
كنت مستفيدة من وجودي وسطكم.
أنا كنت محتاجة عيلة، مش محتاجة حد يصرف عليا.
وكنت محتاجة كلمة حلوة، مش شقة ولا فلوس.
أتمنى محدش يحاول يوصل لي أو يضغط عليا إني أرجع.
هبة.
أخويا قعد على الكرسي وحط إيده على وشه.
أما أنا، ففضلت ماسكة الرسالة وبعيط.
سماح قالت
يعني هي قاطعة علاقتها بينا عشان شوية كلام؟
بصيت لها وقلت
لأ يا سماح، مش شوية كلام. دي سنين من الإهانة.
ردت
طب ما كلنا بنهزر!
قلت لها
الهزار اللي بيخلي صاحبه يضحك واللي قدامه يعيط اسمه إهانة، مش هزار.
سكتت.
عدت شهور، وكل واحد فينا بدأ يشوف
نتيجة اللي عمله.
أخويا حاول يتصل بهبة أكتر من مرة، لكنه في الآخر بطل لما عرف إنها مش عايزة تواصل.
وبعد فترة، عرفنا إنها بدأت تشتغل في محل ملابس قريب من بيت أهلها، وبقت بتخرج وتقابل ناس وتعيش من غير ما تستنى حد يديها إذن إنها تنزل أو تقعد.
أهلها كانوا فرحانين إنها رجعت وسطهم، وأمها قالت لأخويا في مكالمة أخيرة
بنتي مش عايزة منكم حاجة، بس سيبوها تعيش.
أما سماح، فحصل بينها وبين أخويا خلافات كبيرة.
كان
كل ما يفتكر مساعدة هبة القديمة، يسألها عن المصاريف اللي كانت بتدفعها، وهي ترد بعصبية إنها مش مسؤولة عن حد.
وبدأ أخويا يحاسبها على كل كلمة كانت بتقولها لهبة، خصوصًا إنه افتكر إنها كانت بتشاركه الضحك والتريقة بدل ما توقفه.
وفي الآخر، قرر يبعد عن الخناقات دي، ويخلي كل واحد يتحمل نتيجة تصرفاته.
أما أنا، فكان أصعب عقاپ ليا إني بقيت كل ما أسمع صوت حد على السلم، أبص ناحية الدرابزين.
كنت بتخيل هبة واقفة هناك، بنفس عينيها المليانة كسرة، ومستنية حد يقول لها تنزلي تقعدي معانا.
بس المرة دي مكنش فيه حد فوق.
الشقة اتقفلت، ومفتاحها مبقاش معانا، والست اللي كنا بنعتبرها زيادة عن اللزوم بقت بعيدة عننا تمامًا.
وفي يوم، وأنا راجعة من السوق، شوفت ست شبهها ماشية في الشارع، شايلة كيس خضار وبتضحك مع بنت صغيرة.
جريت خطوتين وراها، لكن لما قربت اكتشفت إنها مش هبة.
وقفت مكاني، وحسيت بغصة كبيرة.
رجعت البيت، وطلعت على السلم لحد الدور التاني.
وقفت قدام باب شقتها القديم، وحطيت إيدي على الباب.
افتكرت كل مرة كانت
بتنزل فيها عشان تسألني محتاجة حاجة، وكل مرة كنت برد عليها ببرود.
افتكرت آخر مرة طلبت مني دقيقتين لوحدنا.
دقيقتين بس!
كنت ممكن أسمعها، وأطمنها، ويمكن كانت تفضل حاسة إن ليها عيلة.
لكن أنا اخترت الضحك مع الباقيين.
نزلت وأنا بعيط، ولما دخلت الصالة لقيت أخويا قاعد لوحده.
قلت له
فاكر هبة؟
رد من غير ما يبصلي
كل يوم.
قلت
تتخيل إنها كانت بتبص علينا من السلم وتتمنى ننادي عليها؟
غطى وشه بإيده وقال
إحنا ظلمناها يا أختي.
وسكتنا.
من يومها، مبقتش أضحك لما أشوف حد قاعد لوحده، ومبقتش أتكلم عن عزوة أو سند قدام أرملة أو ست فقدت جوزها.
لأننا اكتشفنا متأخر إن الإنسان ممكن يكون محاط بعشرات الناس، وبرضه يحس إنه وحيد.
لكن أكتر حاجة وجعتني، إن هبة خرجت من حياتنا من غير ما تطلب اڼتقام، ولا فلوس،
ولا حتى اعتذار… وسابتنا نعيش مع ذكريات كل مرة كسرنا فيها خاطرها.
وإحنا اللي كنا بنضحك لما كانت بتستخبى مننا على السلم، بقينا كل ما نبص للسلم نفتكر إن فيه إنسانة كانت بتتمنى تنزل تقعد وسطنا… وإحنا اللي حرمناها من
أبسط حق ليها إنها تحس
إنها مش غريبة في بيت أهل جوزها.
