ينفع تتعامل بالطريقة دي؟ قال بعصبية كانت مشكلة عائلية وإنتِ ماتعرفيش تفاصيلها. ضحكت بمرارة. نفس الكلام. نفس الطريقة. كل مرة فيه سبب. كل مرة الشخص التاني استفزه. كل مرة هو ماكانش يقصد. وكل مرة أهله يلموا الموضوع. فجأة جرس الباب رن.

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى