روايات وقصص

متـر قـياس.. حكايات منــال عـلـي

يا سلمى… باب البلكونة عندكم عرضه كام؟
رفعت سلمى عينيها من فوق حلة المحشي اللي كانت بتحشيها من الصبح، وبصت لحماتها باستغراب.
باب البلكونة؟
آه… عرضه كام يعني؟
ضحكت سلمى وهي مسحت إيديها في المريلة. حكايات منال علي
والله ما أعرف… ليه يعني؟
من غير ما ترد، طلعت الحاجة أمينة متر قياس من شنطتها.
آه…
متر قياس بجد.
فتحته، وبدأت تقيس الباب من ناحية لناحية، وكأنها بتستلم شقة جديدة.
سلمى فضلت واقفة تبص عليها، وهي مستنية تفسير.
لكن مفيش.
خلصت القياس، وكتبت الرقم على ورقة صغيرة كانت في شنطتها، وبعدها دخلت الصالون. حكايات منال علي
وقفت قدام الكنبة.
بعدين بصت للسفرة.
وراحت قايست المسافة بينهم.
لو حطينا سفرة أكبر هنا… الناس هتعرف تعدي؟
سلمى عقدت حواجبها.
يعني… على حسب حجم السفرة.
ولو ركنة بدل الانتريه؟
هو فيه إيه يا ماما؟
ابتسمت أمينة ابتسامة خفيفة.
ولا حاجة… مجرد بسأل.
لكن الأسئلة ما وقفتش.
أوضة الأطفال دي مساحتها كام؟
الدولاب ده معمول عمولة ولا جاهز؟
السجاد ده مقاس كام؟
كل سؤال

أغرب من اللي قبله.
ولما سلمى سألتها للمرة التالتة
حضرتك بتقيسي ليه؟
ردت بنفس البرود
أصل الواحد لازم يبقى عارف.
عارف إيه؟
ما قالتش.
بعد شوية، جه جوزها كريم من الشغل.
أول ما دخل، أمه قامت حضنته، وناولته علبة بسكويت كانت عاملاله بإيديها.
وحشتني يا حبيبي.
ابتسم كريم.
وإنتِ كمان يا أمي.
ولا حتى سألها…
بتقيسي البيت ليه؟
ولا استغرب وجود متر القياس في إيدها متوفره على روايات واقتباسات
كأن الموضوع عادي.
بعد ما مشيت، سلمى قفلت الباب ورجعت جوزها.
إيه حكاية والدتك النهارده؟
مالها؟
كانت بتقيس البيت كله.
ضحك كريم.
يمكن بتفكر تغير أثاث عندها.
طب تقيس بيتنا إحنا ليه؟
رفع كتفه.
سيبيها يا سلمى… إنتِ مكبرة الموضوع.
كلمة مكبرة الموضوع كانت أكتر كلمة بتضايقها.
لأنها كانت بتسمعها كل مرة تحس إن فيه حاجة غلط.
وللأسف…
في الآخر كانت بتطلع صح.
عدى أسبوع.
والحكاية خرجت من دماغها.
رجعت لشغلها، واهتمت بولادها، وحياتها مشت عادي.
لحد يوم الخميس.
كانت طالعة تنشر الغسيل على البلكونة.
سمعت صوت عربية نقل كبيرة وقفت
قدام البيت.
بصت من فوق.
ولقت اتنين عمال بينزلوا ركنة جديدة، وسفرة ضخمة، ونيش.
استغربت.
أكيد الجيران.
لكن بعد دقيقة…
اتفاجئت إنهم دخلوا من باب العمارة.
طلعت من الشقة تشوف.
العمال وقفوا قدام بابها بالظبط.
خبطوا الجرس.
فتحت لهم.
مدام… فين نحط العفش؟
بصتلهم بعدم فهم.
عفش إيه؟
الراجل فتح ورقة وقال
العنوان هو ده… والدفع كله متسدد.
وقبل ما تلحق تتكلم…
طلع كريم من الأسانسير.
بصلهم وقال بمنتهى الهدوء
اتفضلوا… دخلوه جوه.
اتجمدت سلمى مكانها.
لفت تبصله. حكايات منال علي
يعني إيه يدخلوه جوه؟!
رد وهو بيتجنب يبصلها
بعد ما ندخل العفش… هفهمك.
لكن اللي خلّى قلبها يقف فعلًا…
إن آخر واحد من العمال كان شايل لافتة خشب كبيرة، ملفوفة في كرتون.
طرفها كان ظاهر…
ومكتوب عليها بخط ذهبي
غرفة الحاجة أمينة.
سلمى حسّت إن الدنيا لفت بيها.
غرفة؟
الحاجة أمينة؟
في بيتها هي؟
بصت لكريم…
وكان أول سؤال خرج منها وهي مش مصدقة
إنت… وعدت والدتك تعيش معانا… من غير حتى ما تقولّي؟!
العمال دخلوا العفش وسط صمت تقيل،
وصوت خطواتهم ورجلين الكراسي على الأرض كان بيخبط في أعصاب سلمى قبل ما يخبط في البلاط. والولاد طلعوا

السابق1 من 3
تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى