…وجد صغيره يتسلق أعلى كتفيه وهو يجلس مع الطفلين يمازحهم ويلاعبهم بمرح وهو في قمة سعادته فتارة يركض خلفهم وتارة أخرى يقفزان عليه ويسلكماه بكفيهما ويضحكان بصوت مرتفع وسط اللهو والألعاب الإلكترونية الشيقة. أمسك طفله زين وهو يقهقه بطفولية ليهبط عالفراش.
أخذ يدغدغ فريد ليصدر عنه ضحكات متعالية من فمه ليقول: خلاص يا هههه خلاص هههه خلاص يا عمو فارس خلااص ههههه.
اردف زين بمشاكسة: عمو إيه اسمه فارس عادي جداً.
قبض على عنق طفله بين مرفقه ليهتف بمزاح: اتلم يلا ياللي التربية معدتش على باب بيتكم.
زين بضحك: هههه خلاص يا بابي ههههه.
اردف فريد: فارس عايزين فشار وكولا.
رفع إحدى حاجبيه ناظراً لصغيره: خلاص بوظت أخلاق الواد وأرتحت.
استند زين بظهره على حافة الفراش واضعاً ساقاً على الأخرى: متضيعش وقت وقوم بقا علشان فيه روبانزل هيبدأ بعد عشر دقايق.
قبض على ياقة قميصه البيتي: ولا نفسك، أنا مستحملك علشان بيقولوا إنك ابني، وبعدين روبانزل دي للبنات.
انزل كفي أبيه بغرور: متكبرش الموضوع يا فارس، وأه دي للبنات، صاحبتي رانسي في الحضانة قالتلي لازم تشوفها.
احتدت نظرات فريد وهو يرمق زين بنظرة طفولية: أنا مش قولتلك ميت مرة ملكش دعوة برانسي، هي بتلعب معايا أنا وبس.
كاد أن ينهض الطفل المشاكس لكن أبعدهم فارس بذراعيه صارخا: باااس، اللي مش هيقعد ساكت مش هياكل فشار، اتنيلوا اترزعوا… نهض وهو يتمتم بغيظ… ناس ليها حب وسفر، وناس ليها عيال، طبعا تلاقي عاصم بيه هايص.
…بعد خمس دقائق خرج فارس من المطبخ القابع بمنزله القديم قبل الزواج وهو يحمل طبقاً زجاجياً كبيراً مملوءاً بالحبوب والتسالي اللذيذة متجهاً للطفلين ليجدهم غارقين في النوم ببراءة، فابتسم عليهم واتجه ليعدل من نومتهم الضحكة ويضع الغطاء عليهم، فسمع صوت الباب التابع لشقته. جعد بين حاجبيه بدهشة ونظر لساعة يده ليجدها الثانية عشرة صباحاً: مين ده اللي هيجي دلوقتي… فتح الباب ليجد من يدفعه بقوة في صدره، ولم تكن سوى رغد التي تحط في الشقة بهياج وكأنها تبحث عن شيء ما، بينما هو يتابعها بصمت مذهول لفعلتها، أما هي ففكرت في أن قد تكون تلك المرأة تقبع معه في هذه الشقة حيث إن زواجهم غداً والأدهى أن يكون طفلها مع تلك الحية يلعب ويلهو، لكن في الحقيقة شعورها بالغيرة هو من يملكها بشدة.
فتحت باب الغرف لتجد الطفلين نائمين، فاعتدلت باحثة للخارج ليقابلها فارس مكتف الذراعين يرمقها بتهكم: خلاص خلصتي تفتيش، ارتحتي أما لقيتيش ستات؟ ابتلعت لعابها بخجل لتهتف: ستات!! ستات إيه، أنا كنت جاية أخد ابني وأروح قلقت عليه. ابتسم بجانب فمه ليقترب منها مردفاً: ستات زي مها مثلاً… تنهد ليقول ببرود… عموماً متقلقيش، لسه مها هتيجي الشقة بكره بعد الفرح وساعتها هتاخدي الولاد عندك علشان إنتي عارفة هنكون عرسان بقا. احمر وجهها من شدة الغضب لتهتف: أوك اشبع بيها، بس هتطلقني قبلها يا فارس. ربت على وجهها بخفة: أكيد طبعا، وهي مها مش هتقبل تتجوزني وأنا متجوز غيرها… أحم، قبل ما أكتب كتابي هكتب ورقة طلاقك.
تجمعت العبرات بعيونها العسلية لتردف بنبرة حزينة: هتطلقني قدام الناس كلها يا فارس… ابتلعت غصة في حلقها لتخبره… أنا كان عقلي فين أما وافقت أتجوزك؟ كان فين أما صدقت عيونك وهما بيحلفولي إنهم مش هيخونو ابدا وإني الوحيدة اللي في حياتك؟ هههه كنت غبية ولا أنا اللي طيبة بزيادة وأنتوا اللي مش بشر… عموماً اعمل اللي عاوزه، أنت لان على قد ما حبيتك على قد إني مش هقدر امنعك عن سعادتك، ولو هي مع مها أو غيرها فمبروك.
خنجر غرس في أعماق صدره يمزق قلبه من الداخل، لا ينكر أن حديثها جعله يخجل من تصرفه تجاهها، ولكن ما باليد حيلة فلابد من تصحيح الأخطاء. تنهد بصبر ليردف: إنتي لو حبيتيني لحظة مكنتيش هتتخلي عني بسهولة كدة لأي واحدة، كنتي هتتمسكي بيا. شهقت من بين دموع قلبها النازف داخليا لتقول: مبعرفش أعبر عن حبي بأقوال يا تحس بحبي ليك بالأفعال يا إما متصدرش أحكام، لو كنت بتعرف تحب كنت عرفت أن العشق مش أنانية، إنه مش قضية حب واستعباد وسجن للي بتحبه، بالعكس العشق حرية وراحة نفس وسعادة، فلو مش هتحس معايا بكل ده وهتحسه مع غيري فأنا مش هجبرك جوة سجن عشقي ليك وهقولك اتفضل عيش سعادتك، أنا بحرررنسي من سجن حبي ليك… عن أذنك لازم امشي… اتجهت لباب المنزل لتفتحه.
ثانية اثنان ثلاثة يحاول فيها ترتيب واستيعاب قولها وكلماتها الذي يعلم جيداً أنها تنزف من فم وتينها المكسور، ليتجه بسرعة يغلق الباب بكف واحد محتجزاً إياها بين ذراعيه قائلا: متمشيش استني… استفاق لقوله فهتف بحرج.. أحم، قصدي الوقت اتأخر، خليكي هنا النهاردة إحنا كبار كفاية وعاقلين ومش هقرب منك. حررها من ذراعيه ليتجه للداخل فأردفت بحسرة: مفيش راجل بيبقى عاقل مع الست اللي بيحبها. تجمد محله وزاغت عيناه ليتمالك نفسه معتدلاً يقول ساخرا: ده لو كان فعلا بيحبها.
…..تجهيزات حفل الزفاف كانت تسير كما خططت لها مها بعناية والابتسامة لا فارق وجهها الماكر حيث تجلس أمام المرآة في منزلها البسيط وأخصائية التجميل التي أرسلها لها فارس مع فستان الزفاف الملكي لكي تزينها باحتراف عالي فغيرت هيئتها بالكامل لتصبح جميلة للغاية، ولكن هذا لا يستطيع إخفاء حقارة تفكيرها الخبيث. اتجهت لها صديقتها الماكرة ترمقها بحسد لكن تخفيه بابتسامة قائلة: مبروك يا ميهو، جميلة يا قلبي والله ونولتي يا بت. اعتدلت لها تناظرها بتفاخر وتكبر: الله يبارك فيكي يا الين عقبالك ولأني عارفة مش هتقدري توصلي لعريس زي فارس.. اعتدلت لتكمل زينتها قائلة… أنا مش عارفة فروسيتي أعمل الفرح في الصبح ليه، وكمان إني أجهز في بيت خالي مش الفندق اللي فيه الفرح.
رمقتها بكره وحقد لفعلتها لتقول بهمس: فروسيتك ياللي أمك كانت بياعة جبنة… أردفت بصوت جهوري… يمكن عاوز يخرجك من بيت أهلك ويشرفك زي الملكة يا حبيبتي. كادت أن تتحدث لكن وجدت الهاتف يعلو صوته فوجدته زوجها المستقبل ليجيب بسعادة: حبيبي خلصت لبس؟ كان هو يجلس نصف جلسة على الفراش ويعبث في خصلات رغد النائمة بدموع عينيها أنه قضي ليلته يحتويها بين ذراعيه فلم يستطع النوم بعيداً عنها ليردف بمكر: أه طبعا يا روحي لبست بس اخرجي البلكونة اتفرجي على أحلي مفاجأة في عمرك يا حياتي. نطقت بفرحة بلهاء: بجد عامل لي مفاجأة؟ قهقه بتهكم: هو أنا عمري كدبت عليكي يا مها.. سلام يا قلبي… أغلق الهاتف ليردف بضحك عالي… تعيشي وتأخذي غيرها، مش فارس الحديدي اللي يتضحك عليه هههههههه.
اعتدلت رغد بعد أن سمعت مكالمته لتهتف: أنت عملت لها مفاجأة كمان يا خاااين يا بتاع الستات…. أخذت تضربه بقبضتيها الصغار على صدره. كبلها بذراعيه ليقبل وجنتها بحب: أمممم عامل لها أحلي صفقة… صباح الخير يا رغدي. حاولت التملص بعيداً عنه لكنه كان كالصخر: ابعد عني وروحلها يا عريس. تعالت ضحكاته بقوة على غيرتها الواضحة: عمري ما خنتك يا رغد، أنا عمري ما حبيت غيرك. هدأت قليلاً لتردف بطفولية: عارفة إنك مش خنتني… ثم رفعت خصلة هاربة خلف أذنها. قبل أذنها بعشق ليقول بمشاكسة: عرفتي إزاي يا شقية؟ سمعت بنت خالها بتتكلم في المكتب بس.. بس استنيت أنت تقولي بنفسك، بس أنت روحت خطبتها وخنتني… قالتها وعيناها مدمعتان. تألم لنهيها وأزال عبراتها بأنامله ليهتف: مكنش ينفع أرجعلك إلا أما أخد حقي منها وأردلك كرامتك قدام نفسك، وكمان تعرفي إني ما خنتك… وضعت أناملها على فمه: أنا عمري ما شكيت فيك، بس اعذرني ده من حبي ليك و غيرتي عليك يا فارس.
هنقضيها كلام ولا إيه زي مانت عارفة أنا عريس النهاردة بقا يا عروستي. احتوته بأحضانها لتغرق معه ببحر عشقهما.
………………………………… …أما عند تلك الحية المتكبرة بعد أن أغلقت الهاتف اتجهت لشرفة غرفتها لتجد شاشة كبيرة بيضاء بعرض نصف شارعها وتجمع هائل في الأسفل، فابتسمت بغرور للجميع لتقول لصديقتها: شوفتي فروسيتي عامل لي مفاجأة! تكمله جملتها وفتحت الشاشة لتجد ذلك الفيديو المصور في الفندق وهي بين أحضان فارس فشهق الجميع من إضاءة المشهد بينما صورة فارس غير واضحة أبداً، وبعد انتهاء الفيديو وجد تسجيل بصوت فارس يقول فيه: [ أنا آسف يا مها أنا مقدرش أتزج واحدة كانت على علاقة برجالة قبلي، أنا راجل عندي كرامة وأنتي خاينة ومش من مستوايا الاجتماعي، ومفرقش معايا لكن توصل لكدة فأنا راجل ليا سمعتي واسمي ومقبلش أتزوج واحدة أخلاقها كدة، وعموماً باتمنالك التوفيق مع واحد أحسن مني ].
…أغلقت الشاشة أخير ليشهق الجميع وتتعالي أصواتهم بالحديث عن تلك الخبيثة بأنها عاهرة ودون دين أو أخلاق، وقررو اقتحام منزل خالها ليضربوها أو يطردوها من منزلها حتى لا تلوث منطقتهم النظيفة، بينما هي بالأعلى تلطم وجهها بشدة وقوة ودموعها تهطل بغزارة، ففارس دمرها كلياً وانتقم منها وفي ذلك اليوم أمام الجميع، فأخذت تصرخ بعنف وهي تسقط على ركبتيها أمام صديقتها التي ابتسمت بتشفي بها. صرخت بأعلى صوتها: يا فضيحتي يا مصيبتي منك لله يا فارس منك لله، الحقيني يا الين الحقيني. رمقتها باحتقار: وأنا مالي يا اختي أنا من النهاردة في طريق وأنتي في طريق، أنا مليش في الأشكال دي…. اتجهت للباب لتخرج لكن سمعت صوت إصدار رسالة على هاتف مها فتناولته لتقرأها فوجدت فارس يكتب: [ تعيشي وتأخذي غيرها مش فارس الحديدي اللي يكون تسلية في إيد اللي زيِك.. واحدة بواحدة أنت حاولتي تفضحيني قدام مراتي علشان أسيبها وأنا فضحتك قدام العالم كله سلام يا عروووسة ]. القت لها الهاتف وهي تضحك: دي دي رسالة من عريس الهنا هههههههههه.
