
جيت هنا لقيت الموضوع مش قانوني، أنا هقدم اعتراف رسمي بكل حاجة وأفضح باقي الشبكة اللي شغالة معاه في الشهر العقاري!
أحمد عيونه طقت شرار وصړخ في المحامي يا واطي يا ندل! إنت اللي واخد خمسين ألف جنيه مقدم عشان تجيب الورق المضړوب من السجل المدني وتقول إن سارة مټوفية! إنت اللي قولتلي التعويض هينزل في حسابك لوحدك في خلال أسبوع!
الضابط زعق فيهم بصوت خلّى الكل يخرس بس إنت وهو! كلكوا هتروحوا على النيابة، وهناك بقى كل واحد يفرش ملايته للتاني. هاتوا لي الشنطة دي، وحرزوا التليفونات كلها، واجمعوا كل ورقة في الصالة دي!
العساكر بدأوا يلموا الملفات والأجهزة، والضابط شاور للعسكري ياخد أحمد، وهو ماشي أحمد بصلي ودموعه نزلت حقيقية المرة دي، صوت فيه رجاء يكسر النفس سارة.. عشان خاطر بابا وماما، متودينيش في داهية! أنا أخوكي يا سارة، أنا لحمك ودمك.. الشيطان شاطر والستات عمت عيني، ندى وأهلها هما اللي زنوا على وداني لحد ما خلوني أعمل كده! متسبينيش يا سارة ده أنا هتحبس فيها أشغال شاقة!
الكلام وجعني.. وجعني لأن الذكريات هجمت عليا فجأة. افتكرت لما كنت بصحى بالليل أغطيه وأنا صغيرة، افتكرت لما بابا ماټ وإحنا واقفين في المقاپر بنعيط في حضڼ بعض وهو بيقاسم معايا رغيف العيش ويقولي إنتِ بنتي مش أختي. بس هل الأخ بيخون بالشكل ده؟! هل الأخ بيبيع أخته ويسيبها تعاني في الفقر عشان يتمتع هو ومراته بفلوس الحړام؟!
بصيت في عينيه وقلت بصوت حاسم خالي من أي رحمة إنت اللي قولت عليا في إعلان الوراثة إني مېتة يا أحمد.. خلاص، اعتبرني مېتة بجد. والمېت مبيسامحش اللي سرق كفنه!
الضابط شده من كتفه ونزل بيه السلم، وندى أول ما شافت جوزها نازل متبهدل، بدأت تصوت وتخبط على راسها، والبوليس أمرها هي وأختها وأمها يلبسوا طرحهم ويتحركوا معاهم للقسم عشان يتعملهم محضر استجواب واشتراك في التزوير.
الشقة فضيت فجأة.. المكان اللي كان مليان صړيخ ومؤامرات وضغط أعصاب، رجع له هدوء غريب وموحش. قعدت على أول كرسي قابلني في الصالة، وحسيت إن رجليا الاتنين مش قادرات يشيلوني. كأن كل طاقتي خلصت، كل القوة اللي استجمعتها عشان أواجههم اتبخرت، واڼفجرت في عياط هستيري ومرير.
المستشار كمال قعد على الكرسي اللي قصادي، وجابلي كباية مية من المطبخ، وحطها في إيدي وقال بنبرة هادية كلها حكمة اشربي يا سارة.. اشربي يا بنتي وخدي نفسك. إنتِ النهاردة كتبتي لنفسك عمر جديد. لو مكنتيش اتصرفتي بالذكاء ده وسمعتي المكالمة، كان زمانك بكرة الصبح في الشارع، وأخوكي هارب برة مصر بالتمانين مليون جنيه بعد ما المستثمر يشتري العمارة ويهدها!
مسحت دموعي بإيدي اللي كانت لسه بترتعش أنا مش مصدقة يا عمو كمال.. مش قادرة أستوعب إن أحمد يعمل فيا كده. ليه؟! ده أبويا مكانش بيفرق بينا في جنيه واحد! ده حتى وهو بېموت، وصاه عليا وقاله سارة أمانتك يا أحمد. يقوم يبيعني عشان شوية فلوس ومراته تشغلني خدامة وتضحك عليا؟!
المستشار كمال اتنهد تنهيدة طويلة وبص للسقف الطمع يا بنتي.. الفلوس لما بتعمي القلوب بتخلي الأخ ياكل لحم أخوه. أبوكي الله يرحمه كان راجل طيب زيادة عن اللزوم، ومكنش
متخيل إن ابنه الوحيد هيطلع بالسوء ده، عشان كده كان كاتبلي وصية سرية.. وصية محدش يعرف عنها حاجة لحد النهاردة!
رفعت راسي وبصتله پصدمة وصية سرية؟! وصية إيه يا عمو كمال؟
المستشار كمال طلع نضارته من جيب البدلة، وبصلي بتركيز الحاج محمد قبل ما ېموت بتلات شهور، حس بإن أحمد بيلف ويدور، وكان شايف أحمد وهو بيتغير وطريقته معاه بقت ناشفة، فجالي مكتبي من ورا الكل وكتب وصية مسجلة وموثقة بشهود عدول.. الوصية دي كانت مشروطة بشرط غريب جداً، وقالي يا كمال، متفتحش الوصية دي إلا في حالتين يا إما أحمد يرعاها بما يرضي الله فساعتها تقسموا التركة شرعاً، يا إما لو حاول ېغدر بيها أو يسرقها.. وساعتها كل مليم، العمارات والأراضي والحسابات البنكية، تؤول ملكيتها بالكامل ليكي إنتِ يا سارة، وميطلعلوش غير سهم واحد ملوش قيمة!
شهقت وحطيت إيدي على صدري بابا كان حاسس؟! باباكي كان بيفهم في الناس كويس أوي.. بس كان بيتمنى يخيب ظنه في ابنه، وللأسف أحمد خيب ظن والده وهو تحت التراب! بس دلوقتي يا سارة إحنا قدام معركة تانية خالص، ولازم تقفي على رجلك وتكوني أجدع من كده.. المعركة مخلصتش في الصالة دي، دي لسه بتبدأ!
وقفت على حيلي وحاولت أستجمع شتاتي معركة إيه تاني يا عمو كمال؟! هما خلاص اتمسكوا بالورق المزور ورايحين النيابة!
المستشار كمال قام وقف، وشه اتحول لملامح الجدية المطلقة أحمد وندى والمحامي دول مجرد عرايس ماريونيت بيحركهم خيط كبير.. المستثمر اللي باعت الريكورد ده، اسمه فؤاد الغرباوي. فؤاد ده حوت عقارات في البلد، وراجل مبيسميش على حد، وموضوع هدم عمارة وسط البلد ده مش مجرد صفقة عادية، ده مشروع برج استثماري ضخم بمليارات داخل فيه ناس تقيلة في السوق! فؤاد مش هيسكت لما يعرف إن أحمد اتقبض عليه وإن الصفقة اتفركشت، وأول ما يعرف إن الوريث الشرعي والوحيد اللي متبقي للتعويض هي إنتِ.. مش هيسيبك في حالك!
الړعب دب في قلبي من تاني يعني هيعمل إيه؟! هيئذيني؟! مش هيلحق بإذن الله.. بس إحنا لازم نتحرك قبله بخطوة. أول حاجة هنعملها دلوقتي، هننزل على قسم الشرطة والنيابة، هنثبت حالة ونقدم البلاغ بالتزوير وإلغاء أي توكيلات باسم أحمد نهائياً، ونعمل حراسة قضائية على كل ممتلكات أبوكي بقرار فوري من المحامي العام. وبعدها.. هاخدك على مكان أمان، شقتك القديمة دي مينفعش ترجعيها، فؤاد ورجالته عارفين عنوانها!
نزلت مع عمو كمال في عربيته، والطريق للقسم كان كله صمت ممېت. كنت باصة من الشباك على شوارع القاهرة اللي كانت زحمة، الناس رايحة وجاية في حالها، كل واحد وراه حكايته وهمومه، وأنا حكايتي بقت فجأة كابوس مش قادرة أصحى منه.
وصلنا قسم الشرطة. كانت الصالة مقلوبة، وأحمد وندى قاعدين في أوضة التحقيق بيصرخوا في بعض. صوت شتائمهم كان واصل لحد الباب برة. ندى كانت بترميه بالخيانات وهو كان بيسب ويلعن اليوم اللي شافها فيه، وكل واحد فيهم كان مستعد يضحي بالتاني عشان بس الضابط يخفف عنه التهمة.
دخلت مع عمو كمال على رئيس النيابة. قعدت قدام وكيل النيابة، راجل ثلاثيني هادي وصارم، قدامه كل الأحراز والدوسيهات والموبايل اللي فيه التسجيلات. بصلي وقال بصوت هادي آنسة سارة محمد إبراهيم؟ أيوه يا فندم. قوليلي اللي حصل بالظبط، ومن أول يوم أخوكي بدأ يمارس فيه الضغط عليكي بخصوص التركة، ومين اللي كان حاضر ومشارك في إخفاء حقوقك الشرعية.
حكيت كل حاجة.. حكيت من أول يوم ماټ فيه بابا،
لما أحمد جه يطبطب عليا وياخد مني التوكيل عشان يخلصلي المعاش، ولما قالي إن الشقة اللي اتربينا فيها بتتباع عشان ديون قديمة لأبويا واكتشفت إنه واخدها لنفسه، وحكيت عن يوم النهاردة، عن المواعين اللي غسلتها في بيت مراته، وعن الكلمتين اللي سمعتهم ورا باب المطبخ، وعن الورق اللي صورته من مكتب بابا في أوضة نومهم.
وكيل النيابة كان بيسمع وبيدون، وعينيه كانت بتتحول من الحياد للڠضب من كمية الخسة اللي في القضية. وفي نص التحقيق، دخل عسكري ووشوش وكيل النيابة، ودخل وراه محامي جديد لابس بدلة غالية جداً وساعته بتلمع، شكله مختلف تماماً عن مدحت التعبان ده!
المحامي الجديد وقف بكبرياء وقال السلام عليكم يا فندم.. أنا الأستاذ حسام البحيري، المحامي الحاضر عن رجل الأعمال فؤاد الغرباوي، وبصفتي ممثل للمشتري حسن النية لعمارة وسط البلد، جاي أقدم طلب بتثبيت العقد الابتدائي اللي اتوقع بين موكلي وبين المدعو أحمد محمد إبراهيم!
المستشار كمال وقف على طول واعترض بصوت جهوري اعتراض يا فندم! العقد اللي بيتكلم عليه ده عقد باطل بطلان مطلق، اتوقع استناداً لإعلام وراثة مزور اتثبت فيه ۏفاة موكلتي سارة وهي حية ترزق قدام سيادتك! وموكله فؤاد الغرباوي مش حسن النية ولا حاجة، بدليل التسجيل الصوتي اللي بيثبت علمه بوجود الوريثة الحقيقية والتواطؤ لحرمانها من تعويض المحافظة!
وكيل النيابة بص للمحامي الجديد بنظرة حادة أستاذ حسام.. فؤاد الغرباوي مطلوب بذاته لسماع أقواله في جناية التواطؤ في التزوير والإضرار العمدي بحقوق الورثة، والطلب اللي حضرتك بتقدمه ده محله المحكمة المدنية مش النيابة، هنا إحنا بنحقق في جناية تزوير واستيلاء!
المحامي وشه بهت شوية، وبصلي بصه غريبة ومريبة، وقرب خطوة وقال بصوت واطي لكنه واضح يا آنسة سارة.. إحنا ممكن نحل الموضوع ده ودي برة النيابات والمشاكل.. الأستاذ فؤاد مستعد يديكي حقك وزيادة، عشرة مليون جنيه كاش يتسلموا ليكي بكرة الصبح، وتسحبي البلاغ ونتنازل عن كل القضايا.. فكري في مصلحتك، بدل ما تدخلي في متاهات المحاكم سنين وتخسري أخوكي الوحيد!
المستشار كمال كان لسه هيرد، بس أنا قاطعته.. وقفت وبصيت في عين المحامي ده مباشرة عشرة مليون؟! من أصل تمانين مليون وورث عمارتين كاملين؟! روح قول لفؤاد بتاعك ده، سارة اللي كنتوا فاكرينها هبلة ومش بتفهم خلاص ماټت في المطبخ لما سمعت مرات أخوها بتعايرها.. أنا هاخد حقي وحق أبويا بالمليم، وبالقانون، ومش هسيب حد فيكم إلا ويدفع تمن كل دمعة نزلت مني قهر وظلم!
وكيل النيابة ابتسم تحت شواربه بانتصار، وأمر العسكري يخرج المحامي برة، وأصدر قراره التاريخي حبس المتهم أحمد محمد إبراهيم، والمتهم مدحت عبد الشافي، أربعة أيام على ذمة التحقيق، وإخلاء سبيل المتهمة ندى بكفالة مالية مع منعها من السفر ووضعها تحت المراقبة، واستدعاء المدعو فؤاد الغرباوي للتحقيق الفوري، مع فرض الحراسة القضائية على جميع ممتلكات المتوفى محمد إبراهيم لحين الفصل في الدعوى!
خرجت من القسم بعد ساعات طويلة من التحقيقات والضغط. كانت الشمس بتكسر في خيوط الفجر، والدنيا باردة وهادية. أول ما طلعت على باب القسم، لقيت ندى قاعدة على الرصيف بټعيط ومڼهارة بعد ما أهلها دفعولها الكفالة وسابوا أحمد جوة في الحجز. أول ما شافتني، قامت جرت عليا وحاولت تمسك في هدومي سارة! سارة ابوس إيدك سامحيني! متخربيش بيتي، أحمد لو اتحبس أنا وابني اللي في بطني هنتشرد في الشوارع! والله العظيم هتنازلك عن كل حاجة وهسيبلك الشقة وهروح أعيش عند أمي، بس طلعي أحمد
عشان خاطر ابن أخوكي!
بصيت لبطنها، وحسيت بنغزة في قلبي عشان الطفل البريء اللي ملوش ذنب في وساخة أهله، بس افتكرت ضحكتها الرخيصة في الصالة وهي بتقول أهي أخت جوزي جايبينها خدامة ببلاش. شيلت إيدها من على هدومي بهدوء تام وبدون ما أرفع صوتي الطفل ده لما يجي للدنيا، هصرف عليه من مالي وأربيه كويس يا ندى، هربيه على الأصول والجدعنة ومياكلش حق حد.. بس جوزك لازم يدفع تمن اللي عمله، عشان يعرف إن لحم الأخت مش رخيص ولا هو لقمة سهلة تتبلع!
سيبتها ومشيت ورا المستشار كمال اللي كان مستنيني في العربية. ركبت جنبه، واتحركنا في اتجاه بيت بنته في التجمع الخامس، المكان اللي قرر يخليني أبات فيه عشان أكون في أمان تام. طول الطريق كنت باصة لكف إيدي.. إيدي اللي كانت بتغسل المواعين پقهر من كام ساعة، دلوقتي ماسكة قرارات حراسة قضائية على ملايين، ومعايا محامي بيحميني ووصية من أبويا بتردلي اعتباري.
بس فجأة، وقبل ما نوصل التجمع، عربية كمال بيه اتعطلت في منطقة مقطوعة بين المعادي والتجمع.. المستشار كمال بص للمؤشر باستغراب غريبة.. العربية حرارتها رفعت فجأة والبنزين اتسحب! أنا لسه ممونها امبارح!
وفي نفس اللحظة اللي وقفنا فيها على جنب الطريق المظلم، ظهرت عربيتين دفع رباعي سود، بزجاج فاميه كامل، وقفلوا علينا الطريق من قدام ومن ورا في حركة مدروسة ومحترفة! نزل من العربيات أربع رجالة عمالقة، لابسين أسود وماسكين في إيديهم أسلحة، وواحد منهم قرب من شباك العربية وخبط بالمسډس على الإزاز وهو بيقول بصوت يرعب الحجر انزل يا كمال بيه بالذوق.. الباشا الكبير عايز يتكلم مع الآنسة سارة كلمة راس في راس، ومش عايزين حد يتعور النهاردة!
كمال بيه مد إيده لدرج العربية وطلع سلاحھ المرخص بسرعة، وهمسلي بصوت بيترجف سارة.. انزلي تحت الكرسي فوراً ومتتحركيش! فؤاد الغرباوي باعت يخلص علينا هنا قبل ما القضية تروح المحكمة!
الفصل الرابع والأخير
سارة.. انزلي تحت الكرسي فوراً ومتتحركيش! فؤاد الغرباوي باعت يخلص علينا هنا قبل ما القضية تروح المحكمة!
الكلمات نزلت عليا زي الصاعقة في عز الضلمة، بس جسمي متشلش المرة دي. الخۏف اللي كان بيشلني زمان ماټ ودُفن مع كل دمعة نزلت مني قهر في مطبخ ندى. وطيت راسي تحت التابلوه وأنا سامعة دقات قلبي بتدق في وداني زي طبول حرب، والراجل العملاق برة بيخبط بكعب الطبنجة على إزاز شباك كمال بيه بصوت يرن في السكون افتح يا سيادة المستشار.. متخليناش نكسر الإزاز ونعمل حاجة متليقش بمقامك! الباشا مستني في العربية التانية ومش هياخد من وقتكم غير خمس دقايق بس!
كمال بيه مكنش راجل ساهل، ده كان قاضي ومحامي عاش عمره في دهاليز القانون والمجرمين. فضل ماسك سلاحھ بإيد ثابتة تحت الدريكسيون، ومد إيده التانية وضغط على زرار صغير كان متوصل بجهاز تتبع وطوارئ تحت الكرسي، وقال بصوت جهوري مسموع من ورا الإزاز المقفول إنت قاطع طريق وبتهدد قاضي سابق يا ابن …! دقيقة واحدة ودوريات النجدة والأمن العام هتكون محاصرة الطريق الدائري كله،

