
لصالة زي الإعصار، وأنا دخلت وراه وقفلت الباب عشان الڤضيحة متبقاش على المشاع، رغم إن صوت طارق بعدها بثواني كان كفيل يسمّع الشارع كله.
المشهد اللي شوفناه في الصالة كان كفيل ېحرق دمي أنا شخصيًا، فما بالك بطارق اللي لسه جايله مكالمة من البنك بتهدده بالحجز!
حماتي الحاجة فوزية كانت قاعدة على الكنبة الكبيرة، وجنبها بنتها التانية هبة، وقدامهم على الترابيزة شنط محلات ملابس مشهورة، وعلبة حلويات شرقي من أغلى محل في البلد، وعلبة قطيفة حمرا مفتوحة فيها غويشتين دهب جداد بيلمعوا تحت نور النجفة! كانوا قاعدين بيتبادلوا الضحك والهزار، وبيقسموا الغنائم كالعادة، في الوقت اللي أنا فوق في شقتي كنت بحسبها بالقرش عشان أجيب لبن وجبنة للفطار!
أول ما الحاجة فوزية شافت طارق داخل بالمنظر ده، وورا منه أنا، غيرت ملامحها بسرعة، وحاولت تخبي علبة الدهب تحت خدادية الكنبة، وقالت بنبرة فيها دهشة مصطنعة
خير يا ابني؟ إيه اللي منزلك من فوق زي المچنون كده؟ هي مراتك سخنتك علينا تاني ولا إيه؟
طارق وقف في نص الصالة، صدره بيطلع وينزل من كتر العصبية، ورفع كشف الحساب البنكي
اللي في إيده ورماه بقوة على الترابيزة، فطار طبق الحلويات ووقعت كوبايات العصير على السجادة الجديدة.
إيه ده يا أمي؟! صړخ طارق بصوت مبحوح من القهر إيه الفلوس اللي بتتسحب من حسابي كل شهر بقالها سنتين ونص دي؟! البنك لسه مكلمني دلوقتي، بيقولي إن عليا متأخرات تمان شهور في أقساط الشقة الجديدة، وإنهم هيفسخوا العقد ويصادروا المقدم اللي شقيت فيه عمري كله! فين الفلوس اللي كنتِ بتسحبيها بالفيزا بتاعتي كل أول شهر عشان تدفعيها للبنك يا أمي؟!
الصالة كلها سكتت فجأة. منال وقفت متجمدة مكانها وطبق الفاكهة في إيدها، وهبة وشها اصفر زي الليمونة، أما الحاجة فوزية فبلعت ريقها بصعوبة، وحاولت تلعب لعبتها القديمة.. لعبة الأم المظلومة اللي ابنها بيعلي صوته عليها.
حطت إيدها على صدرها وقالت بصوت فيه عياط مصطنع
بقى بتعلي صوتك على أمك يا طارق عشان شوية ورق وفلوس؟! أنا اللي ربيتك وكبرتك، جاي النهاردة تحاسبني وتقولي فين الفلوس؟! ما أنا قولتلك إن الدنيا غليت، وإننا بنصرف على البيت الكبير، وإن أخواتك غلابة وظروفهم صعبة!
طارق ضحك ضحكة هستيرية، ضحكة واحد عقله خلاص
هيشت منه، وقرب من الترابيزة وشال الخدادية اللي حماتي خبت تحتها علبة الدهب، ورفع الغويشتين قدام عينيهم كلهم
أخواتي غلابة وظروفهم صعبة يا أمي؟! الغلابة بيشتروا دهب ب 60 ألف جنيه، وشنط وهدوم من مولات، وحلويات بالشيء الفلاني؟! إنتي بتستغفليني يا أمي؟! ده أنا كنت بديكي الفيزا بتاعتي وأنا مغمض عيني، بقول أمي هي أأمن واحدة في الدنيا على شقايا، وتعب غربتي وشغلي ليل نهار عشان أأمن مستقبل بيتي، تقومي تاخدي الفلوس اللي المفروض تروح للبنك، وتوزعيها على بناتك؟!
هنا، هبة أخته الصغيرة، اللي عمرها ما كانت بتسكت، نطت في الكلام بوقاحة وهي بتبصلي بنظرة كلها غل
وإنت زعلان أوي كده ليه يا طارق؟ ما إحنا أخواتك ولحمك ودمك! ولا هي الست هانم مراتك هي اللي ملت دماغك علينا عشان تاخد خيرك لوحدها؟ ما إنت لو كنت بتسأل علينا وتشوف طلباتنا، مكنش زمان أمك اضطرت تاخد من وراك!
في اللحظة دي، أنا ما قدرتش أسكت أكتر من كده. السنين اللي فاتت كلها، والدموع اللي بلعتها، والإهانات اللي استحملتها، كل ده طلع مرة واحدة. اتقدمت خطوة ووقفت جنب طارق، وبصيت لهبة ولأمها ومنال
بقوة عمري ما

