روايات وقصص

حماتي واخوات جوزي حكايات بسمه

حماتي وأخوات جوزي كانوا بيقسموا مرتبي بينهم كل شهر كأنه ورث أبوهم! واحدة تاخد مصاريف بيتها والتانية تاخد تمن علاجها، ولما اعترضت قالولي بكل بجاحة إنتِ فلوسك هي فلوس أخونا، ومكنتش أعرف إن يوم ما جوزي هيعرف هما بيعملوا إيه بفلوسه هو كمان، هيقلب عليهم الترابيزة!
من أول يوم اتجوزت فيه وأنا بشتغل وبتعب في شغلي من الصبح لليل عشان أساعد جوزي ونبني مستقبلنا سوا.
لكن للأسف، حماتي وبناتها كانوا شايفين إن مرتبي ده حق مكتسب ليهم هما، مش ليا أنا وجوزي!
كل أول شهر، وقبل حتى ما أقبض الفلوس في إيدي، ألاقي حماتي داخلة عليا شقتي ومعاها بناتها، وبيقسموا المرتب بالورقة والقلم.
واحدة تقولي هاتي ألفين جنيه عشان دروس العيال، والتانية تمد إيدها وتقول وأنا عايزة تمن العلاج والكشف بتاع الشهر ده.
وحماتي تاخد الباقي بحجة إنها بتشيله للزمن أو بتجيب بيه طلبات للبيت الكبير!
كنت برجع بيتي آخر الشهر ومفيش في شنطتي ولا مليم، لدرجة إني كنت بستلف عشان أجيب لنفسي حاجة شخصية أو أشتري لبس.
ولما فاض بيا الكيل وقررت أتكلم وأعترض، لقيتهم كلهم هجموا عليا،

وحماتي بصتلي من فوق لتحت وقالتلي ببرود
إنتِ بتتكلمي في إيه يا بنتي؟ إنتِ وفلوسك ملك لأخونا، وإحنا أهله وأولى بخيره من الغريب!
كنت بسكت وببلع القهرة في قلبي عشان خاطر جوزي، وعشان معملوش مشاكل مع أهله وهو راجع تعبان من شغله.
والغريب إن جوزي طول الوقت كان بيشتكي من ضيق الحال، وبيستغرب الفلوس بتروح فين، وأنا كنت فاكرة إنه عارف باللي أمه وأخواته بيعملوه معايا وساكت بمزاجه!
لكن في يوم من الأيام، حصل موقف مكنش على بال حد فينا…
موقف كشف المستور، وخلّى الحقيقة كلها تبان على أصلها.
كنت قاعدة في أوضتي، وسمعت صوت جوزي بيتكلم في التليفون في الصالة بصوت واطي، وكان باين عليه الصدمة والذهول.
خرجت أشوف في إيه، لقيته ماسك كشف حساب بنكي في إيده، ووشه أحمر من الڠضب وعروقه نافرة!
بصلي بنظرة كلها ذهول وقالي
إنتِ كنتي عارفة إن أمي وأخواتي بيسحبوا من الفيزا بتاعتي كل شهر بحجة إنهم بيدفعوا أقساط الشقة؟!
اټصدمت من كلامه، وقلتله والدموع في عيني
أقساط إيه؟ ده هما بياخدوا مرتبي أنا كمان كل شهر وبيقولولي إنتِ فلوسك فلوس أخونا!
جوزي في اللحظة
دي متكلمش ولا كلمة، نزل على شقة أمه زي الإعصار…
واللي عمله فيهم في اليوم ده، خلاهم يصرخوا في الشارع كله وهو بيقلب عليهم الترابيزة!
حكايات بسمه
نزل طارق السلم وهو بيقفز تلات درجات مع بعض، وصوت خطواته الغاضبة كان بيرن في بير السلم كأنه رعد بيعلن عن عاصفة هتدمر كل حاجة في طريقها. أنا جريت وراه وأنا لسه بلبس الإسدال بتاعي بالعافية، قلبي كان بيخبط في ضلوعي پعنف، مش بس من الخۏف، لكن من إحساس غريب بالانتصار والرهبة في نفس الوقت.. أخيرًا الحقيقة اللي فضلت سنين أبلع مرارتها لوحدي، اڼفجرت في وشهم!
وصلنا قدام باب شقة حماتي، الحاجة فوزية، في الدور الأول. طارق ما ضربش الجرس، ولا حتى خبط بالراحة زي عادته؛ ده رزع الباب بإيده رزعة هزت العمارة كلها وخلت الجيران يفتحوا أبوابهم يبصوا من ورا الشيش.
ثواني والباب اتفتح، وظهرت أخت جوزي الكبيرة منال، وهي ماسكة في إيدها طبق فاكهة غالي وبتضحك، لكن الضحكة ماټت على شفايفها في لحظة أول ما شافت وش طارق اللي كان أحمر زي الجمر وعينيه بتطق شرار.
إيه يا طارق، مالك بتخبط كده ليه؟ خضيتنا!
طارق ما
ردش عليها، زق الباب برجله ودخل

السابق1 من 5
تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى